حب الله لايكون على حسب العطاء اصبري وادعي واحتسبي وابشري بالاخره قبل الدنيا

الصراحه البربره الزايده 🌚 لما كنت في الثانوي كنت برباره بزياده لان كنت مكبوته وتووي أتعرف على صديقات كلهم فرو مني بسبب البربره حتى أسراري ما كنت اتركها اعلمهم عليها لان ما كنت مصدقه ان فيه احد يسمع لي ، لما استوعبت ما رحمت إلا نفسي هههههههههه

أكبر غلطة ارتكبتها كانت إني وثقت بسرعة بأشخاص ما يستحقون الثقة حقيقي
تعلمت بعدها أراقب أفعالهم مو بس كلامهم فقط
وأحذر قبل ما أفتح قلبي لأي شخص بالحياة
نصيحتي
لا تستعجلون الثقة ولا تعطون كل شيء قبل ما تتأكدون من نوايا الآخرين تجاهكم

ضروري شرب 8 اكواب ماء يومياً يعني 2 لتر "كذبه "
من 2019 تقريبا بدأت اشرب مويه اكثر من اللي كنت اشربه بالعاده
تقريباً يومياً اشرب عدد 5 إلى 6 قوارير اللي فيها 330 مل يعني اوصل فوق لتر ونص الى لتر و 900 مل
النتيجه بدأ يجيني شد عضلي خاصة بالصيف مرات شد بساقي مرات بجنبي مرات حتى ببطني
الى ان وصلت نهاية صيف 2024 والشد العضلي زاد كثير لدرجة صرت احس جسمي متيبس على اقل حركه يشد لو ارفع يدي او ألف يمين او يسار او اكج فجأه وانا اتحرك يجيني شد قوي كأنه طعنة سكين او قرصه قويه
ووقت النوم اذا تمددت على ظهري وجسمي يبي يرتخي ويريح يجيني شد ينفضني من قوته وصرت احس بألم مستمر في العضل اذا تحركت واذا جيت اقوم من السرير عذاب الالم واضطريت انام وانا جالسه لاني ماقدر اتمدد احس العضل متيبس
طبعاً سنة 2023 صرت استخدم مكمل مغنيسيوم ريحني كثير ولما خلص بسنة 2024 تعذبت وصار اللي ذكرته ألم مضاعف
وخلال هذي الفتره اللي كنت انام جالسه ونفسيتي تعبانه كنت افكر واسأل وش اللي تغير بحياتي عشان صار وضعي كذا وانا زمان اكل نفس الاكل يارب دلني وارشدني على الجواب
وهذي السنه 2025 وكأنه وقع في نفسي الجواب ان اللي تغير هو شرب المويه كثير وبدون تخطيط صرت اشرب بإعتدال وما ابالغ في الشرب والحمدلله الحمدلله الى مالا نهايه اختفى الشد العضلي
وربطت بين المعلومات اللي اعرفها ان كثرة شرب الماء تخلي الجسم يتخلص من المعادن الاساسيه لانها تخرج مع المويه اللي نشربها
يعني الخلاصه لا تصدقون المعلومه اللي تقول لازم تشربون 8 اكواب مويه يوميا او تشجعكم على شرب المويه كثير بلا سبب لان اجسامكم راح تفقد الاملاح والمعادن الضروريه