نفح الاريج وهديل هذي هي المواد وطريقه الاختبار لكل ماده:-10
1-مدخل الى الثقافه الاسلاميه(ماده عامه)دينيه حلووووووة تاخذين فيها امتياز بدون اي شك انشالله اعطتنا ياها الدكتورة:نوال العيد (اذا سمعتي فيها)اسئلتها مباشرة عاديه
2-المحادثه والصوتيات: المحادثه(لايفسر الماء بالماء)لكن حسب الدكتورة كل اسبوع كانت تعطينا موضوع نحضر انفسنا اننا بنتكلم عنه يعني نجمع كلمات وجمل وصور وغيرها
ونجي الصف نعمل محادثه كل طالبة مطلوب منها جمله او جملتين والدكتورة تصحح الخطأ
وبالاختبار كانت تسالنا اسئله مثلا تقول((تكلمي عن نفسك؟او تكلمي عن عائلتك؟حاجات اخذناها بمحاضرات قبل اثناء العام الدراسي وتتكلمي شفهيا وممكن تطلب منك حاجه عمليه
مثلا تقول للبنات حضروا انفسكم الامتحان يشمل 3 مواضيع (التلوث)(الاسرة)(الانترنت)
يقومون البنات يعملون جمل كثيرة ويحفظنها بعدين نسمعها للدكتورة بالاختبار.حسب دكتورتكم!

الصوتيات:بصراحه معقد شوي ((لان فيه كيفيه كتابه الكلمات بالاحرف الصوتيه))كانت المادة شوي متعبه وفيها شغل كثير(يعني من يوم المحاضرة الى المحاضرة اللي بعدها لازم تستحضرينها وتراجعين وتحفظين)بس ماكان فيها واجبات..اختبارها تجيب كلمات تقول اعملي لها كتابه بالاحرف الصوتيه PHONETIC TRANSCRIPTION
3-مقال ونصوص للفهم(انجليزيه طبعا)كان يطلب مننا نكتب مقال قصير عن احد الموضوعات اللي تختارها الدكتورة وتعطينا 10 دقايق نكتب بعدين نوقف وكل طالبه تقول ايش كتبت وتصحح لنا وبالاخير تجمع افكارنا بمقال واحد نكتبه كلنا كمثال بالملف عندنا.في جزء اخر للماده نفسها
هي ان المعلمه تنزل لنا بالتصوير ورقه فيها قطعه عليها اسئله زي طريقة الثانوي
T OR Fواسئله قصيرة وضعي عنوان مناسب للقطعه وايضا الضمائر تعود على ماذا؟
كان الواجب يطلب مننا تكوين مجموعات وتكتب كل مجموعه بموضوع معين كمقال:)
تحسين ان المناهج تتشابه صح؟((بيني وبينك كنا نكتب واجب المحادثه ونسلمه كواجب مقال ومحادثه هههه ))الاختبار نفس المحاضرة من(جزئين)جزء مقال وعليه اسئله تجاوبينها عادي
وجزء ثاني تجيب لك 2-3مواضيع اختاري واحد واكتبي عنه مقال وتحدد لك عدد الاسطر
او عدد الجمل ..

4-القواعد:من اسمه قواعد اللغه الانجليزيه ((يعتمد على مهارتك بالثانوي))لا القاعدات اللي بتاخذيها كلهااااااا مرت عليك ايام الثانوي بس تذكير يعني (تدرسينها اولى وثاني بس)واسئلته عادي مثل طريقة الثانوي فراغات اكملي بالفعل الصحيح او صححي الخطا بالجمله الاتيه او مازمن الفعل في هذه الجمله اسئله الروتينيه اللي كانت تمر عليك بماده الانجليزي بالثانوي
مافيها صعوبه حيل..

5-الترجمه::كانت احلى ماده على قلبي.الدكتور كان يعطينا كل اسبوع مجموعه كلمات ويطلب ترجمه لها وتصريفها يعني مثلا(الكلمه_نوعها(فعل او اسم او صفه)_زمنها_تصريفاتها لو كانت من الافعال الشاذه) كان الكورس لذيذ جدا وكل المطلوب منك قاموس اكسفورد كتاب
((انا بصراحه استخدم اطلس العالم جهاز الكتروني اشتريته من جرير ونفعني جدا انه سريع))
بعد فتره تطور الكورس لجمل نترجمها كل اسبوع والنصف الثاني صرنا نترجم قطع قصيرة جدا من 3-4 جمل :)
اسئله الاختبار حسب الكورس اللي درستيه (النصف الاول مجموعه كلمات مرت عليك اثناء العمل بالمحاضرات ومطلوب تترجميها واحيانا يطلب منك مرادفات بالعربي او بالانجليزي
ويكون في جمل للترجمه من عربي لانجليزي والعكس برضه موجود..بس

6-النثر : عباره عن قصص قصيرة صفحه او صفحه ونص نتسلمها قبل المحاضرة.نقراها ونستوعبها كويس باحداثها وشخصياتها.نجي عالصف تقوم الدكتورة بطرح اسئله عن احداث القصه ومجرى الاحداث ونوعيه الشخصيات وراينا بكل شخصيه وكيف كانت النهايه وهل اعجبتنا او لا والسبب..الكورس الى هنا حلو ((انا احب جدا جدا))موطن الصعوبه لازم تشتري قاموس ادبي من البدايه علشان تتدربين اسمه LITERARY TERMS هذا القاموس
ينفعك بالنثر والشعر والمسرحيه لانه قاموس ادبي .تستفيدين منه بالنقد يعني لازم اذا حبيتي تنقدي شخصية بالقصه مثلا:
بطل القصه ممكن بتقولين HERO اللي معناها بطل_لكن الواقع الادبي يقول PROTAGONISTهي كلمة الادبيه لبطل القصه وغيرها(يارب يكون كلامي واضح)
وبالامتحان
بالاختبار يجيك أ-سؤالين تختاري واحد:
1-نقد لشخصيه؟
2-نقد لحدث؟
ب_سؤالين تختاري واحد:
1-مارايك بكذا وكذا (شي حاصل باحد القصص)وهل تؤيدين او تعارضين؟ولماذا وضحى
2-نقد الادباء قصة(كذا وكذا)لانهم يعتقدون بانهاركيكه الاسلوب وفيها استخدام لغه ضعيفه.وضحى بالامثله من النص(يعني من القصه)
((اكيد كل شي يعتمد على مهارتك اللغويه والاملاء مهم جدا بالاضافه لكون عندك مصطلحات ادبيه يعني كل ماتفلسفتي بحاجات حلوة كل ماعجبت اجابتك بشكل افضل الدكتورة..

7-المسرحيه:ندرس مسرحيه قصيرة وطريقة الدراسه تشبه كثيييييييييييييييييييييييييييييييييير
طريقة النثر.يعني مطلوب كل اسبوع تحضرين فصل او باب من المسرحيه تكونين قريتيه وفهمتيه والدكتورة بتسالك عنه اكيدويتم النقاش بين الطالبات والدكتورة بالصف
برضه يحتاج للغتك الادبيه بالنقد مثل النثر..
طريقة اسئلتها مثل النثر بس تفرق بحاجه :
تجيب لك الدكتورة مقطع من المسرحيه (كذا وكذا)مقطع منقول بالكامل مثلا قال هاملت ....................................... وبعدين تقولك اجيبي عن مايلي:
أ-الى من كان يتحدث هاملت؟ومالموضوع اللذي كان يشغله؟
ب-مارايك بشخصيه هاملت؟هل صحيح انه اظهر بعض الطيبه في شخصيته؟
متى وكيف؟(طبعا لازم تجيبين مثال من المسرحيه نفسهاوتتكلمين عنه)
والسؤال الثاني راح يكون مقالي يعني بتكتبين مقال عن السؤال اللي بتطرحه
مثل طريقة النثر:مثال
يقال بان شخصية صياد البندقيه هي دلاله لصفات جميع اليهود؟تكلمي..


8-الشعر: (اكره هالماده) عبارة عن قصائد قصيرة POEMS
وفي كل اسبوع نحضر القصيده اللي تعطينا اسمها الدكتورة
يعني كيف نحضر:اسم الشاعروماتعرفينه عنه؟اذا له قصائد غيرها عدديها؟
اذا في كلام نقد عنه برضه هاتيه للصف((الله يخلي الانترنت يارب))غير انه مطلوب منك
تكوني فاهمه الكلمات يعني ممنوع تسالي الدكتور عن معنى كلمة لازم تكوني عارفتها
انتي من مجهودك_الدكتورة تجي الصف للنقاش ((دكتورتنا كانت سلبيه لكن الله يوفقك باللي احسن منها الدنيا حظوظ والهيئه التعليميه حظ بالكليات))
اسئلتها:كانت تجيب قصيده خارجيه مادرسناها معها(تقول حللوها يعني من ناحيه استعاره
تشبيه (مثل الشعر العربي) واذا فيه سجع او قافيه نوضحها برضه.
اذا كانت القصيده لشاعر او شاعره مر علينا طلبت مننا نتكلم عن حياته وكذا ؟واذا شاعر جديد
ماتطلب.
الجزء الثاني من الاسئله كان عباره عن استرجاع للي درسناه بالمحاضرات
يعني مثلا تعريف التشبيه ؟ اذكري مثال(من القصائد اللي خذناها تستدللي)
تعريف السجع؟اذكري مثال (تستدللي من القصائد لانها كانت حفظ)
وفيه برضه فراغات:-
في قصيده (كذا) كان الشاعر يتحدث عن _______ ويمدح________
وفي قصيده كذا التي كتبها__________ عاب النقاد عليه _______
ومثل كذا..وهالجزئين حلوين مافيهم صعوبه الصعوبه بالقصيده الخارجيه
لاننا مبتدئين وماكنا لسه استوعبنا الماده زين زين..

9-STUDY SKILLSمهارات دراسيه:
ماده مقاليه تتكلم عن مهارات الدراسه وماذا يجب عالمتعلم ونصائح لكيفيه الحفظ والاستذكار
وفيها برضه عن استخدام المكتبه وكيفيه استخدام البطاقه المكتبيه لاستخراج المعلومات
الماده تحتاج ((حفظ حفظ))
طريقة الاختبار كان اسئله عامه قصيرة على ماتم دراسته مثلا
اذكري طريقتين من طرق الحفظ؟
ماهي اهم اانواع تصنيف المكتبات؟......الخ

10-اللغه العربيه((تحليل نصوص))
كانك تدرسين نحووصرف وتفسير وبلاغه (بس بماده وحده)
اخذنا كم سورة من القران الكريم سور الجزء ال30
وكننا نحلل من الدكتورة اولا تفسير الايات من سبب النزول وغيره
بعدين بلاغه لو فيه تشبيه استعاره كنايه...الخ
بعدين نحو وصرف((اعربي الايات))

الدكتورة بالاختبار جابت لنا جزء من كم سورة يعني
وطلبت مننا نحلهم (مثل طيرقة المحاضرات)نحويا ولغويا ودينياتفسير
ماكانت صعبه الماده بس ((انا ضعيفه بالنحو الاعراب))لو كنتي كويسه مشالله يمشي حالك بسهووووووووله جدا..


ارجو اكون افدتكم ياحبايبي واخواتي ((انا مالقيت عندي اسئله الاختبار بالانجليزي لك ياهديل))
يارب يكون توضيحي شامل لك يانفح الاريج يالغاليه
واذا في شي ناقص او تحتاجون تفهمون فيه اكثر انا بالخدمه للغالين

مشكورة عيوني

والله يسعدك


وويوفقك دنيا واخرة

ما اكذب عليك خفت من المناهج

وخصوصا الصوتيات لاني مو فاهمه شي وعليا اختبار بعد اسبوع


والشعر والنثر يخوف كاني اخذ بلاغه وادب ونصوص بالعربي

والله صعب علينا

لكن الحمد لله والشكر على كل شي

مشكوووره كثيرر الله يجزاك كل خيررر الصوتيات الاسبوع الي جاااي واناا مو فاهمته ابدااااااا

انوارالعمر

مشكوره يالغاليه :26:

على المعلومات الاكثر من رائعه

فعلا مجهود تشكرين عليه

اسأل الله أن يثقل به موازين حسناتك

الله يوفقك لكل خير

أختي هديل مو الامتحانات بتاريخ 29/11 ولا كل كلية تختلف ووو؟
والأسئلة مو كلها أختياري وصح وخطاء