خطأ تقع فيه بعض الاخوات في مصليات الطرق

بسم الله الرحمن الرحيم


الموضوع هذا من زمان اقول بطرحه وانبه اخواتي
عليه لكني انسى واليوم تذكرته لما وقفت بمحطه بنصلي المغرب على طريق الرياض الخرج

المهم السالفه ومافيها اني استغرب من بعض الاخوات اللي تدخل مصلى نساء وتتغطى. ..
معلوم ان المصلى مافيه غ غير النساء ومعزول عن الرجال طيب ليش الغطى
هل هو تشدد والا تعود والا ايش بالضبط
الرسول عليه الصلاة والسلام ذكر بان المراه كلها عوره الا وجهها وكفيها في الصلاه
وهذا يدل على وجوب كشف المراه لوجهها في الصلاه الا بحضرة الرجال
فانه يلزمها تغطية وجهها في هذه الحاله

هذا اللي كنت حابه انبه اخواتي له واعذروني لو فيه اخطاء كتبت الموضوع على عجل
ان اصبت فبفضل من الله وإن اخطأت فمن نفسي والشيطان
اسأل الله التوفيق لي ولكم وللمسلمين اجمعين

دمتن بود. ....