خطبني في بريطانيا ثم ......

انا احتمال قصتي اغرب قصة..."قصة انذل خطيب بالتاااااااااااااااااااريخ المعاصر والقديم وكلوووووووااا"

طلعت ادرس بالخارج وشافني خطيبي وتعلق فيني وخطبني من ابوي مجرد كلام وحنا ببريطانيا ...بعد ماخطبني صار كل اهتمامي وخصوصا انه ساكن لوحده ..صرت اصلح اكل بالبيت وارسله له من دون محد يدري اكثر من مره واحيانا كنت اروح مع تاكسي لوحدي علشان اوصله الاكل لانه مايعرف يصلح اكل بالبيت ومايحب اكل المطاعم وخصوصا اننا بغربه...كنت افرح كثير لما يمدح طبخي وكنت اصلحله كل شي نفسه فيه وارسله علطول ...لما يكون عنده هوموورك كنت اطلبه اكمله بداله لان مستواي بالانقليش كان اقوى ...قدر الله انه ياجل دراستة ويرجع السعودية لان امه كانت مريضه ..لما خلصت فترة اللغة تقريبا 8 شهور نزلت السعودية علشان تتم النظرة الشرعيه الكاملة والملكة ..بصراحة طوال 8 الشهور كان بيننا تواصل بالايميل يعني مجرد اسئلة عادية او عن الدراسة بس بصراحة ابوي ماكان يدري ...كان خطيبي يمر بظروف صعبه بسبب تاجيلة للدراسة وكنت اتحايل على ابوي علشان اروح الملحقية وانجزله اموره وادورله قبول جديد بالجامعة ...تطور وضعنا الا اكثر من حب وصار متلهف لرجعتي للسعودية علشان تتم الملكة ...مع الوقت بدت الحواجز تتلاشى بيننا وصرت اعرف ان اوضاعه المادية مش ولابد ..حلفت عليه اساعده حتى بالمهر "لاتلوموني الحب ومايسوي" لما قرب سفري للسعودية استاجرت ببريطانيا فله دورين وواشتريت سيارة علشان افاجاءة فيها لما نتزوج ..وبرضو قررت اني ااخر دراسة الماستر لحد مايطلع معي ..يعني ضحيت باشياء كثير حتى بمدة الابتعاث .لما كملت 8 شهور ونزلت السعودية وانا مستعدة للملكة صار اللي ماكان في الحسبان ...طلع ابوه يبي يزوجه واحده من نفس عائلتة ...بس انا كنت اقول لنفسي "مستحيل كل شيء سويته مع **** يروح هباء ...اكيد هو راح يتمسك فيني اكثر" ..فجاءة تغير خطيبي علي كثير وارسلي ايميل بيوم سفري ويقول فيه ان ابوه رافض الزواج نهائيا ...كان توقيت الرسالة بالنسبة لي مميت ...كنت في قمة فرحتي بالسفر للسعودية علشان اشوف اهلي اللي ماشفتهم 8 شهور وكمان فرحتي اني اخيرا بالتقي بالانسان اللي سويتله المستحيل ...تمنيت ان اي شي يصير وتتعطل الرحلة ..لكن ربي كتب اني اوصل السعودية واذوق مرارة الموقف بين اهلي...لما وصلنا قام ابوي وبلغهم بوصولنا ..اضطر الولد انه يجبر ابوه يجي للبيت تقديرا لابوي وتمت النظرة والموافقة من جهة خطيبي واهله بس ابوه كان لسى معند بس ساكت سكوت مخيف ...تمت التحاليل وطلعت متوافقة ....وقتها حسيت بطمانينة وبديت اجهز لملكتي واشتريت حتى فستان الملكة ..وبدون سابق انذار زارنا الاب ومعاه خطيبي للبيت علشان المهر ...وكان واضح ع الاب انه ناوي يفركش السالفة باي شكل ... وقال لابوي كلمة قويه "ترا انا زوجت ولدي لبنتك علشان اريحك منها " هنا ابوي انتفض من مكانة وصارت هوشة مالها اول من اخر وخطيبي قام ينتفض ويشرب حبوب مطلعها من جيبه بدون ماينطق بكلمه واحده او يسكت ابوه ... اللي قاهرني انه في صباح نفس اليوم كان مرسلي خطيبي ايميل ويقول انه خايف ان المبلغ اللي معاه مايكفي للمهر فحلفت عليه اساعده ورحت طيران لمحل ذهب وبعت طقم ذهب ابوي اهداه لي لما تخرجت ب 10 الاف ريال وحطيت الفلوس بظرف ورميتها داخل سيارتة بعد مااتفقت معاه انه يترك شباك السيارة مفتوح شوي ...بعد المشكلة ارسلي ايميل وقال انا اسف وفلوسك بترجعلك واليوم الثاني اتصلوا على اهلي وقالوا "قصر النصيب" ...طبعا انا وقتها نفسيتي كانت بالحضيض ..كرهت خطيبي واليوم اللي عرفته فيه ..حسيت اني غبيه لما فكرت بالحب ..كل التضحيات كانت من طرفي انا وبس ...اشترى رضا اهله وباعني ..ماقدر اي شيء سويته له ..حتى دراسة الماستر اخرتها علشان كنت ابي نبدا ماستر سوا ...المشكلة اني ماني قادرة انسى اللي صار ..صرت احقد على اي رجال بحياتي ...اعتبرهم كلهم كذابين ..تخيلوا طيرت اثنين متقدمين من بعده لاني ماعاد اثق باي انسان بالدنيا ...مدري اشلون اطلع من هالنفسية واعيش حياتي من جديد ..