خطافة الرجاله ام شعر كستنائي

منقوول:

في كتاب ننصح بعدم قرأته الا ان كانكم بتشترونه مني فترانا ننصح فيه بقوه ..

تقول نانسي ريجان .. حرم الرئيس الامريكي السابق ربجان في مذكراتها .. مايلي ..

" حتى وانا مجهده .. حتى وانا غاضبه منه .. لابد ان استيقظ صباحاً لاكون بجوار روني اثناء تناوله الافطار .. وهذه كانت نصيحة والدتي الدائمه لي .. والا فأن في الجوار سيدة يسعدها ان تتناول الافطار معه ":27:

انتهى كلام نانسي ... وبداء كلام ابو صندوق ...



حتى وانت وحدك .. تركض لتنافس نفسك !!

كانت والدتي ام بكل معنى الكلمه .. لكن على فترات متقطعه .. كيف ؟؟ لا تستعجل انا اجاوبك ..

كانت ام مثاليه من الساعه 7 الصبح حتى الساعه 1.55 ظهرا << يسمع بالدقه ..انا اشرح لكم !! :time:

سندرلا كانت تختفي قبل 12 بالليل .. علشان لا يشوفها الامير وهي في صوره مش ولابد .. وامي كانت تختفي قبل 2 الظهر لا يشوفها ابوي وهي بملابس البيت وريحة الطبخ .. لاحظ امي في الخمسين الله يطول في عمرها .

يعني قبل الساعه 2 الظهر كانت امي تسوي خروج وتدخل بيوزر زوجه .. وهنا مربط الفرس وبيت القصيد .
ولما كان الوالد يفرك احيانا من الدوام ويجي قبل وقته .. كانت امي تخلينا احنا اللي نفتح له الباب لين تطمر لغرفتها بسرعه وتتدخل بيوزر الزوجه .. كانت حريصه على لعب كل دور في وقته المناسب .. يوزر الام له وقته ومنتداه .. يوزر الزوجه له وقته ومنتداه .. عمرها ما فكرت تدخل على ابوي بيوزر انتحاري .

لاحظ مره ثانيه .. امي في الخمسين .. امي من جيل مافيه .. دش ولا باسكال .. ولا نوال .. ولا نانسي عجرم ولا كلودا .. ولا شي .. كانت سميره توفيق وبس .. ومع ذلك كانت امي واغلب حريم جيلها يتصرفون مع ازواجهم على اساس انه في منافسه مع سيده في الجوار يسعدها ان تقوم بالازم !!

ومع تحول الشعر من اسود الى ابيض .. وغناء ابوي المستمر ( عيرتني بالشيب ) تلاشى شبح السيده اللي في الجوار .. ومع ذلك مازالت سندرلا تختفي لتظهر امام الامير في ابهى حله .. لم يعد في المضمار متسابقين ومع ذلك امي تركض .. وتركض .. وتركض .. وتركض ..لتنافس في الاخير .. .. نفسها .


المنافسه الغير شريفه

لاحد يزعل من كلامي .. صحيح الشاب الحين يختلف عن ابوه لكن مازالت بعض الملامح تظهر هنا وهناك .. يعني فيه مسافه بس ماهي شاسعه .. لكن البنت هالحين .. تحس انها مخلوق منفصل تماما عن والدتها .. لا يوجد حتى شبه .. المسافه بين الجيل الحالي من البنات وامهاتهن مسافه شاااااااااااااااسعه جدا !!
في عصرنا الحين .. دش .. انترنت .. قنوات .. بنات في كل مكان .. في الشارع .. في العمل .. بنات على كل شكل ولون .... السيده المقيته ( خطافة الرقاله ) لم تعد في الجوار بل في كل مكان حتى البيت .. والسيده صااااروا سيدات !!
صاااااااااااااااارت الزوجه في منافسه شرسه .. ومستمره .. اما الاستسلام وترك الحبل على الغارب للزوج .. ليقطف من كل قناه زهره .. او انها تقوم بالدور نفسه اللي كانت سندريلا ( والدتها ) تلعبه مع اميرها ..

للاسف .. يبدو ان فتياتنا غير قادرات على المنافسه في ضل الوضع المتردي لعقليات البعض ..!!!!!!!!
المشكله ان البنت تعتبر الزواج رحله اذا ماجازتلها قالت للسواق رجعني للبيت انا زهقت ..
طيب في سيده في الجوار يسعدها ان تكمل الرحله الممله بدالك !!

بالله هل من المعقول فتاة تتزوج وهي ماتعرف تطبخ .. زي اللي داخله اختبار ولا ذاكرت .. اكيد بترسب .. الله يذكر واحد من الشباب بالخيرمن ثاني يوم .. لقا المدام ما تعرف تسوي حتى بيض .. وداها لبيت اهلها وقالهم بالحرف بنتكم رسبت في اول اختبار خلوها عندكم .. واذا ذاكرت مضبوط رجعوها عندي تختبر الدور الثاني !! :cook:

وبنات يسمعون بالغسيل .. ولا يعرفونه .. وبنات يسمعون بشي اسمه قبل لايجي زوجك الظهر لازم تصحين من النوم .. ويجي يلقا البيت مرتب مو زي ماخلاه قبل 10 ساعات !!
طبعا هذي النوعيه من الزوجات .. لهم اهداف من الزواج عديده لكن حتماً ليس من بينها شي اسمه تكوين اسره !! :44:
هذي اللي تنام للظهر .. هذي اللي ماتعرف تطبخ .. احب اقولهم يوجد في الجوااااار سيده يسعدها ان تفعل ذلك !!

الزوج تغير من موديل 1990 يعني مع جية الدشوش .( واحد من الشباب يقولي ياااخي والله اثرنا كنا مظلومين مع قناتنا الاولى .. تصدق كنت اشوف الهام شاهين اطلق بنت في العالم .. وكنت اشوف وفاء مكي اعلى مراتب الانثى خخخخخخخخخخ صدق ماشفنا من الزين حاجه ) .. صااار يشوف شي ماكان يشوفه .. ويسمع شي ماكان يسمعه .. والشرع محلل اربع اللهم لك الحمد .. وش يصبرني على هالماخوذه ..!!
صدقوني هذا كلاااااااااام الشباب في كل مكان .. حتى نوعيه الخطاب تغير .. صار فيه خيارات افضل .. وسوق مفتوحه وش مؤهلاتك كزوجه .. هي اللي تحدد مستوى العرض والطلب !!

يعني في زمن امهاتنا ما كانت فيه منافسه شرسه .. ومع ذلك كانوا متفانيات في الخدمه .. والحين مع هالمنافسه الشرسه اللي تخرب البيوت شفنا البنات ناااااااااااايمات في العسل جعل الجدار ينام على اللي ماتصحى قبل 12 قولووووووووووووا امين!!

الكلاسيك وجهاً لوجه مع المودرن

لفت نظري فينا كشباب .. شي غريب .. على الاقل الشباب اللي حولي .. تجي تسأل واحد وتقوله هاااااه ابو بندر وراك ما تتعشى معنا !! يجاوب : اللهم لك الحمد ام بندر جعلي ماعدمها جيت لقيتها مسويه مطازيز وظربت بالخمسه لين ماقلت بس !!
هذي عينه بس .. ابو محمد ... مرقوق ... ابو ميعاد ( انا ) كبسه .. و..و..و.. ريحة البخوووووور في المنزل مازالت لها اليد الطولى على كل الروائح .. مثلها مثل الاكلات الشعبيه .. اللي بوصله للجميع ..

ان الشاب مااااااااااااازال يحب المره المودرن اللي بأخلاقيات كلاسيك .. نادرا ما تلاقي هالحين بنت تعرف تسويلك اكله شعبيه .. وترا اللي قال ( اقرب طريق لقلب الرجل معدته ) ماكذب ..

الشاب اذا جا يتزوج يبحث عن وحده تشبه امه .. هذي مقوله فيها من الصحه ما نسبته 99% ( سياسة الباب المفتوح ) ..
انا ماتكلم عن لبس ومكياج .. انا اتكلم عن سلوكيات وافعال ... عن المره اللي عن عشره رجال .. << رايح مضاربه الاخ ..

عن المره اللي ما تخلي فرصه او ثغره ... للسيده اللي في الجوار بالدخول .. وبدل ماتصير في الجوااار تصير في المنزل حالها حال الزوجه .. وساعتها لا بكى ينفع ولا شكوى تفيد !!


الخلاااااااااااااااااااصه

هالحين موسم زواجات واعراس وطقطقه ووناسه .. هذي بوابه كبيره لأختبار اسمه .. زوااااااااااااااج

اللي مو مذاكر صح لايدخله .. وان دخله وهو ماذاكر لا يزعل مننا اذا شغلناله اغنيه احلام ..
8
8
8
8
8
8
8
8
احسسسسسسسسسسسن :42: