بالعكس فيه اشياء لازم تخبينه مثلا الحمل انا زوجي اول ماعرفنا اني حامل قال اقول لامي
قلت ايه قله فرحه وحاب يشارك امه فيها وقلت قل لخالتي لا تعلم احد توي وانا توي محلله توي داخله الشهر الثاني توي قال لامه المهم يوم شفتهم من بعده الا كل اقاربهم دارين والكل يبارك وطفشوني باي شهر وايش تحسين ومن الاساله طفشوووووون وللحين يحسبون معي شهر بشهر وكل مايشفوني باي شهر انتي اذا اسكت قالو ايه ندري بشهر السابع ولا قمت كلن يناظر ببطني هو كبر ولا لا وانسدحي وسوي وقولي وكلن يتفلسف علي ازعجوووووووني حلفت اني لاحملت ان شاء الله مراح اعلم خالتي ولا اهلنا الا اذا ارتفع وقربت ولادتي وافك عمري من هالعالم الشاقيه

صدقتي والله يالهنوف نفس حالتي 
مره دخلت الرابع ولسى ماكشفت 
وسط مجلس مليان حريم وتنط وحده منهم تسالني بالله العظيم هل كشفتي ولا لا تعالي شوفي وجهي احلف اني ماكشفت وهما يطالعوني مو مصدقين 
ويراقبون اكلي ومشيتي وكبر بطني ويحللون ولد ولا بنت وفي كل مناسبه وكل جمعه يسالون لو مايهمهم ذا الامر كان ماسالوا لاكن الحسد  وقسم بالله ماعاد شلت هذا الجنين في حضني الا لعنايه المركزه ومنها ع القبر الله يعوض علي وكنت معرضه للموت وش فادني من الناس 😔

بالنسبة لي اعتقد كل واحد له الحق باللي يعتبره خصوصية او يعتبره انه عادي أشارك الناس فيه واحترم رأي كل شخص واستغرب من بعض الردود اللي تستهزأ برأي غيره اكو ناس ماتحب تعلم جنس الجنين مثلا واكو ناس عادي يقولون للكل مو من حقنا نعاتب هذي لانها ماتعلم او هذي لانها تقول كل واحد حر ومن حق كل انسان علينا اننا نحترم رأيه وشخصيته وتفكيره

والله من الاخيرررر اجيبها لكم ...
الناس تغيرررت موب مثل اول .. نفوسهم مب صافيه
حتى اسئلتهم مو من محبه ..
اقدر اسميه لقافه + حب استتطلاع
خاصه للي تسأل شئ ما يخصهااا ... ولا يضرها سواء عرفت او لا


كم مصروفك ؟ ليه لهلحين ماحملتي ؟ ليه ماسافرتي ل اهلك ؟
كم عمر اخر طفل ؟؟ تحسين الاسئله استفتاء مو اسئله هدفها محبه
كأنها مثلا تقووول اييه اكيد زوجها منكد عيشتها او فيها بلا
وب المقابل هم ذولي النوعيات ..
لو قلتي لها شخباركم .. قالت مادري
والله انا هذا الي اقابله واشووووفه ..
مثل حكايه الي تقولون ليه تخبين حملك عن الاهل
والله مالومهاااا ..
خاصه اذا كانو مايستاهلون تقولين لهم شئ لانهم مو كل ام تتمنى لمرت ولدها الخير .. وهاذي حقيقه محد ينكرهااا والدليل الشكاوي الي كل يوم نسمعهااا هنا ...
انا عندكم مثلا تحمل اخت زوجي او سلفاتي
وربي ما ادري الا لين يقولون فلانه ولدت ؟؟!!!!!!
ب الله عليكم شلون الوحده تبشرهم وهم كذاا ؟؟طبعهم غريب ؟؟
خلاص نعاملهم ب المثل وبس ..
حتى السفر عادي اقولهم قبلها ب اسبوع او اسبوعين ثلاث
هم مايقولون لين وصلو نتفأجا انهم سافرو ؟؟؟
مره اخ زوجي كان متصل عليه يبيه بسالفه ضروريه وكان يكلمه عادي ..
ونتفأجا ثاني يووم انه كان يكلمه وهوو مسافر براا وكان بطريقه للمطار ؟؟؟
طيب قول لخوك مع السلامه ؟؟؟
رغم احنا نروح لهم ونسسسلم عليهم قبل نمشي .. عادي عندنا الوضع
بعدها خلاص حطينا اكس كبير عليهم وصرنا مثلهم
وش صارررررر زعلوووو ليه ماتقولوون
شفتو لقافه النااااس والحسد
والله انا انصح أي وحده انها تسسسسكت عن كل شئ
الي تبي تقول تقول لامها وابوها وبسسسس
والزوج كذلك امه وابوه وبسسس ..
محد يستاهل ..

باختصار شديد
الخصوصية مقياس شخصي انتي و زوجك تحدديه

و الناس زايدة أسألتها من اللقافة و بعض الحسد

و انتي ابخص باللي يحبك و يتمنى لك الخير من قلب مو مجاملة كالكثيييرين !
و اللي مجرد فضول و مقارنات مالها داعي !





ربِّ ارحم والدي و اعف عنه و اغفر له

‏‏【 سبحان الله و بحمده • سبحان الله العظيم 】
♡٠٠ أَسْتَغْفِرُ اللَّهَ الَّذِي لا إِلَهَ إِلا هُوَ الْحَيُّ الْقَيُّومُ و أتوبُ إِلَيْه ٠٠♡