خطبة اختي، ساعدوني تعبت معها

السلام عليكم و رحمة الله و بركاته 




ساعدوني قرر عقلي يطق من تفكير اختي 😲
مالكم بطولة السيرة و بتمنى تقراوا الموضوع للاخر لحتى ينفهم منيح و لا تجي وحدة تقلي صغيرة عن هالموضوع 




اختي عمرها 17 السنة الجاية اخر سنة ثانوي و هي مهوسة بالدراسة و قالت بدها تدرس طب عام و بعدها تخصص جراحة و ماستر و دكتوراة و بعد هيك بدها تدرس جامعة تانية لعلم النفس !! يعني بتتخرج و عمرها 34 سنة ( هي نبذة عن اختي طبعا ما حدا بيعرف طريقة تفكيرها و شو ناوية تدرس غيري انا و امي ، ابوي بيعرف انو بدها تدرس طب بس ) تقدملها من فترة ابن عمتي و ابوي قلو انو لسا  بدها تكفي دراستها .




المهم ابن عمتي شاريها و ما استسلم و دخل واسطة ( ناس بيتقربلنا ) و طلبها مرة تانية و هو صاحب دين و اخلاق و متخرج من الجامعة و متغرب بالسويد و ما عندو اي مانع اختي تكفي دراستها !




امبارح حكوا مع ابوي و قالوا انو بيخطبوها من هلا للسنة التالتة ( هون الطب اول 3 سنين صعبين و بعد هيك اخر 3 سنين بس تدريب بالمستشفيات يعني ما في دراسة) و بعد اول 3 سنين الزواج و هو بيجي لهون ( حتى نحن مغتربين بس بغير بلد ) و بيسكنوا هون لبين ما تتخرج و هو راح يشتغل مع ابوي و بس تتخرج بياخدها عالسويد و هنيك بتتخصص سنتين جراحة لو حبت و امي تبرعت انو لو وافقت تجي هي يوم اي و يوم لا و تطبخلها كونها عم تدرس بس هي معارضة. 




حكيت اليوم معها و قلتلها الولد شاريكي و انت بتعرفي اخلاقو و تفكيرو و بتعرفي اهلو و شو المانع اذا وافقتي لان هو ما راح يمنعك من الدراسة بتضربي عصفورين بحجر بتبني مستقبلك العلمي و المهني و كمان حياتك الخاصة، صارت تحكي انو هي ما بدها تتزوج بحياتها و بدها تعيش باحلامها و العلماء مو احسن منها و هي ما بتعرف تجامل حدا قلتلها والله انا بحكي مشان مصلحتك وافقي و بهي فترة الخطوبة بتتعرفي عليه اكتر و كل البنات يلي عم يدرسوا طب عم ينخطبوا و عديتلها كم بنت. 




المهم صارت تقلي انا لو بدي اتزوج ما بتزوج قبل 35 سنة !!! قلتلها مين بياخدك بهالعمر و خاصة ببلد اجنبي و العرب هون معدومين و المنيح بهالعمر بيكون متزوج يا بتكوني رقم 2 يا بيجي المتردية و النطيحة و بعدين انت ما بدك تحبلي فورا بدك شي 4-5 سنين بيصير عمرك 40 يعني ابنك عمرو 10 سنين وا نت 50!! بتقلي هاد اذا فكرت اتزوج اصلا قلتلها فكري بعقلك انا بعد سنة بتزوج و بتغرب ، اخوكي راح يطلع يدرس برا و اهلك بعد عمر طويل مو دايمينلك بتختيري و بتحتاجي حدا جنبك ما بتلاقي حدا بغرية  و بتندمي وقتها يا ريت عندك عيلة  ، بتقلي عادي في عندي رفقاتي !!!! 
قلتلها بس شو المانع لو انخطبتي هلا و بس يصير عمرك 24 سنة بتكوني متخرجة و متزوجة و بتسافري بتكملي سنتين  و بتجيبي اولاد و بس يصير عمرهن 4 دخليهن عالروضة و انت اشتغلي اذا حابة تشتغلي و هيك بتكسبي مستقبلك كلو من ناحية زواج و دراسة و اولاد  و شغل. المهم ما عم تقتنع هي عم تقلي مستحيل اتزوج انا و اذا اذا تزوجت بعد 35 سنة ! 




امي نفس الشي لما قلتلها جوابها زعلت لان فعلا الشب منيح و خاصة موافق ع دراستها و ابوي بيتمناه كمان بس ما بيعرف تفكير اختي كيف فقلتلها لامي خلص قولي لابوي الحديث يلي دار بيني و بين اختي لحتى يعرف تفكيرها بركي بيغيرلها التفكير و ما حدا تجي تكتب لسا صغيرة لان اكيد مو هلا الزواج بتتزوج و عمرها 22 سنة ، و الخطبة بهالعمر عادي انا كمان انخطبت و عمري 17 و عم كمل دراستي.




شو ممكن احكي معها كمان لحتى تفيق ع حالها ؟؟؟