خطبني واحد ماعلموني اهلي الا باسم العائلة ؟

السلام عليكم ورحمة الله وبركاته





انا انخطبت والمره هذي اخوي رفض يعلمني باسم الرجل عطاني بس عائلته ومواصفاته وشغله .. طبعا رفض اخوي كان باتفاق مني ومنه انه مايعلمني باسمه كامل وهذي قصتي ..





انا عندي مشكله كبرت بالعمر ودايم ارفض من يتقدم لي وعندي قدرة هائله على البحث عن الاشخاص بالنت

لدرجة احيانا الناس يظنوني هكر وانا فقط ابحث .


وكل من تقدم لي اسوي له بحث شامل القى حتى يوزراته القديمه بالسوشيال ميديا من قوة البحث واطلع كل الفضايح . ويطيح من عيني اي شخص القى بلاويه


انا ادري كل انسان عنده اخطاء في مرحله مراهقته او مرحله معينه من حياته مر بظرووف معينه وانا اولهم ماني كامله


عشان كذا اخوي ماعلمني باسم هذا الشخص الكامل .. علمني عائلته ودراسته وقال مثل ماتفقنا ماراح اعطيك اسمه كامل عشان ماتبحثين


حالته الاجتماعيه مقاربه لحالتي كثير مقتدر حبه لنفس القسم الي احب دراسته اشياء كثيره نلتقي فيها والمشكله ماشفته ولا عرف وجهه


وافقت عليه لكن الفضول داخلي بيقتلني قتل مبرح مبرح ودي اعرف وش هو وشلون شكله ماودي ادخل عليه بالشوفة الشرعية وانصدم .. وبنفس الوقت لو عرفت اسمه بسوي له بحث شامل ويمكن اهون .


مادري وش اسوي وش تنصحوني فيه ؟