السلام عليكم ورحمة الله وبركاتة
كيفكم يابنات الله يسهل لكل حامل ولادتها ويرزق كل محرومة يارب
راح ابدا بمعاناه اختي قبل ثلاث اسابيع جاها الطلق وراحت لمستشفى خاص وعاد تعرفون الام الطلق تعبت مرة الى ان انفتح الرحم 10 سم ولكن ارادة الله ماتيسر خروج الطفل اعترض راسة مانزل بالحوض حاولوا معاها مافي فايدة دخلوها غرفة العمليات سوا لها القيصيري وطلعت الحمدلله ظنينا انها نهاية المعاناه والتعب
لكن اللي حصل ان الام بجنبها مستمرة معاها جلست اسبوع كامل تتعذب رجعت لنفس المستشفى قالوا طبيعي من اثر الطلق وكمان عندها التهاب بمجرى البول
رجعت للبيت لكن الالم بدا يزيد حتى وصل بها لدرجة فضيعه ماعاد تقدر تتكلم مع اللي حولها وجاها مثل ضيق في التنفس
وديناها لمستشفى اخر بعد المسكنات والاشاعات اكتشفوا ان الحالب مسدود وبسبب انها طولت اسبوع انتفخت الكلية والتهب الحالب من احتباس السوائل
سوا لها عملية ركبوا لها قسطرة خارجية تنزل السوائل المحتبسة
وبعد 10ايام تقريبا سولها عملية ثانية ركبوا لها دعامة داخلية تقريبا كانة حالب صناعي يساعدها في نزول البول
والان لابد لها من عملية ثالثة يفكوا فية السدد الموجود بالحالب
وسبب انسداد الحالب خطا طبي اثناء الخياطة بالقيصري
هذي معاناتها حاولت اختصرها لكم
وسبب كتابتي للموضوع ابغى من كل وحدة قرت الموضوع تدعي لها بالشفاء مو لازم تكتبة ادعي لها بظهر الغيب
وكمان لوعندكم معلومات عن حالة اختي لاتبخلون فيها
اميرررره بذاتي @amyrrrrh_bthaty
عضوة جديدة
يلزم عليك تسجيل الدخول أولًا لكتابة تعليق.
@ام جاسر@
•
الله يشفيها ويرفع عنها
سلطانة 7
•
اسأل الله العظيم رب العرش الكريم ان يشفى اختك شفاء لا يغادره سقم
حسبي الله ونعم الوكيل على هالمستشفيات يلعبون بخلق الله واذا تكلمتي قالو خطا طبي من وين اصرفها ذي
حسبي الله ونعم الوكيل على هالمستشفيات يلعبون بخلق الله واذا تكلمتي قالو خطا طبي من وين اصرفها ذي
الصفحة الأخيرة