ثقة ومصداقية :

والله الردود تشفي الغليل وكل رد احس من رد صحيح بعض الردود مالها قيمه بس خلونا في اللي بها قيمه خلاصه الكلام ان وافقتي بتندمي ندم وبتجي تكتبي بالمنتدى ياليت سمعت كلامكم بغض النظر عن كل الظروف اللي هو سواها او انتي فيها ارفضي ارفضي ارفضي نجي للتفاصيل معاد فيه كلام يتكرر اكثر من اللي قالوه الاخوات حتى حكولك تفاصيل اللي بيصير معاك بالفراش كله ودهم يوضحو لك الصوره لا تسوي مثل اللي بيموت برصاص ومعاد يسمع طلقاتها الان تبغي احد يبررلك لانك معاد جيتي المنتدى الا وانتي مقتنعه احد يقولك وافقي لانك من داخلك قد وافقتي واي احد تعارضك الان بتحسي انها ضدك لكن على العكس الان بدون شعور وتفكير المفروض ترفضي والله لو توافقي بتندمي ندم من غير الامور اللي بتجيك من وراها امراض من اول شهر بيخليك وبيروح لباقي زوجاته او بيسافر لعمله واذا جاه اتصال من الشركه او سكرتيره الخاص حتى وانتي بقمه لحظات الرومانسيه والله بيخليك وبيروح لشغله لانه ضمن ان انتي حقه وغير هذا اللي بينزل منك لحظها ١٠ كيلو اذا سوى هذه الحركه الشي الثاني قالك تعالي سلمي على حريمي اوووه يا الهي كيف بتتحملي وهو من حقهن لانه زوجهن كلهن بعدين تخيلي بعد كم سنه وانتي بصاله زواج انتي مليانه الماس والا ذهب وكشخه وبمقتبل عمرك وتلاقي صديقاتك ويحكو عن ازواجهم ودلعهم ويكفيك بس لو تقولك صديقتك زوجها حملها من درج العماره لين غرفتها وانتي بفيلا اش طولها اش عرضها تطلعي باللفت فيها ومايقدر حتى يمسك بيدك لين غرفتك واااي واااي لو انتي عند والله بربطك وبظل احكيلك قصص واقعيه من اللي وقعو بالفخ زيك ( معلومه ياليتت تفيدينا عن الوالد ( ابوك) ايش وجهه نظره من هذه الخطوبه الرجال يفهمو بعضهم المفروض ابوك مايرضى) لكن اذا القرار بيدك ارفضي والله يعوضك بواحد قريب من سنك لك لوحدك ويكون خير منه السموحه على طول الكلام

والله الردود تشفي الغليل وكل رد احس من رد صحيح بعض الردود مالها قيمه بس خلونا في اللي بها قيمه...

غزلان بنت سعود :

انا م نزلت استشارتي الا اني عارفه راح اشوف المؤيد و المعارض وراح اخذ الكلام بسعة صدر واكيد في اشياء انا جاهله فيها ، ابوي قد وجهني ان طريقتي غلط وووو كلام كثير لكن بالاخير قال هذي حياتك وانتي حره ابوي مايجبرني على شيء لان هذي حياتي وبالعكس انا انبسط اذا احد وجهني بطريقه محترمه وبين لي بعض الامور الي انا جاهله فيها عموماً اراء الناس مجرد اراء وليست حقيقه واليوم عرفه راح ادعي ربي الي فيه خير لي 💕💕 وشكراً للكل

انا م نزلت استشارتي الا اني عارفه راح اشوف المؤيد و المعارض وراح اخذ الكلام بسعة صدر واكيد في...

ثقة ومصداقية :

نصيحه لا تغرغرون بالبنت والله ياغزلان انك بمقتبل عمرك والعالم ماصار مثل قبل يعني الرجال يحافظ ع الحرمه لاخر نفس بالعكس مغريات الدنيا زادت بهذا الزمن واقبلي النصيحه من اللي اكبر منك واذا تقولي كلامنا مجرد اراء وليست حقيقه لا يالغاليه والله من ارض الواقع وقبلك وللحين كثير ندمو يمكن وحده من الميه اللي حست بانها انتصرت لكن صدقيني الرجال اغلبهم طبيعتهم وحده والواقع بيشرحلك اسالي وشوفي يمين يسار اسمعي قصص واقعيه من الحريم اللي فكرو بان الدنيا افترشت لهم ورد وهذا الشعور كل بنت تحسه لما يتودد لها الخاطب وحتى ايام الملكه لو يذبحوها اهلها عشان تتركه والله ماترضى لان خلاص تتخيل ان الحياه معاه هي الجنه ولا تنسي ان الحياه مليانه امتحانات وش قدرك بهذا السن تصبري وتتحملي بعدين بتلومي ابوك انه سلمك زمام امورك وبتقولي اصلا كان المفروض الكلمه لكم وتمنعوني والله اكلمك وكاني اكلم اختي الصغيره ربي يحفظك ول انك كبيره بالعمر الكل بيقولك الله يستر عليك وافقي وتوكلي على الله بس الحين باينه مثل عين الشمس انتي صغيره واكيد حلوه كمان مع هذا العمر وهو معاه ثنتين ولاتنسي انه تزوج فوق ام عياله الاولى واكيد ما كان فيه سبب يعني الرجال مايحس على مشاعر الانثى لو هي عجوز وعندها عاه ماتبغى زوجها يتزوج عليها لو حتى هي خطبتها له بتكون تجامل ومن داخلها محروق الله يستر عليك وصلي الاستخاره اذا انتي خلاص ماودك تفكري شوي

نصيحه لا تغرغرون بالبنت والله ياغزلان انك بمقتبل عمرك والعالم ماصار مثل قبل يعني الرجال يحافظ ع...