خريجة كلية التربية لإعداد معلمات المرحلة الإبتدائيه بالرياض .. مفاجأه 

خريجتي العزيزه .. مدرسة المستقبل الواعده .. طاقة الشباب المدفونه 


-هل تعلمين انه تم استبعادنا من الترشيح ..لأن شهادتنا أقل من البكالريوس ؟!!!!

سبحان الله .. أقل من درجة البكالريوس في الرياض فقط. ؟!!!!!!!

يعني لو أقدم في مكان ثاني ثاني راح اتوظف .. ويطلعون لي بإثبات الاقامه .!!!

سؤال ينطرح .. لماذا في الرياض فقط ؟! 

وزارة التربيه والتعليم في الرياض فقط لها قوانين خاصه ؟! والا وش القصه ..

بنات .. لها الدرجه وصلنا .. استحقار واستبعاد .. يكون بمعلومكم بنات معنا درسو ماستر ودكتوراه وهم خريجات كليتنا العزيزه ..تراها مو دبلوم...بكالريوس ..

دراسات - عربي- علوم ورياضيات- اقتصاد منزلي - رياض اطفال 

عزيزتي 

هل تعلمين ان عدد دفعات الكليه سبع دفعات فقط ؟!! 

وعااااجزون عن توظيفنا وكثر الله خيرهم منعونا من حقنا بالتوظيف وحنا ساكتين نتفرج ومبسوطين نقدم على جداره 

عزيزتي .. الاحتياج في الرياض. صففففففررررر..

كان هدف ***** كليتنا ايجاد عملية التربيه التعليمة بالتخصص...

لكن اللي نشوفه ونلمسه العكس ..مدارس الابتدائي مليئه بالتخبطات العشوائيه ...

لا مشكله .. اي تخصص يسد الاحتياج....
اي تخصص .. خريجة كلية التربيه الاقسام الادبيه عربي .. تدرس علوم ورياضيات ابتدائي .. لااا مشكله خلك طبيعي .. وشووو طفل .. طفلنا العزيز .. ماتلاحظ ان حقك مأكول ؟!!! 

افهم بس .. لما درستي درستي شي عن الطفل ؟؟؟ ولاشي تبدأ من المراهقه وفوق ..
درستي سلوكيات نفسية طريقة التعامل مع الطفل ؟!!!

حنا درسناها تخصصنا فيها .. حقنا ونطالب فيه نبي وظايف .. نحقق احلامنا ونطبق اللي درسناه .. نعرف كيفيه تدريس أطفالنا فهو تخصصنا ..


الأهالي خايفه على اولادها من التخبطات اللا مسؤوله 


نطااالب ب 

(((.  التعليم بالتخصص. )))

الله يعافيكم لا تجي وحده تقول لو تجري جري الوحوووش ....







فلنتكل على الله ولا نخف في الله لومة لائم ولنقل الحق حيثما كنا ، لا نخاف على رزق يقطع
 

توكلنا على الله حين السعي في طلب الرزق ، قال صلى الله عليه وسلم 


(لو توكلتم على الله حق توكله لرزقكم كما يرزق الطير تغدو خماصا وتعود 

بطانا ) . 
اللهم انا نسألك رزقا حلالا مباركا فيه


نعم .. فلنتوكل على الله ونبدأ حملة 


(((    التعليم بالتخصص في المرحله الإبتدائيه    )))


الرجاء النشر ... الحقوق غير محفوظه .. منتديات .جرايد..برامج الاجهزه الذكيه .. واتس اب ..كاكو.. هوز هير .. انشروووو لعل الله يكتب لنا رزق من خلال هذه الحمله ويوصل الصوت للمسؤولين الكبار .. 


عزيزي 
وزير التربيه والتعليم 

اتوقع ان ما عندك علم بالظلم الحاصل لنا والا كان حليتها من دون ما نتكلم ولا نطالب 

نطالب .. التعليم بالتخصص 
وتعييننا اسوة بغيرنا من خريجات البكالريوس  




وصلى الله على محمد