خطبني معدد ومحتاااااره ادخلوا ارشدوني

بنات ابي رائيكم في موضوعي ولاتنسون حديث الرسول صلى الله عليه وسلم "المستشار مؤتمن"
ارجوكم اريد مشوره من واقع تجربه من واقع مشاهدات من واقع خبره في الحياه صار لي اكثر من اسبوع مو قادرة اتخذ قرار مع نفسي جالسه بصراع داخلي بين حاجاتي والموجود ماابي اطيل عليكم بدخل بالموضوع ..
أنا فتاه تقدم لخطبتها حول 15 خاطب وتم ردهم اغلبهم رفض مني شخصيا والباقي اخذت برأي أهلي ورفضتهم استشعرت أن اهلي مو عاجبينهم فقمت رفضتهم مع العلم اهلي لايفرضون علي لا الايجاب ولاالرفض في الخطاب يطرحون الموضوع بدون حتى اي محفزات تبينه ولا ماتبينه بدون اي نصح او ارشاد ماعدا خاطب واحد كنت ابديت قبولي له وانهوا الموضوع اهلي بتردد لانه كان مطلق وعنده بنت (سبب رفضي بعضهم ماكنت اميل لعوائلهم وبعضهم ظروفهم ماعجبتني وماكانت مناسبه لي وبعضهم كنت صغيره ايام الجامعه وقراراتي مو حكيمه ماكنت اشوف انه مثلا هو الشخص اللي يستاهلني يمكن غرور بنفسي ماادري بس كنت ايامها ماافكر الا بدراستي وبس)
الين وصل العمر 28 سنه تعلمت ولله الحمد معاي درجة الماستر وموظفه أكاديميه بديت في السنتين الماضيه احس بالندم على قراراتي السابقه كل اللي حولي اغلبهم تزوجوا وخلفوا وسعيدين بحياتهم صرت حساسه كثير واشعر فيه شي ناقصني بالرغم اني حققت طموحاتي وواصلت تعليمي وتوظفت مع ذلك اجتماعيا لا اشعر بأي اهميه لي بدون زواج وبدون اسره واطفال خصوصا لما احضر الزواجات تجيني نغزات من بعض الاخوات بالجماعه قومي ارقصي يمكن احد يشوفك وتعرسين (علماً اني ماارقص بالزواجات )والله مو محبه منهم بس تشعرك ان امورك موقفه لما نجي نسولف كل سواليفهم عن ازواجهم اطفالهم بيوتهم الا انا سواليفي محدوده في اطار دراستي عملي صرت بس اسمع ويغلب علي السكوت حتي الاحظ نظرات شفقه من بعض الاخوات الله يهديهم تشعرني بان ماني متزوجه يعني ماعندي شي حياتي موقفه ،، عملي في مدينه بعيد عن اهلي اجي لهم بالاجازات وكل بين فتره لكن الوحده ذبحتني كثير الحمد لله انا عند خالتي وماتقصر معي ابدا لكن استثقل نفسي دايم جالسه عندها ودايم افكر الى متى انا جالسه عند الناس بالرغم ان حياتي معاهم مررره حلوه ومبسوطين من وجودي واذا سافرت يتضايقون صرت وحده من عايلتهم (مااقدر اطلع لحالي او اروح سكن هالشي مو زين عندنا لسمعة البنت)
قبل فتره تقدم لي شخص فيه كل المواصفات اللي ماكنت القاها في كل الخطاب اللي تقدموا لي شخص متعلم و موظف حكومي طموح ملتزم سمعته طيبه من عائله راقيه وسمعتهم طيبه عمره 32سنه الشكل وسيم وظيفته بقريه تبعد ساعتين عن المدينه اللي فيها وظيفتي ولكن متزوج ولديه ثلاث بنات انفتح الموضوع معاي ورفضت لانه متزوج ولكن اصر وفتح الموضوع مره اخرى وقال اناحاضر بكل ماتطلبه ،،انا متخوفه كثير من الاقدام علي هذي الخطوه والموافقه على الزواج من شخص متزوج استخرت الله مرتاحه له ومتقبلته كزوج وابني معاه اسره يمكن لان فيه كل صفات كنت اتمناها ولكن كونه متزوج مزعجني هالامر كثير اكيد مرتبط بزوجته وبناته وانا بكون بمدينه وهو بمدينه عندهم وظيفته ودوامه ،،اشعر انه ماراح ارتاح بحياتي ولا راح استقر ومرات اقول جاك رجال شاريك وسنه صغير ليش ترفضينه هو الى الان ماتناقشنا بموضوع النقل وهالامور لان الموضوع ببدايته ونقلي انا صعب جدا وظيفتي اكاديميه بجامعه وتخصصي لايدرس بالجامعه اللي عندهم بس هو يقدر وظيفته تسمح انه ينقل عندي بس بيته وزوجته واطفاله كلهم بيجون عندي !!!! محتاااااااره كثير اخاف اقبل واندم ومرات اقول ارفضي ايش لك بوجع الراس ومشاكل الضره وهالكلام ومرات اوسوس اخاف يرمي كل المسوووليات علي لاني موظفه ويصير يكد على زوجته وانا اكد على نفسي وبيتي انا شخصيتي  مسالمه مااحب المشاكل احب الهدوء هو يقول انا ابي زوجه متعلمه ومثقفه اقدر اتفاهم معاها بالحياه مااعرف اي شي عن زوجته بس اكيد ماقال هالشي الا انه غير موجود بزوجته ارشدووووني يابنات هل يستاهل اتنازل عن طموحاتي واقبل وارضي بواحد معدد ولا ارفض والله كريم بيعوضي باللي افضل وبنفس الوقت انا خايفه تكون فرصه ماتتعوض شخص بهالمواصفات مايجيني واندم اني رفضته ،،اسفه جدا ع الاطاله واكتب لكم من الجوال