السلام عليكم ورحمة الله وبركاته
أخواتي العزيزات
حابه أعرفكم بنفسي أنا بنت كويتيه من فئة الحضر
عمري تعدى الثلاثين ولما الحين ما تزوجت
تقدم لي عرسان عدد شعر راسي بدون مبالغه ××××
كل كم شهر يتصلون ناس على أمي ويطلبون يشوفوني وبعد الاستعداد اللى انتو حافظينه والقلق يزورنا عريس الغفله وأمه أو أخته ويتمنظر فيني ويطالع لما يشبع ويشرب الشاي ويروح بلا رده وما يكلف نفسه يتصل بعدها ويقول ما في نصيب
لحد ما نص شباب الكويت دلوا بيتنا وتعرفوا على أمي
أتوقع بيتنا بيتحول متحف للسياح عشان يشوفون الدوانيه اللى ضربت الرقم القياسي باستقبال الخطاب
×××
هدفي من طرح الموضوع هو معرفة رأيكم بطريقة الخطبه عندنا ؟ لأني قررت ما استقبل خطاب في البيت لأن تعبت نفسيتي من المحاولات الفاشله
واللى يبي يخطبني يشوفني بمكتبي بالعمل بدون ما اعرف كأن جاي مراجع يخلص معامله
بس أمي ترفض هالفكره وتقول كل البنات تزوجو بهالطريقه وأنت نصيبك بجيك ان شالله بوقته
انا محتاره أطيع أمي ولا أصر على رأيي جد جد نفسيتي تعبانه:44:
××××
عذرا يمنع ذكر المسلسلات الفنية
الاشراف
meera15 @meera15
عضوة نشيطة
يلزم عليك تسجيل الدخول أولًا لكتابة تعليق.
مااعليك منهم واسمعي كلام امك اذا الله كاتب لك نصيب بيجيك لعندك
انتي بس ادعي الله وكلي امرك له
تقبلي مروري
انتي بس ادعي الله وكلي امرك له
تقبلي مروري
بالعكس والله طريقة خطبتكم عاجبتني .. عالأقل مافيه نصيب من البداية يعني مومثلنا تتعلق فيه الوحدة وتوافق عليه ولما يشوفها
يقول مافيه نصيب .. شئ يجرح ..
لا والشوفة مع الأهل مافيه ربكة ولاشئ .. مو احنا تدخل لحالها وماتشوف من الربكة وانواع الحوادث هع
بس انت لايضيق صدرك لسا رزقك محفوظ بالسماء والخير قدامك .. الله سبحانه بيده كل الخير ..
استمري بالدعاء والاستغفار وقيام الليل .. والله يرزقك باللي تتمنينه عاجلا غير آجلا يارب ياكريم ..
يقول مافيه نصيب .. شئ يجرح ..
لا والشوفة مع الأهل مافيه ربكة ولاشئ .. مو احنا تدخل لحالها وماتشوف من الربكة وانواع الحوادث هع
بس انت لايضيق صدرك لسا رزقك محفوظ بالسماء والخير قدامك .. الله سبحانه بيده كل الخير ..
استمري بالدعاء والاستغفار وقيام الليل .. والله يرزقك باللي تتمنينه عاجلا غير آجلا يارب ياكريم ..
الصفحة الأخيرة
ياقلبي ماتدرين وين الخيره فيه وللحين ربك ما كتب نصيبك
عاد الناس اللي من هالنوعيه بصراحه قله ذووق على الاقل كلمو وقال مافي نصيب مايخلون الواحد كذا معلق
اسال الله الحي القيوم الكريم واهب النعم ان يرزقك الزوج الصالح الطيب الحنون الخلوق اللي يخاف الله فيك ويعوض صبرك خير ويجعلك في كل تاخيره خيره لك