لازم تعرفين وش شهادته وليه ما يشتغل الرجال يقدر يسعى ويدور وظيفه في اي مكان لو يشتغل توصيل مشاوير او في سوبرماركت او اي مكان تاكدي لايكون اتكالي او داخل على طمع اشرطي عليه تكون خطبه وملكه لين يلقى وظيفه اذا تحمس وبحث وسعى في رزقه توكلي على الله اذا جلس يماطل ويلف ويدور ويتحجج انتبهي منه بعدين من وين له مصاريف الزواج اذا ماعنده دخل وين بيسكنك بتتحملين انتي كل شي طيب هو وش فايدته ؟ فكري وشاوري واستخيري ولا تستعجلين وتتنازلين لمجرد الزواج واسألو عنه بشكل مكثف ترا بعض الناس تمدح وبس

واضح انه طمعان انتبهي
استغرب من اللي يخطب وهو عآطل !!!

توكلي على الله وان شاءالله وجهك خير علية انا اخوي يشتغل اعمال حرة وقمنا خطبناله بفترة هو مجمع المهر بس عاطل وافقت البنت والله ولله الحمد والمنه ماشاءالله تبارك الله طلعت له وظيفة بقطاع خاص وربي من اول شهر راتبة مايقل عن 5000 ريال وبس حددو الزواج طلبو بقطاعه حكومي وتوظف
انت ماعليك بكلام الناس بس اسالو ليه ماتوظفت وش الاسباب الي تمنعك ومن ذا
عشان يحس انك تبغي يتوظف

اشور عليك بوظيفة له لاتزوةجتية خلية يوصل معاك موظفات ومنها يكسب ومنها وصلك وبعلمك توصيل الموظفات يدخل فلوس واكثر من الي مكروفين سااعات

عاطل والله صعبه
مانصحك هذا داخل ع طمع

يا بنات .. اللي تقول الشباب اللي ما عنده وضيفة من يعفه .. واللي تقول يمكن تكونين وجه خير عليه !!!

يعني خلاص .. بنت الناس اللي مسؤولة عن سعادته المستقبلية وفتح باب الرزق عليه وإعفافه

مشكلة النساء يفكرون بالعاطفة .. فكري بالعقل .. رجل معه يعيشك عيشة كريمة مو يأخذ من فلوسك تزوجيه ..
عاطل مامعه وظيفة ولا يدري وش بيصير عليه بيلقى وظيفة وإلا بيتمرمط 10 سنين قدام .. هذا ليش ترتبطين به !!
وش حادك ..

ما أخذتوا عبر ودروس من الحريم اللي يشتكن الحاجة مع رجالهم ؟!
ما أخذتوا العضة من الموظفات اللي أزواجهم رامين عليم هم الصرف والمسؤولية كلها وهم يتسدحون في الإستراحات !؟

خذوا لفة على المواضيع وشوفوا الشكاوى ..