خسارتك مكسـب ومكسبـك إفـلاس ....

متـى أتحمـل ذنـوب غـيـري
وأصير بعيون البشر ميـت أحسـاس
وإلا متـى بعيـون غيـري تصيـري
مظلومة وقلبـك رهيـفٍ وحسـاس
خلاص أنا قـررت أحسـم مصيـري
وأفضحك وأظهر ماتخفى على النـاس
أهـم شـي إنـي أريـح ضمـيـري
حتى ولو أخسرك عـادي ولا بـاس
منتي كفـو قلبـي ولا صيـد طيـري
خسارتك مكسـب ومكسبـك إفـلاس
روحـي وخلينـي بشـري وخيـري
ماعادلك في دنيتـي اليـوم مجـلاس
مايلتقي سيرك علـى خـط سيـري
دامـك سمعتيبـي عـذولٍ ودسـاس
كفـي دموعـك لا تهلـي العبيـري
ماينفعك والراس وقّـع بهـا الفـاس
ولا ترتجـي قلبـي فقلبـي شويـري
والله لأجزه لو عصاني مـن السـاس
يحرم عليك تصـدري المـاء فبيـري
والله لو أن عروقـك الخظـر يبـاس
وإن كان قصدك تخضعي الراس طيري
عجزوا طوال اشناب ما وطوا الـراس
من بعد ما كنتـي شهيقـي وزفيـري
صرتي على صدري جبل يقطع أنفاس
ومن بعد ما كنتي زهوري وعبيـري
أصبحتي شوك ٍ حدها حـد الأمـواس
كنتي لـي الفيّـة وصرتـي هجيـري
كنتي لي أفراحٍ وصرتي لـي أتعـاس
وش جلسك للحيـن يابنـت سيـري
مالك أمل في رجعتي أقطعـي اليـاس
تجبري وأرجي العـوض وأستخيـري
ويمكن تلاقي شخص غيري من الناس
بـس آتحـدى لـو تلاقيـن غيـري
يحمل ربع ما أحمله من حب وإحساس


منقووووووووووووووووووووووووول