خطبتي لاحد وندمتي ؟

أنا من رايي ماتقبلي توفقين بينهم الا اذا تعرفيهم عز المعرفه
والبنت المحترمه تنعرف
وانا صار لي موقف وعرفت فيها معنى افعل خيرًا شر تلقى
بس مومعناتهاا انو اذا جاني احد اطلب ادورله برفض
انا سالفتي بأختصار ومابقول التفاصيل وماخفي أعظم
سعت بزواج وحده من معارفي لواحد ماشاءالله مواصفاته كل بنت تحلم فيهاا
البنت ماشاءالله كل شيء فيهاا تمام ولكن عيبهاا شخصيتهاا قويه وأسلوبهاا مايعجبني أبدًا وعلاقتي فيهاا سطحيه جدًا ولكن من كثر ماتشتكي عن تأخر زواجهاا ، قلت بسوي فيهاا خير وأجري على الله
وقلت لها أخذ رأيهاا فقط اول يوم فرحت وثاني يوم بدأت تخرب على نفسهاا بأسلوبهاا وقلت للولد مافي نصيب وقلت للبنت مافي نصيب وجلست أفكر وأخذت اراء ناس متزوجين وعزابيه ارائهم عين العقل وحكيماات
لان ابدًا موناقصه مشاكل اذا بدايتهاا كذا ، كيف بكرا اذا عاشت معاه ؟؟
واتمنى لهاا كل خير ودعيت لها الله يرزقهاا بزوج الصالح ولكل من تقرا كلامي تدعي لها ونفرح فيها قريبًا
ومن بعدهاا أخذت درس ، أذا وحده أعرفهاا وأسلوبهاا غير جيد وقوية شخصيه ما اسعى لها ابدًا وأكتفي لها بالدعاء

زين باتونيا اللي كشفتي الوضع من البدايه وهم لسا ع البر
مع اني اعرف الزوجين عز المعرفه الا انها لابد تطلع خبايا بعد الزواج صعب تعرفين كل شي حتى لو هم اخوانك

والله انا ماصار لي هالموقف بس صديقتي الله يسامحها دلتنا علي وحده لولد خالي البنت زينه مافيها شي بس اهلها اعوذبالله لسانهم طويل ويتدخلون بكل كبيره وصغيره خلو حياه ولد خالي قلق وللاسف بعدين اكتشفت انه صاحبتي تبي تصرف البنت علينا مثل زواج المصلحه لانه اخو البنت كان بيخطب صديقتي وحبت تسوي فيهم معروف تمشي بنتهم وسبحان الله لانه نيتها مو صافيه ومو عشان تجمع راسين بالحلال الا عشان مصلحتها الحين ولد خالي عياش الحمدلله مرتاح بعد مشكله كبيره سواها مع اهل البنت وقال لهم اي تدخلات بنتكم عندكم بطلقها وصارو مايتدخلون وصديقتي الي المفروض اخو البنت يتزوجها غير رايه وراح خطب وحده ثانيه وبنفس الاسبوع صديقتي جايه تسب وتذم بالبنت وباهلها بعد مااخذناها لولد خالتي حسيت انها مصلحجيه ومنافقه ومن يومها قطعت علاقتي فيها بس الله يهديها ويهدي الجميع وسوري خبصت راسكم ^^

سبحان الله وبحمده...

انا مره سعيت بخطوبة وحده وانا لسى ماانخطبت ولا تزوجت وسبحان الله وبالرغم اني داله الناس عليها ولي سنه وانا اقنعهم فيها وامدحها لهم لانها كانت محترررمه واخلاااااق لكن بمجرد خطبوها رسمي وهي عارفه انه من طرفي قلبت علي وصارت وحده ثانيه مااعرفها وكانت خايفه احسدها تصوري..!!

المهم ماتم موضوعها لانها ماعجبت العريس واهله وبمجرد انه ماتم ولا كتب الله لها نصيب تحسست مني كثير وصارت وحده ثانيه مااعرفها واحسها كارهتني من كلامها معاي ومواقف كثيره لدرجه تحاول تقلل من قيمتي او تحسسني اني ولاشي ..

الله عطاها على نيتها وانا اخذت دررس بحياتي مااالي دخل بأحدددد توووبه لو العرسان محذفين عندي تووووبه