تميـ100ـميه :

ياربي وش تحسين فيه بالله كل الردود كووووووووووم وردك كوم ثاني الله يعينك على نفسك واضح انك سلبيه بحياتك , وتفكيرك سلبي , واسلوبك سلبي وبعدين وش تدعين علي بالشين ؟ تعرفيني اعرفك يوم تحقدين علي وتقولين عسى يقبل بك جندي واضح انك من الحريم الي يغارون ونفسياتهم مدحدحره , وحقودات وتتمنى الشين لغيرها ولها كل شي زين استغفرالله بس , الله يعينك على نفسك ترى الله ورسوله نهوا عن الحسد ومن كبائر الذنوب والله جلست اضحك على ردك وبنفس الوقت اتأسف لحالك ,,, بالنسبه للاخت الاماراتيه الي تقول قوليلي كل التفاصيل واقدر انصحك انا ودي اقولك كل التفاصيل بس صعب اقولها هنا بالعام اذا حابه اكلمك , ارسلي لي ايميلك بالخاص وراح اضيفك واقولك انا الي بمنتدى عالم حواء واقولك التفاصيل واخذ نصيحتك =D , ملاحظه , الي يقولون احلمي والاحلام ببلاش ويجلسون يتطنزون والله ماعرفنا لكم , مره تحسسوني اني مسويه شي غلط وان السعودي مافيه منه وليش الاماراتي وانه اسوأ ومره تحسسوني اني باخذ شخص من جنسيه خياليه واحلم فيه ومدري ايش ترى انا لو اخذ سوداني بس مابي سعودي لاتجلسون تقولون لي اخوانك وابوك ومدري ايش هذا السعودي انسان جاحد ,, شوفوا وش يقولون عنكم ياحريم السعوديه , اربع وعشرين ساعه يتطنزون على بناتنا سواء بالبلاك بيري او بالمقاطع او او الخ فضحونا ماهم مقدرينا ولا هم شايفينا شي ودايم عندهم ان البنت الاجنبيه احسن وافضل من السعوديه وهذاكم تمشون وتشكون بالسعودي والحين على موضوعي طقت بكم الحميه والوطنيه خلو عواطفكم على جنب ووطنيتكم على جنب وكل وحده بأمانه تقرى كلامي وتشوف تعامل زوجها وتفكيره وتعامل الشباب السعودي لاتجي تقولي السعوديين فيهم الشين والزين اوك ماقلنا شي طيب احنا شفنا الشين ,,, وين الزين فيهم ؟؟؟؟ خلونا نجرب حضنا بشخص غير سعودي على الاقل لو كنا فاشلين بالتجربه مانقدر نندم لان حنا الي اخترنا هالتجربه لكن لما اتزوج سعودي واندم على تجربتي معه بندم ااكثر واندب على حضي لاني ضيعت التجربه الجديده الي بعيشها , ناظروا ردود السعوديين بعد مافتحوا مكتب لاستقدام خادمات من المغرب قسم بالله اكثر ردودهم تدرون وش يقولون يقولون ياجعل المغربيه هي راعيه البيت , وراعية البيت هي الخدامه ناس مو معبرينكم ,, وبكل مكان يسبونكم , وبتعلموني الحين ان السعودي انسان منزه واحسن من غيره يغازل ويكلم بنات ويطلع ويخون وعصبي ومافيه رومانسيه وووومليون شي وشي يمكن فيه من السعوديين زينين ,, لكن الاغلب الاغللللللللللب اكثرهم كذا يعني لو بحسب بقول 70 بالميه من رجالنا مثثل الي ذكرت و30 بالميه زينين وعداهم العيب بس بتضمنين نفسك تاخذين واحد من الصنف الي ب 30 بالميه لاحد يتكلم عن الوطنيه لاني اكثر بنت وطنيه واحب بلدي ورجاءا قبل لاتقتبسين ردي ,, وتردين علي , لاتتكلمين بعاطفه تكلمي بمنطق وشوفي بالاول زوجك كيف يعاملك بعدين ردي وامدحي السعودي

ياربي وش تحسين فيه بالله كل الردود كووووووووووم وردك كوم ثاني الله يعينك على نفسك ...