من عشاق الديكور وخربشات الديكور والتعديلات بشكل عام ..
فموضوعي اليوم عن غرفتي ..او كما يسميها البعض الصومعه
فغرفتي هي كاتمة اسراري وفيها امارس جميع الطقوس ..
ما علينا من المقدمات اللي مالها سنع ..
نخش بأة بالموضوع دوغري ..
تعرفون عاد ايام الفقر .. يوم كنت اكد للزبير والبصرة
ما كان فيه دراهم .. بس الحمد لله توفرت الدراهم اللحين << مب عاقل ابو 80
فكرة تعديل الغرفة قابلها معارضة من الاهل .. يقولون وش هوله الخساير
خل الخساير في بيتك والا هالدراهم الفايضة اعرس بها ..
غرفتك وش زينها ليه التعديل .. قلت لهم خلوني تكفون امارس طقوسي
قبل ما ندخل بالصور ..
الغرفة طبعا من تصميمي كل شي انا راسمه ومصممه والله وفقني بنجار باكستاني
انا ارسم له وهو يفصل والحمد لله كانت التكلفة مناسبة جدا مقارنة لو كان الاثاث جاهز
بسم الله ندخل .
بدأت لملمة بعض الخلاقين والاغراض وبدأ التشرد
وهنا الباكستانيين ما عاقت معهم ضفوا الغرفة بلحظات ونزلوها للقبو .. معلنين بذلك
بداية حقبة جديدة من التطور والتنوير << لاعب فيه جان جاك روسو صاحب العقد الاجتماعي
وهنا بدأت ملامح العصر الجديد
وهنا نلاحظ النقله النوعية من عصر الظلمات (ايام الفرشات والموكيت المغبر) الى
عصر الباركية والخشب الحنون ..
والحمد لله خلصت الدهانات والارضيات بوقت مناسب .. بس المشكلة ان الاثاث ما بعد
خلص من المنجره .. فهنا عانيت شوي من التشرد .. مره بغرفة احد اخواني اللي ذبحني بازعاجه
ومره اتسدح بالصالة .. وانا صاحب حس مرهب بالمره ..
فقررت اني انام بغرفتي الحلوة لو ما خلصت انام بالارض بكرامتي