خضوعي للشغاله جنني...تكفون ابي رد حكيم

صبحكم الله بالخير الموضوع يابنات بدون مقدمات اني احس اني مااعرف اتعامل مع الخدم ويمكن هذ اللي مسببلي متاعب معهم واكثرهم مايجلسون عندي......
اقولكم قصتي انا عندي طفلين مافيه فرق بينهم كثير واحد سنتين وماشي بالثالثه والثاني سنه وماشي بالثانيه المهم يابنات كل مااجيب شغاله من شغالات العمره بعضهم ماتكمل اسبوع وبعضهم في اليوم الثاني الاقيها لابسه عبايتها وتقول وديني ماني داريه المشكله عندي ولا من عيالي الصغار ولا والارجح اني احس انهم يخافون من المنطقه اللي انا فيها لانها فيها امن وماامن ولا فيها تكاسي ولاتقولولي وشحادك على شغالات العمره ليش ماتقدمين اقولكم التقديم مالي حظ فيه كل ماجبت وحده تكون اردى من اللي قبلها وغير كذا الاندونيسيات اخاف منهم عشان عندي اطفال والمشكله اللي كاتبه عنها في العنوان اني بعد مااخذت فتره وانا متمرمطه مع الشغالات وحده تروح ووحده تجي جاتني شغاله حبشيه واخيرا جلست مع اني كنت حاطه يدي على قلبي خايفه اني القاها اليوم الثاني واقفه بعباتها تقول وديني المهم ياطويلات العمر جلست وانا ماصدقت انها تجلس كل شي هذا مولازم وهذا ماله داعي و هذا خليه بعدين ماابي اضغط عليها خايفه انها تروح مراح اللي قبلها وراتبها 1200 واذا بطلب شي لو انه من حقي الله يخليك اذا فاضيه اذا عندك وقت واذا غلطت غلط كبير تخيلو اكثر شي اسويه اقولها انا مره امس زعلت منك ليش سويتي امس كذا وكذا ومع طول الوقت الحين لها تقريبا 9 شهور تعودت الحبشيه على هذي المعامله ومره نفخت عليها على انها ماصحت غير الساعه عشره ونص الصباح وشالت شنطتها وقالت وديني بيتي.......
معليش يابنات كلامي مو مرتب بس وااله من القهر مدري شقول تعبت من كثر مااتخضع لها عشان حاجتي وهي مستغله الوضع واللي خلاني اتأكد انها تعامل معي كذا عشاني طيبه ان ولدي الكبير مايطلب منها شي الا وهو ينفخ وتروح تجري له وتخدمه وانا حتى لاسوت شي مو زين او شاهي ماعجبني مااقدر اتكلم والبارح صار موقف هو اللي خلاني بموت من القهر سوت شاهي وماكان حلو لا طعم ولا لون ولا ريحه سوته مع العشا المهم مثل ماهي متعوده ماقلتلها شي قلتلها الشاهي ماله طعم واقعد اتعذر يمكن عشان اللبتون قليل يمكن عشا ن النعناع قليل المهم قلتلها لاخلصتي سويلي فالبراد الصغير ورحت بعد شويه سوت الشاهي وجابته واالله يابات كنها مقدمته لشغاله ولا لسواق التبسي اسود تبسي قديم والفنجال يصب مويه مع ان المطبخ فيه مناديل لفه كامله والتبسي فيه مويه نقط من حقت الفنجال ناديت على الولد وهي جايه تشيل السفره وقلتله جيب مناديل ومسحته ولا كلمتها وهي عادي ماهمها تضحك وتتكلم مع الصغار وبعدين بعد ماخلصت وديت التبسي وقلتلها يافلانه الله يخليك لاعاد تجيبين الفنجال والتبسي تصب مويه كذا مسحيها المناديل جنبك وهي تنفك انتي مره تقولي الشاهي مو حلو وووووو يعني المفروض تستحي وتعتذر انها جابت التبسي بهالمنظر والموقف الثاني لقيتها حاطه في الغساله مع ان الغساله فل اتوماتيك مافيه تعب حاطه منشفه على ملابس ملونه على فنايل بيضا على ملابس بناتي الصغار مع عيالي الصغار مع ملابس الخروج اللي ماركه وغاليه مع اني مفهمتها تغسلها باليد وكالعاده ماتكلمت بس زعلت منك مازعلت منك وتخيلو وش ردت بكل بجاحه لا انا اعرف الملابس اللي تخرب واللي ماتخرب هذي الملابس ماتخرب




..........وبس انتهت معاناتي اليوميه بالنت لاكن ماانتهت بالبيت تكفون وش اسوي معها لاتقولون اطرديها لاني مااظمن تجيني وحده وتجلس ابي سياسه في التعامل معها وحزم وانها تفهم ان هذا عملها ماهي جايه تشتغل صدقه يعني انا مااطلب الا حقي بس كيف افهمها.....