خرجوني من حيرتي

ما تقدرين تنصحين الزوجه إنها لازم تقول عمرها .......
الحقيقي لأن هذا زواج وليس لعب أطفال....
خبريها إن كانت متصوره انها الان ستنجو بفعلتها .....
وكذبتها عليه فانها اذا تزوجته بعد ذلك ربما ما راح يغفر لها ....
هالشيء نهائي .....والرجال الان عشان يطلقون يدورون لهم أتفه الأسباب....
لكن ان كنتي لا تستطيعين نصحها ....
فهوني عليك الأمر......وتفائلي بالخير .....
ولاتحكمي على هذا الزواج بالفشل ....
لكن ما ذكرتي هي كم سنه صغرت نفسها ؟!! كم عمرها وكم قالت لهم ؟!!
ادعي لها بالتوفيق ......
وان يكون هالزوج لها سكن ورحمه ....
بعدين الحمد لله ان مابها مرض عضال أو مرض نفسي أو عصبي .....
وأخفت عليهم .....
لكن لو اتخذت أي موقف وأخبرتي مثلا الزوج أو والدته .....
حطمتي أمل تلك الفتاة .....
التي ربما بها من الصفات والخصال الحسنه ....
ما يتغاظى به الزوج عن العمر .....

رأي يحتمل الخطأ ...

أنا ما أقدر أقولها علاقتي أنا وعائلتي ليست جيده معها
وكما إنها تطلقت قبل كذا بسبب نفس الكذبه
صغرت نفسها 14 سنه
هذه المرأه صحيح أنها غير مصابه بمرض عضال أو مرض نفسي أو عصبي ولكنها مصابه بالحقد والغيره وسوء الظن بأقرب الناس لها وأظن أن هذا أخطر بكثير من الأمراض المذكوره
كما أن العريس شخص صغير في السن وهي لن تقدر الإنجاب له

الغاليه ..

سندريللا ..

طيب ليه انتي تحملين نفسك فوق طاقتها ..

يعني مانتي قادره تنصحينها .. وهي من كلامك إنها حقوده يعني لو تنصحينها .. مارح تسمع لنصيحتك ..

وهذي المره الثانيه أيضاً تكذب الكذبه نفسها .. يعني ماتعلمت من غلطتها الأولى ..

والعريس .. ممكن ما تقدرين تنبهينه .. ولو حصل .. يمكن تنفهمين غلط ..

وافرضي الخبر وصل للعروس .. رح تحقد عليك .. ويمكن تأذيك .. خصوصاً إذا تفركش الزواج

بسببك ..

في رايي إنك تخلين الأمور تمشي زي ماهي .. وبعد الزواج الكذبه أكيد رح تبان يعني

ماراح تقدر تخبي إلى الأبد عمرها الحقيقي .. خصوصاً إذا ماقدرت تنجب بسبب كبر السن

زي ماقلتي ..

المهم يالغاليه .. هي لا تشيلين همها .. لأنها عارفه وش تسوي .. ولا هي أول مره تسوي كذا

وهو لا تشيلين همه .. إذا اكتشف الكذبه وكان الموضوع خطير بالنسبه له .. بيتصرف

بالطريقه اللي تريحه .. والرجال زي ماحنا عارفين ما يتأثر بالطلاق زي المره ..

أما إذا حبها مثلاً ولا قدر يستغني عنها .. وكان الموضوع بالنسبه له

عادي .. رح يبقون على زواجهم ..

يعني لا تحاولين تدخلين في الموضوع بأي شكل من الأشكال

لأنك يمكن تتضررين أكثر مما تفيدين ..

أتمنى إني ما أكون غلطانه ..

لكن هذا اللي رح أسويه لو اني مكانك


الله يوفقك .. ويسعد أيامك

:(
غريب امرها ... راح تنكشف يوم الملكة .. كيف ترضى على نفسها بهالوضع :(؟؟

بسم الله الرحمن الرحيم
اختي ,,,سندريلا,,,
عندي سؤال واحد فقط
ام العريس هل رأت العروس ؟؟؟
اذا كانت راتها واقتنعت بها فهي وشانها لانه ربما يكون الفرق بسيط وربما هناك مميزات في هذه العروسه اعجبتهم ..
عموما انا ارى انك تبتعدين عن محاولة اخبار الزوج اذا استطعت فقط نصح الفتاة على الابتعاد عن الكذب فليكن ذلك ,,
اما سوى هذا فلا انصحك به ,,
تحياتي