خطبني مطلق بطفلة... ولكن؟ - عمري ٣٣

السلام عليكم
كيف حالكم بنات؟ زمان ماكتبت مواضيع او شاركت (اخر مشاركة قبل ١٠ سنوات ههههه) -- والله عمر كامل!
اكتب موضوعي لاني فعلا محتارة واحتاج الاستشارة
انا عمري ٣٣ حالياً لم يسبق لي الزواج. موظفة وظيفة ممتازة جدا جدا (راتب عالي و دوام مريح). جمييييلة جدا و طويلة و جسمي فعلاً جميل بشكل لافت.
تأخر زواجي بسبب كم شي اولها النصيب طبعا لكن منها ابتعاثي وانشغالي بالعمل و كمان ان اهلي مش اجتماعيين ..... انخطبت طبعا قبل لكن اقصد ماجا احد مناسب تماما (اعزب و موظف الخ).
الي حصل ان تقدملي مطلق وعندو بنت (مانعرفهم). فيه كل المواصفات الي كنت اتمناها من ناحية التعليم العالي والشكل و حتى الاطباع العامه.
- لكن طليقتو من جماعتو ومن اقاربو البعيدين. والغريب ان استمر زواجهم ٥ سنوات! وحصل الانفصال بعد انجاب الطفلة ب ٨ شهور!
- فقط له مطلقها سنتين
- يقووووول انو نساها تماما وانها لاتقارن فيني وبمميزاتي وان كرها الخ.
الي مخليني اتشجع لهالتجربة ان خطيبي طاير فيني بشكل مو طبيعي ويشوف اني من اجمل البنات الي شافهم .. و دايم يوعدني انه حيسعدني و كده.
- لكن السلبيات انه انسان يتسرع بتصرفاته ومندفع باعترافه هو! وبرضو مايفكر بالمستقبل كثير
- اولوياتو بالحياة الزوحية هي الحب والصحبة الحلوة ويقول ان طليقتو كانت سلبية وتدخل اهلها بكل صغيرة و كبيرة! وكمان ان اهلها بمنطقة مختلفة فكانت تعبانه نفسيا انها لحالها
جدا محتارة و احس عقلي حينهري من التفكير... مرررره خايفه اتزوجو وبعد كم سنه جماعتو يصلحوا بينهم هوا و طليقتو واصير متزوجه معدد بدون اختياري واتطلق... ده وضع كارثي.. لان الاخلاص من اولوياتي بالحياة وماقدر اتقبل يوم واحد مع معدد!
وبرضو اخاف ان المشكلة فيه وانه انسان سطحي ويمكن طلق زوجته لسبب سخيف زي مثلا ن جسمها تغير بعد الولادة الخ (هو مره مره يهتم بالشكل والجمال والشياكة) .
مع العلم اني جدا سعيده بحياتي واهلي رائعيين ومعطيني حريتي .... لكن تعرفون اكيد اتمنى زوج و اني احب وانحب بالحلال واكون اسرة و انجب الخ. بس برضو راحة البال و الاستقرار النفسي عندي اهم من كل شي.. ما ابغى اعيش بمشاكل على خلفية زواجه السابق. اخاف اني مو فاهمة او مستوعبة ايش الي انا مقبلة عليه... وبرضو اخاف انو العكس و اني مكبرة الموضوع ...... حقيقي مو عارفة
اهلي مره حيادين و يقولو لي ده قرارك ١٠٠٪... طبعا سالنا عنه وكلام الناس انو رجال والنعم الخ... مافي ذم فيه.
منتظره نصايحكم.... تنبيه: انا والله ماعمري شفت نفسي و فقط كتبت وصفي و وصف حالتي عشان اعرف اذا ممكن تجيني فرص احسن او لا :)