خصوصياتك اللي المفروض محد يعرفها الا انتي وزوجك

ونسيتي مشاكلك مع اهل زوجك. 

و الخطبه 

صادقه :)

كل شي بين الزوجين يعتبر خصوصيه سفر راتب مشتريات المشاكل الحمل

اما الحمل وجنس الجنين
والله اضحك من قلبي ع اللي اي احد يسألها
بأي شهر تقول هاه لا ماني حامل وهي بالثالث والا الرابع
وربي واضح والكل فاهم
اوه مدري لا لا من قال اني حامل اهئ اهئ

والا تسأل ولد والا بنت والله مدري مقفل رجوله
لالالا مفاجأه
خفي علينا يا مفاجأه البشر نوعين ذكر وانثى
بتجيبين النوع النادر مثلا ؟!

الحياه ابسط من كذا فيه اشياء تستحق التحفظ
ولا من حق اي شخص يعرف عنها
مثل اسراري مع زوجي في حياتنا الخاصه
وتخطيطنا للمستقبل
شي ناوين نسويه ولسا ماتم
اما حمل وطلعات واشياء بسيطه معروفه لكل العالم
اتحفظ عليها ليش !
اكيد مابمشي واعلم بس عادي انها تجي من سياق الكلام
او لو احد سألني مااخبي
خليكم عفوويين
الحياه احلى لما اعيش عفويتي
بحدود الادب واحترامي لنفسي وللشخص اللي يسمعني

لا احد يتحسس والاقي هجوم
انا هذا رايي ولكل وحده رايها
اشوف من صغر العقل اني استصغر عقول البشر
واتعامل معاهم على انهم مايفهمون لان بعض الحركات واضحه
ولما اخبيها كأني موسوسه والا ماشفت خير

وانا بطبعي ما اسأل احد عن شي
الحمدلله ماني فضوليه ولايهمني اعرف عن احد اي شي
خصوصا انو نفوس الناس تغيرت
واي كلمه عفويه منك او سؤال عابر
تحته الف ترجمه واحتمال وظن سيئ

مجرد رأي وقناعه
🌹

أنا أقول اللي الناس مو مستفدين من أخباري لهم

يعتبر خصوصيه زي الحمل وش راح يستفيدون هل بكل صلاة يدعون لك

أو سافرتي هل إذا أخبرتيهم يبي ينظفون بيتك قبل ماتجين من السفر أصلا السفر سعاده لك مو لغيرك

المشكله الآن الحريم تقول وصلنا 2015 والناس تجحد

حتى جنس الجنين إذا سألوني ليش أكذب وأقول ما كشفت أقول كشفت بس منب معلمتكم

هذا طبعي مأسأل أحد ولا أحد يسألني

اللي لاحظت إن الحرمه اللي كتاب مفتوح الناس يسألونها عن كل شئ

واللي تسكت الناس تحترمها