خسرت ثقه اخواني بسبب ..... سخافتي وطيشي

السلام عليكم ورحمة الله وبركاته

يعلم الله اني حبيتكم في الله وحسيت انكم اللي راح تساعدوني بعد الله في ايجاد حل لمشكلتي البسيطه بالنسبه للعالم والكبيره بالنسبه لي

انا غلطت غلطه يمكن تعتبر بسيطه بالنسبه للبعض لكنها كبيره بالنسبه لي
قبل سنة تقريبا
انجرفت بدرب الخطا وبصراحه للحين اسال نفسي ليش سويت جذي ما عندي اي سبب
مو ناقصني اي شي
لا ناقصني حنان ولا اي شي وعلاقتي باهلي وايد حلوه بس سويت اللي سويته صرت اكلم شباب
مع اني يشهد الله مافيهم احد شافني ولا شاف صورتي
بس اكلمهم فون
وبصراحه كلمت كذا واحد
اطول واحد دامت علاقتي معاه شهر:confused:
صدمه صح
تبون تعرفون ليش صدمه
لاني كل ما ابدا اكلم واحد يطيحون علي اخواني

خلال سنه طاحو علي ثلاث مرات
بس اللي كان يشفع لي انهم فعلا متاكدين اني ما طلعت ولا في احد شافني


مالكم بالطويله
يعلم الله اني بعد اخر مره تبت
وفعلا فعلا تغيرت
لاني عرفت اني وحده حقيره وما عندي سالفه ولا عندي هدف

اخواني صغار وقدرت ارضيهم وشافو بعينهم اني تغيرت وتبت وما عاد اعيد هالسوالف
لكن اخوي الكبير له خمس شهور الحين ما يكلمني
وقلبي كل ما اشوفه يتقطع
ابي اكلمه
وترجع علاقتي فيه مثل اول
كان يسولف لي كل شي وعلاقتي فيه وايد قويه
للاسف ضيعته من ايديني
شسوي
ابي اخوي يرضا عني
والله اني تغيرت
وتسامحت منه وااايد
وحاولت اراضيه
بس مو راضي
ولا حتى يعطيني مجال اكلمه


شورو علي تكفون

ما ابي احد يأنبني او يقول تستاهلين
لاني ادري اني استاهل واني غلطانه
بس الله وحده العالم اني ندمانه