خربطة اخر الليل من عضوه جديده

صباحح الخير ☺☺
طبعا انا جديده ع المنتدى كعضويه لكن متابعه لكم من زمان .. 
عاد جالسه اقلب بالقسم ع انه نكد ويضيق الصدر الا اني احبه 
قلت اخربط عليكم واعطيكم كم وجهة نظر عاد اللي تأيد تعلمني
واللي ترفض تقولي ليه وتقنعني..
طبعا ماني عجوز ترا بنص العشرين وعندي بنت الله يصلحها ..
اناا ضدد الرجال ودايم اكثر وحده تسبهم
لكن فيه حريم بعد تجيب البلا لنفسها وتجي تتشكى
احيانا انصدم من كمية العبوديه اللي فيكم للرجال 
وحده زوجها يخونها ويطلع مع بنات ويزني وتجي تشاورنا
لييييييييه ابفهم ؟! ترضين تعيشين مع زااااني 
لاتجي وحده تقول عيالي وعيالي عيالتس لهم الله ماينساهم
اهلتس مافيهم خير .. بالنهايه هم اهلتس روحي واجلسي ع قلوبهم
الله لايحدنا بس والله ماتقبل النفس تعيش مع رجال خاين 
ليه الوحده تظلم نفسها وحياتها كم مره بتعيش العمر هي مره وحده 

الشي الثاني ي حبيباتي .. 
بزرانتس لاتجمعينهم ورا بعض ثم تجين تصيحين 
ابي شغاله وماالقى وقت ومدري ايش 
ولنفسك حق .. عارفه ان مالتس بالشغاله اهجدي
وخلي اقل شي 3 سنوات بين كل حمل والثاني 
استغرب من اللي تقول احمل والطفل عمره سنه ليه طيب
اللي عمرها كبير انا معها لكن الصغيره واللي حياتها ماهي مستقره 
ليه تجمع بزران زوجتس يبي لاتطيعينه ي ماما 
بكره يروح يتزوج ويقول مالقت لي وقت بس مشغوله مع بزرانها
انا وحده مافكرت احمل الا وبنتي عمرها 5 سنين ليه لاني عارفه
مالي قدره ع المسوؤليه وبعيش عمري ابروح واجي وانبسط
والشي الثاني عارفه ان زوجي حياتي معه مش ولابد 
ف ماابي اندم ع عمري يضيع مني وانا ماعشته 


الشي الثالث والاخير .. ماتلاحظون الرجال صاروا وقحين 
يكلم ويغازل قدام حرمته وعادي .. ي ماما انتي وياها بلاش ضعف
اللي خلا الرجال كذا كل وحده تسكت وتقول بيتي لما حسوا ان الشي هذا عادي لا وصاروا يتفاخرون
بكره لاردته الدنيا لك ولبناتك لاتبكين .. لان العرض دين .. 
زوجك خاين يكلم يغازل العبي بشويش .. روقي وجمعي لك ادله 
روحي لاهلك وفهميهم بدون مايحس وخليهم ينادونه وطربقي الدنيا على راسه
زعل وكابر الله معه الله ماخاف ع عرضه ماينعاش معه .. 
زوجتس لو تبادلين واحد نظرات بالغلط سوالتس سالفه وانتي تسكتين وهو يتغزل بغيرتس ليه وش ناقصتس
انتي حلاله والشي هذا المفروض يكون لتس .. 
انا مااقولتس تطلقي من مكالمات بس الشي ع المره الاولي اخذتي موقف وادبتيه وكدتي كيد الحريم
مشت حياتس واخذ درس .. اما تسكتين وتقولين عيالي وعيالي ابشري بالامراض والضغط والقولون 

الشي الرابع .. 
لا لا امزح عاد 😂😂😂
يلا عاد المايك للي بعدي تعطيني رايها