خطبتي والصراصير .. وكل مره حدث .. تكفووون ساعدوني

السلام عليكم ورحمة الله

كيف حالكم اخواتي العزيزات

صارلي شيئ توني الاحظه ماكنت مدركه له من قبل
بمعنى اصح بعد اخر حدث انتبهت ان فيه شيئ غريب وبديت الاحظ واتفكر وفعلا استغربت من شيئ
مالي احد غيركم احكيله وافضفضله واستشيره

انا بنت ماتزوجت والحمدلله مقتدره موظفه ومحافظه
صارتلي شغله مؤخراً خلتني افكر بكل مره كان بيتقدملي احد فيها ايش كان يصير
وتذكرت ولاحظت بكل مره كان يصير شيئ
وماكانت تتم الخطوبه وماحد يجي بيتنا كخطبة رسميه
كان بكل مره احد بيتقدم قبل تتم الخطبه الرسميه يصير شيئ فيني وماتتم الخطبه
مره كان يطلع بق بفراشي والحين اتذكر اني ماغيرت فراشي لاكن راح ويوم اتفكر بالموضوع الاحظ انه كان بعد مانفسخ الموضوع
ومره ثانيه امتلى جسمي بقع حمرا دائرية على قد فتحة فناجيل القهوه ويوم تروح يكون حوالينها حلقه وبوسطها زي الحبه كانها قرصة حشرة لاكن ماكانت تجي احد غيري وكانت حاره الي يلمسها يحس بسخونتها واتذكر انها راحت بعد مانفسخت الخطبه

واخر مره والي خلتني انفجع والله اني للان مفجوعه لان الي صار خلاني الاحظ عن كل مره كنت غافله فيها عن الي يصير من بق وحشرات بفراشي وبقع بجسمي و اول مره يصير معي شيئ كذا والاحظه هالشيئ خلاني انفجع انه كيف يصير كذا وليه وايش يعني

اخر مره جونا ناس للبيت وهي اول مره يجي احد بيتنا يخطبني كانوا الناس عندهم علم بوظيفتي
وبشغلي وبكل شيئ وكانوا موافقين وراضين
وبنفس اليوم الي جوا فيه طلع بحمام غرفتي الله يعزكم صراصير سودا كثير
واول مره اشوف صراصير بهالشكل ولونها اسود اصلا شكلها يفجع عمري ماشفت صراصير بهالشكل
ولا بهالسواد وكانت كلها تقريبا نفس الحجم
انا انسانه عندي فوبيا من الصراصير مره اخاف منها و اكرهها عندي فوبيا منها جدا
كنت اقول لاهلي مفجوعة حمامي فيه صراصير سودا يقولون مستحيل
لنا سنييين سنيييييين ببيتنا مالمحنا صرصور واحد وبيتنا ولله الحمد نظيف
مجرد قلت صرصور صار بالبيت انتفاضه دوروا بالبيت كله مافيه بس حمامي
واليوم الثاني جبنا عامل يشوف الحمام قال مافي مكان اصلا تدخل منه الصراصير حتى الصفاية الي بالارض لو بنقول بتدخل من المجاري اعزكم الله مابيمدي لانه حجمها مايسمح تتعدى المصفاه حقتتها
وكل شيئ السيلكون حوالينه قال يمكن دخلت من مروحة الشفط
والغريب انه رشيت مبيد مارشيت ماتروح والمطبخ وحمامات البيت كلها مادخل منها ولا صرصور
البيت كله خالي ماعدا حمامي انا
كنت اقولهم حمامي فيه صراصير يقولون يتهيألك واكب فوقه الشامبو واي شيئ الاقيه قدامي عشان اموته واناديهم يقولون مو معقوله الصراصير بس بحمامك
لدرجة صرت مادخل حمامي واخواتي يقولون خلاص ماعاد فيه شي
والله كنت ادخل الحمام ويطلعون لي اكثر من ٥ و ٦ بالارض يفرفرون كنت انهبل
كم يوم وكلمت ام الولد وقالت انه مافي نصيب وتعتذر بحجة انه فيه امور كانوا موافقين عليها وغيروا رايهم فيها زي الوظيفه بهذاك اليوم كانت فيني ضيقة صدر فضيعه كنت احسها خلاص ضيقه ماقدر اوصفها مادري من الصراصير ولا من ايش
قبل لا تكلم الحرمه امي عن فسخ الخطبه
وبعد ماكلمتها بنفس اليوم والله احس انشراحه بصدري وخاطري فضيعه كانه هم وانزال
مع انه كان عادي يعني مافيه مشكله ولا سبب مزعلني ولا حاجه ولا كنت زعلانه منهم
والعجيب الي صار نمت بعد الخبر الفجر كننا برمضان
وقمت ليومكم هذا الصراصير مختفية

هالشيئ خلاني افكر كثير واتفكر ايش فيه ..؟؟!!
هالشي الي صاير طبيعي ولا مو طبيعي ؟؟
جلست افكر بكل مره احد بيتقدملي مره يقب بجسمي بقع حمرا ومره فراشي بق ومره ومره
ومجرد ماينتهي الموضوع تروح
ويوم صارت خطبه وجوا الناس بيتنا طلعت صراصير وبحمامي انا فقط وماتظهر الا يوم ادخله
وراحت اختفت كلها من انتهى موضوع الخطبه !!!

هالشيئ الي صاير عادي ؟!!
ولا يتهيألي انه فيه شيئ غريب صاير ..؟؟!!

والله مادري
انا احترت من التفكير .. وقررت اكتبلكم ..
بتمنى مساعدتكم خواتي