السلام عليكم ورحمة الله وبركاته ،،،
خواتي بنات المنتدى أنا عضوة جديدة فهل من مرحب ؟؟؟
وأبغي منكم طلب راح يستفيد منه الجميع وهوأن الكل يشارك في عمل ملف لمحلات الخياطة والتفصيل في الإمارات (سواء جلابيات ، أو فساتين سهرة ، أو تنانير000) وبالذات أنتو يابنات دبي والشارقة وأم القيوين وعجمان لأن هاذي المناطق قريبة من بعض ونقدر نسير لها مب بعيدة وايد عنا بس مايمنع إن بنات المناطق الأخرى يشاركون لأن هم الخير والبركة .
والحين همتكم يابنيات أبغي أسامي المحلات والخياييط واللي تفصل أشياء حلوة وبأسعار معقولة خصوصاً الفساتين والتنانير والقمصان ، ومب شرط يكونون مصممين لأن ساعات الواحدة فينا تطيح لها على خياطة أو خياط شئ عجيب ويكون في أحد الدواعيس(خصوصاً دواعيس الشارقة) ومع ذلك يكون الشغل ممتاز ونص السعر بعد ، أرجوكم لا تفشلوني خصوصاً وإني أبغي أفصل هالأيام ملابس وايدة للسهرة وتنانير ، وأهم شي عندي المقاسات تكون مضبوطة على الجسم والفينيشينك مال الفستان مايكون أي كلام .
بالمناسبة أنا سمعت إن في خياطة مصرية تفصل ملابس سهرة وتنانير حلوة ورخيصة مقارنة بأسعار المصممين ولكن ماعرفت أسمها ولا وين مكانها بالضبط ، فاللي إتعرفها أو تعرف خياطة غيرها ومجربتها تقول لنا عليها (ولكم الحلاوة) .
في انتظار ردودكم
ودمتم جميعاً لي
أختكم أم عيون فتانة
خصوصاً بنات دبي والشارقة وعجمان وأم القيوين ، والمناطق الأخرى هم الخير والبركة
13
8K
هذا الموضوع مغلق.
موّازي
•
هلا هزيزتي أم عيون فاتنة :)
عندج الله يسلمج ويديمج خياط اسمه "رؤوف" وأظن اسم المحل بعد رؤوف في فريج المرر..
وخياط "وهيبة القاسمي" في سوق الراشدية..
الشغل تمام -خصوصا رؤوف- والأسعار كويسة :)
عندج الله يسلمج ويديمج خياط اسمه "رؤوف" وأظن اسم المحل بعد رؤوف في فريج المرر..
وخياط "وهيبة القاسمي" في سوق الراشدية..
الشغل تمام -خصوصا رؤوف- والأسعار كويسة :)
هلا بالغالية..
في الشارقة عندج الخيايط اللي في الشهباء صوب المستشفى القاسمي..
في خياط اسمه المخمل..وااايد رووعة وشغله كأنه مصمم.. واغلب المحلات الموجودة في هذا الشارع شغلهم حلوو ويضبط لك الفستان...
وفي نفس المكان في محلات يفصلون جلبيات مغربية.. واسعارهم حلووة..
المغربية اتسوي شغل حلوو ب 200.. بس الخيايط العادية يسون لك المغربي ب 80 درهم.. ويكون بسيط وحلوو..
وانتي اذا عندك موديل امسويتنه عند المصمم خذي عنده المخمل وهو يسوي لك..
اغلب المحلات الموجودة رهيبة واسعارهم حلوووة.. انا جربت عند المخمل وشغله عجبني..
وانشاء الله اذا حصلت اسماء محلات ثانية بقول لج..
في الشارقة عندج الخيايط اللي في الشهباء صوب المستشفى القاسمي..
في خياط اسمه المخمل..وااايد رووعة وشغله كأنه مصمم.. واغلب المحلات الموجودة في هذا الشارع شغلهم حلوو ويضبط لك الفستان...
وفي نفس المكان في محلات يفصلون جلبيات مغربية.. واسعارهم حلووة..
المغربية اتسوي شغل حلوو ب 200.. بس الخيايط العادية يسون لك المغربي ب 80 درهم.. ويكون بسيط وحلوو..
وانتي اذا عندك موديل امسويتنه عند المصمم خذي عنده المخمل وهو يسوي لك..
اغلب المحلات الموجودة رهيبة واسعارهم حلوووة.. انا جربت عند المخمل وشغله عجبني..
وانشاء الله اذا حصلت اسماء محلات ثانية بقول لج..
شوكولاته
•
السلام عليكم ورحمة الله وبركاته:
:::::::::::::::::::::::::::::
هلااااااا وغلااااااا اختي أم عيون فتانة.. حي الله أهل الإمارات ..
ولاتزعلين يالغاليه يمكن البنات مشغولين..
وهذا الحلوين ردوا عليك إن شاءالله تنبسطين ياعيوني..
وحياك الرحمن معنا..
:::::::::::::::::::::::::::::
هلااااااا وغلااااااا اختي أم عيون فتانة.. حي الله أهل الإمارات ..
ولاتزعلين يالغاليه يمكن البنات مشغولين..
وهذا الحلوين ردوا عليك إن شاءالله تنبسطين ياعيوني..
وحياك الرحمن معنا..
الصفحة الأخيرة
الصراحة زعلانة منكم كلكم لأنكم ما عطيتوني ويه ، وأحسن لكم ردوا علي ولا ترى بسوي لكم مقاطعة 00000 شو قلتو؟؟
لالا أتغشمر معاك000000 بس صج بنات لا تطنشوني وترى وللحين عندي أمل فيكم وكلمة ولو جبر خاطر .
أختكم
أم عيون فتانة