يا حبيبتي البنات خائفين عليك لانو الرجال لازم لازم يحس بالمسؤولية
هذي هي الغريزة والفطرة السليمة لازم الرجل يحس بالمسؤولية حتى لو يشتغل ان شاء الله كاشير في بندة او حتى منظف المهم انو يعتمد على نفسه مو على زوجته
افضل حل اطلبي منه انو يبحث حتى لو وظيفة بسيطة وراتبها قليل المهم ما يجلس بالبيت والله يوفقكم يارب

اذا اخلاقه تمام تزوجيه وتوكلي على الله

أنا ماأيد لانك ماتعرفين طبعه اوكي يصلي بس مو كل من يصلي اخلاقه عال العال

يمكن من النوع اللي لاتعود على الشي خلاص وتتوهقين بالصرف طول عمرك وهو مجرد زوج فراش !!

وبعدين لازم تعرفين اسبابه ليش عاطل هل مامعه شهادة ؟ هل هو كسول مايبي يتوظف ....

صحيح مافي وظايف تعز تقولين بأفقر دولة بالعالم بس عندنا
وظايف امهات ألفين وثلاثة اللي هي الكاشير وغيره وغيره ليش مايتوظف فيها .....

خوفك يكون كسول وتتوهقين انتي وعيالك ........

انا مااشجع اصبري وبيجيك فرصة افضل ان شاءالله.....

وعلى فكرة واضحة واحد عاطل ويبي يتزوج موظفة واااااااااضحه طمعان في راتبك يبيك تصرفين عليه.

بدال مايدور وظيفة قام يدو زوجة موضفة تصرف عليه وهو ماغير يتسدح مع اصدقائه لاتجيبين لنفسك الهم.

انا عن تجربة شخصية تزوجت زوجي وهو عاطل وجلسنا سنة كاملة بدون وظيفة وربي كان يجينا الرزق

سبحان الله وكنت قنوعة صبرت وساعدت وبعد السنة رزقه ربي بالوظيفة والحمد لله عايشين ومستورين اللهم لك

الحمد والشكر ، اهم شي اهم شي في الرجل الاخلاق والدين والصلاح اذا كانت موجودة كل شي راح يتعوض

ساعة راحة وهناء مع الرجل الطيب بكنوز الدنيا كلها استخيري وثم استخيري وتوكلي على الله .

واذا كل شي فيه زين توكلي على الله و وافقي ،،.. ماتدري يمكن يكون وجهك خير عليه وتجيه وضيفه

{ وَأَنْكِحُواْ ٱلأَيَٰمَىٰ مِنْكُمْ وَٱلصَّٰلِحِينَ مِنْ عِبَادِكُمْ وَإِمائِكُمْ إِن يَكُونُواْ فُقَرَاءَ يُغْنِهِمُ ٱللَّهُ مِن فَضْلِهِ وَٱللَّهُ وَاسِعٌ عَلِيمٌ }

ادعي لي يتحقق اللي اتمناه