خشو ... خشو .. خشو ... خشو ...شوفو عيآل جآرتي وش جـــــــآآآآهم

*جمعــــــــــه مباركــه*












هلآ ومسهلآ ..
اشرقــــت وانورت واستهلـــت وامطــرت
حيآكم الله ..
مابغينا نشوفكم والله


وربي اني تعلقـــت فيكم وصرتو كل عآلمـــــــــي
عسآني ماانحرم من خششكـــــــم
حتى بعلولي يغآآر منكم وبيني وبينكم مايطيقكــــم خخخخخخ
يقول كأنــــك متزوجه عالم حواء كع كع كع

يجي من الدوام وانا على عالم حواء
يرجع من الدوام وانا على عالم حواء
يناااااام وانا على عالم حواء
يصحى وانا على عالم حواء
وربي وربي واحنا جالسين نتغدى حاطه الاب جنبي عالسفره << والله ماامزح قلتلكم ادمااااان


صآرله فتره مسويلي عقآآب اذا رآح الدوآم يسحب سلك الدي اس ال ويدسه
مادرى انه اول مايطلع على طووول اهرووول عالسلك واشبكه
لأني عآرفه وين يدسه صندوق جلالات الصلاه والسجادات:hahaha:
من يوم اعرست وانا اعرف المخبى وهو موداري ياحرام
لو تنشق الارض مايغيره نفسي يوم يغيره بس مافيه امل

المهم

زوجي من النوع اللي يخاف من العين وانا كمان نفس الشي بس مو لدرجته
يعني مثلاً اذا نزلت اشتري لدودتي ملابس
كل شي لآزم بإشرآفـــه ....
اللون هذا وش رايكـ فيه.؟؟؟؟ لا لا مايصلح يشد الانتباه دوريلها شي هادي مايجذب
طيب البرمودا هذي؟؟؟ لا لا مايصلح يطلع سيقانها دوريلها بنطلون طويل
طيب وش رايك بالبلوزه الكت هذي؟؟ لا لا تطلع يدينها بسم الله عليها دوريلها اطول
طيب وش رايك بالربطه هذي؟؟ لا لا طلعت تهبل اخاف عليها

وطلعت من السوق وانا وياه حرررررررررررب
مابقى غير نتباقس قدام العمال

ياابن الحلال انا احصنها وتراها حلوه بس اللي يسمعك يقول تركيه <<<يالبى دلبها سودتي
اصلاً انت قعيطي بس تتحجج بالعين <<<<هالعباره تعمي مستقبله هع هع هع
يحاول يوضحلي وجهة نظره وانا لاااااااا انت غلطان
يقول: انا ماقلت لاتلبسينها لبسيها بس الطفل خلقه يشد الانتباه لوكان اللي يكون
فحرام تزمهقينها على قولته<<<عجزت افهم معناها معليش مشووها
يقول اهم شي تلبسينها جديد ونظيف .. الاهم لاتعرين جسمها
وانا اذن من طين واذن من عجين ....




وهذا حالنا كل مانزلنا السوق معركة داحس والغبراء


..

ليــــــن امس سبحان الله صدقته واقتنعت بكلامــــه وندمت يوم كنت اجادله بهالموضوع

جآآآتنـــــي جآرتي جديده توها ساكنه
اول مره اشوفهــآآآآ

عندها طفليـــــن ولد بأول ابتدائي وبنت بـ5سنوات
جمالهم متوســــط
بس مكشختهم مرررررهـ
البنت لابسه حفر وقصير مررره وشكلها يدنن ماشاءالله لاقوة الا بالله


استقبلتهم وقدمتلها القهوه والحـــــلى
كانت تتقهوى بس ماذاقت الحلا
انتظرها تمد يدها مآآش قلت بنفسي يوووووه ايش الغرور هذا
3انواع تكسرت يدي وانا اسويها :mad:
ليش ماتجامل بنت الذين آمنووو وتذوق لقمه بس عشاني
قلتلها مدي يدك عالحلا لا افك وجهك <<<طبعاً بقلبي قلتهآ لآتجيني وحده طآيره وتقول ايش الاخلاق هذي اعوذ بالله
المهم قلتلها حـــــلي قالت طيب ..واسحـــــــبببببب
طنشتها عآدي
..
شوي قآمت البنت تذوق بأصبعها من الحلى
قالت لها امها لااااا لااا لاتذوقينه قومي انت واخوك روحي هناك
انا هنا طرطعتتتتتت
قلت اكيد متقرفه هي ووجهها


وتروح البنوته وترجع تبغى حلى
تترجى امها ياماما تكفيين اعطيني قطعه قالت لا قالت خلاص قطعه صعنووونه
قالت لا مافيه وتبكي البنت
قلتلها وش فيك بسم الله خلي البنت تحلي
قالت لا لا ماينفع اليوم ماكله حلى كثيير قلت بالعافيه على قلبها خليها تاكل عآدي
قالت بنتي عندها السكـــــــــــــــر
صار وجهي كذا:eek:
بسم الله عليها البنت تدنن ودلوووعه ماشاءالله موواضح انها تعبانه
قلبي تقطع عليها يوم تترجى امها
عرفت وقتها ليش الام ماذاقت الحلى عشان بنتها ماتبغاها تتعذب
قلت من متى عندها السكر
قالت من سنه ياروووحي انا
شوي جلسنا عالعشا ..
قـــآآم ولدهآ فتح البيبسي وطآرت امه واخذته منه
قلت اكيد عشان اخته ورحت انا ووجهي ادورلها عصير بدون سكر
وجيت اعطيها
قصدي عشان يشرب اخوها على راحته
قالت امهم لا لا تعطينهم شي
قلت عشان اخوها يشرب على رآحتـــــــه مسكين خاطره فيه
قلت لا لا لا حتى الولـــــــــد عنده السكر
حــــــــــزنت عليهم وربي قلبي تقطع عليهم وهم يترجون امهم تفتحلهم البيبسي
....
سألتــــها عن السبب ان كآن ورآثه ..؟
قالت لا وديناهم عند شيوخ قالو حســـــد
وانا من قبلهم عندي حسد وتعبااانه <<<<كآنت متكشخه مررررره على سنقة عشره ماشاءالله ملابسها كلها ماركه عرفت ليش جاها الحسد والله اعلم
قلـــــــــــت لها طيب انتِ تتحصنين اذا رحتي للناس وتحصنينهم قالت ايه احياناً بس مو كل مره بعض الاوقات انسى
وبعض الاوقات اتحصن واحصنهم من غير خشووع والشيخ يقول لازم الخشووع اثناء القرائه
...
قالتلي يتعــــــــــــذبووون ويعذبوني يمتنون شوكولاتات وغازيات ووجبات سريعه زي الاطفال
لدرجة اني انحـــرمت اروح لأهلي لأن عيال اخواتـــي في اعمارهم وعلى طول في البقاله شوكولاتات وغازيات
وعيالي يجننوني يجلسون يبكون ويترجووني فإظطريت اقلل روحات لأهلي وللناس بشكل عآم

....
دمعت عيوني من الحزن عليهم
وتذكرت كلام زوجـــــي
وقررت انـــــــــــي اخلي المظاهر
سوائاً في لبسي او لبس بنتي
كنـــت افك شعري الحين توووبه المـــــه كوعيكه مو كعكه :hahaha:
كنـــت كل ماطلعت من البيت لبست لبس جديد الحين تووووبه اكرر اللبس مره ومرتين وثلاث
كنـــت البس الملابس الضيقه اللي تبين معالم جسمي الحيــن تووووبه عشان ربي اولاً
من جد يوم فكرت بيني وبين نفسي..
ليش اعذب نفسي واركض ورى الماركات ولازم كل مناسبه البس لبس جديد
مستحيل اطلع من البيت الا ومكياج كامل والشعر مستشور ومفكوك....
طيب كل هذا عشان الـنــــاس ..؟؟!!!!
ايش بأستفيد اذا تكشختلـــــهم غير اني اشقي نفسي وغير الخساير الماديه
والادهى والامــــــر اني بأفتح عيووونهم علي ويمكن وحده محرومه تطلق علي صآروخ ارض جو تضيع مستقبلي
....

وبنتي
اهم شي نظيفه ولبسها نظيــــــف خلآآص كذا كفايه
لو صآرلها شي بأمووت الف مووته لأنها امآنـــــه وانا ماحفظت الامانه

..
دآآيم نقوول ليش زمننا هذا زمن الحسد والعين
ليش زمآن كان نآآآآآدر هذا الشيء

لو نشوف انفسنا زمان ايام الابتدائي
كانوا الناس كلهم ســــــــوى لبسهم سوى واثاثهم سوى وعطورهم سوى
مافيه احد احسن من احد.. بالعكس كنا نفرررح اذا طقمنا في العيد مع بنآت الجيرآن
اذكر اخواتي الكبار كــــانوا يطقموووووون دآيم مع بنات اقاربنا يامحلاها ذيك الايام

..
الحين لو الاقي وحده بزواج او مناسبه لابسه نفس فستاني تشنجت من الاحراج
هذا اذا مالبست عباتي والا فركـــــــــت عالبيت خخخخخخخ


.
.
.
يووووووووووووه ياكثر سوالفي قرقر وآجد
ان شاءالله استفدتو من موضوعي

رجائاً اللي تدخل ونفسيتها مزفته وتبغى تضآرب
نزلتلها هالمقطع طلعي حرتك هنا بعدين ردي على موضوعي طال عمرك
http://www.selfcontrolfreak.com/slaan.html







يلا تمسووون على خير .....

(توقيعي فيه صوت لاتنزلون وتفز قلوبكم يالبى قلوبكم)






.