بصراحه مدري عن طبيعة زوجك
لكن لو انا اللي مريت بهالموقف ، برجع اكلمه واقول له بعد خطبتك و الأشياء اللي سويتها من وراي ، حسيت الدنيا مالها امان و ماعدت اثق بأحد
لذلك حابه أأمن لنفسي بيت ملك أأجره أو استفيد منه ، ويصير لي وللزمن ، ماحد ضامن وش مخبي لي من مفاجآت
لذلك رجع الدين اللي عندك محتاجته

و لا يحاول يستعطفك ويقولك ماعندي ، اللي عنده يدفع مهر ويفتح بيت ويتحمل مصاريف زوجه ثانيه اكيد عنده يسدد ديونه

و ازعلي عليه بعد ، و اطلبي رضاوه وسفر ، لأن زوجك واضح عليه يدور وحده تتطلب عليه وتقص ظهره ، ماعجبه اللي تصرف عليه وعلى عياله

الله المستعان !!!
كل شويه اكتب لك رأي وارجع امسحه اخااف يختي من غير قصد نسبب مشاكل بينك وبين زوجك
لاكن نصيحتي لاتهدمين بيتك بسبب زواجه واستشيري اخصائي علاقات اسريه افضل

كلميه بمنتهى الصراحه قولي انا معاد اثق فيك انت جرحتني

وانا الحين ابغى اضمن حقي انا لي نص البيت اكتبه في ورقه ونجيب شهود اثنين من اخوانك اعمامك اي احد المهم توثقين نفسك

مو بكره يتزوج ويقهرك يسكنها ببيتك واولادها يرثون من حلالك

وبعد فلوسك ولا ريال اصرفي على نفسك واولادك بس البيت كل شي عليه قولي انت الرجال وهذا بيتك ولك القوامه

مو كنت ناوي تتزوج والا بتخليني اصرف عليك انت والعروس

والفلوس اللي متدينها يكتبها بورقه والا يحلف ان مالك فلوس عنده

وحده اعرفها سوت كذا لقيت زوجها خاطب وقلبت الدنيا عليه يالحافي يالمنتف بطاقتي بجيبك وتروح تخطب وتتزوج علي من فلوسي

اخذت بطاقة الصراف منه ... واخذت ذهبها وودته البنك في الامانات ... وكانوا بيبنون عماره راحت غيرت المخطط وبنت فله

وزوجها خلاص ولا ريال بس راتبه ويصرف على البيت ... والحين تعدل صار سواق عندها بس وكل شي بيدها

بصراحه صادقه فيه صايرين ي الكلاب يعضون اليد اللي انمدت لهم

تسلمون ياأخواتي على ردودكم ودعواتكم
وانا ان شاء الله ناوية اتغير للافضل والاقوى لان ضعف الزوجة احيانا
من السلبيات اللي تخلي زوجها يستقوي عليها

لاتتنازلين عن ريال
وشيلي يدك من مصروف البيت كمالياتك وبس الباقي يوم به الله لايهينه موب يوفره للثانيه