واحنا صغار كنا ننطر العيد عشان نجمع بهالعيادي:biggrinlo، والريحة تلزق ببالك مع خرخشة الفلوس الجديدة تتخيلها بيدك. الحين كبرنا وبدال ما قمنا نستلم عيادي صرنا نعطيها حق الصغار،
بس تدرون شنو سبب ريحة وخرخشة الاوراق النقدية ؟؟
طبيعي إذا نبي نعرف سبب ريحة الفلوس لازم نعرف الفلوس الورقية من شنو مصنوعة.
النوط الورقي 90% منه “الورقة” اللي تنطبع عليها العملة، وباجي الـ10% كلها حبر ومواد سرية.
خرخشة الفلوس الجديدة سببها يرجع حق القطن الصاااافي المضغوط، ساحبين منه الدهون والرطوبة وصار نااااشف صافي. بعد فترة الخرخشة تختفي مع الاستخدام المتكرر بسبب انتقال الرطوبة والدهون إلى الفلوس من الأيادي والتداول اليومي، وحطوا ببالكم أغلب البواكه هالأيام من الجلد (سواءاً الطبيعي أو الصناعي) والجلد فيه دهون تنتقل مع الحرارة إلى العملات داخله، سواءا بصورة مباشرة إذا كان داخل البوك مافيه خام بينه وبين الفلوس، أو بصورة غير مباشرة عن طريق انتقالها من الجلد الخارجي لي الإيد لي الفلوس. من جذي إذا خشيتوا الفلوس بمكان ناشف طبعا راح تبقى مثل ما اهي ما تتغير.
زين والريحة العجيبة شسالفتها؟
سببها هو إن الحبر اللي عالورقة يكون فريش توه عالورقة.
نسبة تركيز الحبر على أوراق النقد عالية وخلطة الحبر هذي سرية حيل للحد من عمليات التزوير،
زين ليش تختفي الريحة هم بعد فترة ؟
ريحة الدهون والرطوبة والغبار المتراكم على العملة يغطي على ريحة الحبر أو حتى يخرب من درجة تركيزه.
بغض النظر عن قيمة الفلوس، إذا نطالعها من ناحية فنية صج كل ورقة أو قطعة معدنية لوحة فنية بحد ذاتها :cool:وتبقى كتذكار رمزي يعكس حضارة واقتصاد ودولة سنين وبنين.
آخر معلومة: متوسط حياة العملة المعدنية 30 سنة، والعملة الورقية تقريباً 22 شهر، يعني حوالي سنتين.
شراااااااااايكم يا عسسسسسسسسولات بهالمعلومات :icon30:
يعطيك العافيه