خطبت ,,,, ندمانة !!!!!!!!!

السلام عليكم ورحمة الله وبركاته ,,,,

انا دايما متابعه المنتدى وخصوصا هاذا القسم واستفدت كثيير منه وحبيت أشارككم في قصتي وبدي آرائكم ودعواتكم ,
قصتي انى انخبطت .. قصدي خطبت ما صارلي شهروعمري 20 من عيلة معروفة حالتي المادية الحمدلله ممتازه واي اشي أطلبه بكون موجود وفتاة جامعية وعلى قدر من الجمال , على حكى الناس:) ومثقفة ووو .... المهم من وانا وعيت على موضوع الجيزة وكذا وانا حاطة فى بالي عدة مواصفات انه يكون جميل عيون زرق شعر اشقر يعني انا مجننة عيلتي والكل فى عيلتي يعرف انه فلانة ما بدها غير واحدى عيونه زرق وغني حتى بخليهم بالغصب يدعولي بدي واحد حلو ووسيم واكيد بدي اياه يكون غني زي حالتنا المادية , الى صار اخواتى تقدملي واحد ابعد لما يكون للمواصفات الى بدي اياها لا عيون زرق حالته المادية على قد الحال يعني الموضوع صار بسرعة مع انه قعدت شهر لما رديت للجماعة خبر وهينا عقدنا القران والعرس بشهر 9
الخلاصة اني انا ندمانه وبحكى تسرعت , وظالمة الشب معي بحكي بكيير كان عشت فترة الجامعة ضايلي سنة وبتخرج كان عشت زي البنات واخدت عزي " المعروف فى بلدنا انه العمر المناسب للجيزة بعد التخرج يعني يكون عمر البنت 23"
انا كنت بتطلع دائما على الفلوس وقديش الماديات وكيف ومن وين لبسه واي ماركة وكذا فأجاني عكس كل الى بتمناه غير انه عيونه مش زي ما بدي ولا الى كنت حاطه فى بالي مع ان الكل بحكيلي حلو ووسيم وجنتل بس انا مش شايفة فيه اشي مستغربة كيف انا وافقت كيف ما انتبهت تسرعت وهالمشاعر.... يعني والله يابنات اني ضايعة يوم اضحك ويوم ابكى, بحكى ليش كل دعواتي راحت هيك علاقتي بربي منيحة وملتزمة والحمدلله يعني ما بعرف ليش هيك بسير معي حتى الدعاء هاي الفترة مش قادر ادعي مش عارفة ادعي ما بطلع اشي معي و كل هاد كوم واني مش طايقة الشب يعني ما بشوف غير سلبياته مع ان الكل بحسدني عليه بس نا بحكى على ايش صراحة انا ملخبطة غير انه كلام الناس بذايقني فلانه انا كنت متوقعه يكون غير هيك فلانة انتي صغيرة فلانه حالته المادية على حاله فلانه اهله والمشكلة اني بسمع لكلام الناس ووو الله بعرف انه هو نصيبي وهو الى الله قدرلي اياه وانه هيك الله كاتبلي .
أخواتي حد يساعدني يعطيني نصايح صراحة انا ضايعة واتمنى انى ما اكون طولت عليكم بالحكي