خسي من غير ماتاخدي بالك (جربتها بنفسي)

علاج السمنة والنحافة

هقولك كام فكره كده لو مشيتي عليهم هتلاقي نفسك خسيتي (من غير ماتاخدي بالك) ومن غير ريجيمات ولا دياولو

- اولا متفكريش في الاكل خالص يعني خلي الاكل آخر موضوع ممكن يشغل بالك.. ساعتها مش هتاكلي الا لو جعتي ومش هتهتمي اوي بموضوع الأكل

- تانيا دايما اشغلي نفسك بأي حاجه ولتكن مثلا الشوبينج وبالذات شوبينج الملابس ده بينسي اي واحده الاكل وينسيها ابوها وامها (ههههههه بهزر)

- تالثا حاولي تشربي ميا كتيييييييير ااوي بس خلي بالك مش اثناء الأكل عشان ده بيعمل كرش ، واختلاط المياه بالملح اللي بتاكليه مع الاكل بينفخ الجسم

- رابعا متدبيهاش مره واحده، يعني احسن لو قسمتي وجباتك لعدة وجبات صغيره يعني مثلا لو انتي هتاكلي سندويتش عالفطار كلي نصفه بس وبعد ساعتين مثلا كلي باقيته ده هيساعد على زيادة سرعة التمثيل الغذائي ويحرق الاكل بسرعه (وده برضه اعمليه وكانك مش قاصده)

- اوعي تحسسي نفسك انك بتعملي ريجيم او انك قاصده تخسي .. دي اكتر حاجه بتبوظ الريجيم خلي الموضوع ييجي تلقائي يعني اكانك مش واخده بالك

- خلي قدام عينك دايما صور لبنات رشيقة جدا عشان تغيري منهم ويبقى عندك حافز، أو على الاقل حطي قدامك دايما هدومك اللي بتحبيها وصغرت عليكي

- كلي فاكهه وخضار على اد ماتقدري

- اي أكل تعرفي انه بيتخن أوي زي الاكلات الدسمه اوي.. اقنعي نفسك انك مش بتحبيه او ان طعمه منفر

- البسي دايما ملابس ضيقه وانتي في البيت عشان متنسيش نفسك ويبقى في حافز انك تخسي

- اهم حاجه على الاطلاق انك تبقي مشغوله بصفه دايمه عشان الفراغ هو اللي بيخليكي تاكلي وانتي شبعانه .. اشغلي نفسك بتنظيف البيت.. الشغل .. الصداقات,, العيال, الاهتمام بالبشره .. الرياضة .. الخروج ....
واخيرا الكلام سهل والتنفيذ أصعب
41
5K

يلزم عليك تسجيل الدخول أولًا لكتابة تعليق.

تسجيل دخول

HADOBA
HADOBA
تسلمي ياقلبي
خفت من توقيعك اخوف
خخخخخخخ
fatat_alahlam
fatat_alahlam
مشكوووور عزيزتي على النصاايح المفيده

وصدقتي والله الكلام سهل ولكن التنفيذ صعب^_*
omnyaa
omnyaa
مشكورة حبيبتي

كلامك كله صحيح
بحلم بلؤاك
بحلم بلؤاك
كلامك درر
يعطيكي العافيه وجزاكي الله الف خير

وفعلآ حركه لبس الضيق في البيت مفيده .......... عن تجربه
حلم إمرأة
حلم إمرأة
مش واخده بالي من اللي بتقولووه!!!!
بس حلو اوي...تسلم ايديكي
ونصايحك جداً مفيدة بس وين اللي يطبق
قليل اللي تقرأ الموضوع وتطبقة
جزاك الله الف خير

........................................................................................
رمضان الخير باقي له شهر ونص...كل سنة وانتم طيبين




اللهم ارحم والدي وعافه واعف عنه وأكرم نزله ووسع مدخله..
اللهم أبدله داراً خيراً من داره .. وأهلاً خيراً من أهله ..وارزقه الفردوس الأعلى ..