خربت علاقتي مع الناس لهسبب

مرحبًا بنات
اقسم بالله تعبببببببببت والسبب
اللي خرب علاقتي مع كل قريباتي
وأهلي وصديقاتي وأي احد
هي عصبيتي وتسرعي وحساسيتي الزايده
انا وحده ماتحمل مزح ب اي شكل من الأشكال
وعصبيتي نار خاصه لما يبقى يومين على الدوره😭
بحاول اشرح لكم كيف
وحده من قريباتي حاطه صورتي وانا صغيره تمزح
تعلق على شكلي وقبل كم مره تعلق على خواتها
وعادي يضحكون ولا زعلو
انا زعلت واخذت الأمر بشكل جدي ونفخت عليها
وقلت من سمح لك ؟
هي انصدمت من طريقه أسلوبي
ونفس الشي امي مره شرهت على قريبه لنا
انها ماعزمتها جت هالقريبه كتبت كلام كثير لامي
انك انتي صاده وإنتي ماتقدرين وكلام كثير عيب ينقال
لمره كبيره انا بدون شعور رحت ارسلت لقريبتي
هذي كلام سب بكلام كبير بحقها وبكلتها مع ان امي محذرتني مارسل
بعد اسبوع تقريبا دانت العلاقة بيننهم وبين اهلي
وانا اخربت علاقتي معهم صح نجلس مع بعض
بس كاننا اغراب المشكله لها سنتين بالضبط ولليوم
اقسم بالله مابيني وبين هالبنت الا سلام اللي قبل حتى النوم كنا ننام عند بعض
وندمت قد شعر راسي ليش اتسرع وأرسلها هالكلام القوي
وابكي ليش جرحتها بس وش عقبه !!
نفس الشي صار اليوم قريبتي ندمت مزحه
ان اختك مرتاحه وانتي تطبخين لها اختك مستقدمتك لها ؟
قالتها بمزح ودايم اختي مع قريباتي مزحهم كذا ثقيل
ولا يزعلون انا باقي لي الحين يومين وتنزل الدوره
ونفسيتي زفت
ومسحت فيها الواتس بالهواش خير وش شايفتني
ومن انتي تقولين هالكلام ولاتسوين تمونين وش دخل اني شغاله عشان طبخت لاهلي ؟
وكلام كثيرررررر كتبته قريبتي انصدمت قالت اسفه
واسحب كلامي انتي وحده ماينمزح معك ولا يتقرب لك
وحذفت نفسها من القروب
انا مشكلتي التحسسسسسسسسسسس
من ابسط ابسط شي
اقسم بالله احيانا كلمتين تنقال لي بمزح
مانام يومين بسببها واجلس ابكي
لكن الناس واهلي
موب فاهمين امي تقولي ماراح تعشين دامك
كذا
ولا احد باقي لك وانتي كذا والدنيا ماراح تجي على كيفك
يكلموني كان هالشي بيدني؟
كاني انا ابي هالشي انا لو بكيفي صرت حجر صرت جدار
ماحس اكرررررره هالشخصيه لي بشكل ماحد يتخيلها
الحين من شدة تحسسي
لو اشوف اختي مثلا طلعت من قريبتي بدون لتقول لي
ازعل
وأنفس عليها انها ليش ماقالت لي ؟
ماتبين ؟
وش قصدها بهالحركه انانيه !!
وكذا يجي ببالي
مره كنا بمحل جت اختي سحبت علي وراحت من قريبتي
تشاور قريبتي بحاجه بتشتريها هالشي عاذي صح ؟
انا اذكر زعلت على اختي يومين ماكلمه ولا أناظرها
حتى وهي ماتدري وش فيني والسبب جواتي
ليش تسحب علي اختها وتشاور قريبتي
قسم بالله مابي أكون كذا واكره نفسي وانا كذا
ودايم احاول اتاقلم لكن عجزززززززززت
مافي قائده خاصه وقت الدوره والله العظيم اتحول
انسانه مريضه نفسيه
متخلفه
كل شي يجي ببالكم
لو احد يمزح معي بكلمه يكره نفسي
ويكرهني ويبكلني من كل مكان خربت علاقتي مع كل الناس
بسبب هالاسلوب صارو الناس مايرتاحون معي يخافون من اي كلمه جلستهم صارت معي ثقيله مافيها
مزح مافيها سوالف
لان كل الناس اخذين موقف مني