متزوج وعنده طفلين!!!!!!!
ويقول ما تقدر تخلف زوجته ماربنا عطاه طفلين
وحبك انتي ويقول يحب زوجته ومالاقا عذر غير الخلفة
اختي انا تزوجت رجل مطلق وأب لطفلين يعني حرمته مطلفها من قبل ليعرفني وانا عمري بوقتها كان 20 وهو 40
يشهد الله ماشفت يوم هني والحين عندي منه طفلين وراميني عند اهلي وما يسأل فيني ولا بأولاده
انتي متوقعة إذا ما كان فيه خير لحرمته وما حافظ ع قلبها ومشاعرها وحب عليها وخانها بصونك انتي؟؟؟؟
عقلك براسك تعرفين خلاصك
ما توثقي بالكلام المبهرج والمعسول ابد كل الرجالة عليهم اسلوب فظيع ليسيطروا ع مشاعر المرأة وعقلها
وربنا يكتبلك الخير ويبعد عنك كل شر

انا اشوف انك صغيرة وباقي قدامك فرص وترى الحياة مع المعدد عذاب وقرف ولو حبيتيه بتتعبين اكثر
ولو فعلا صادق انه يبغى الزواج عشان يخلف يعني مو كاره زوجته ولا بينهم خلافات ترى مجرد زواجه منك بيرجعه لها بقوووة لانه بيحس بتأنيب الضمير تجاهها
عموما استخيري ووكلي امرك لله

استغفرالله واتوب اليه عدد خلقه ورضا نفسه وزنة عرشه ومداد كلماته

انا والله مااعرف شنو مجتمعك
بس احنا مجتمعنا الحب غلط قبل الزواج
يعني لو يحبك مايسولف معك حتى لو انتي معجبته
ولايرضى انك تسولفين معه
عن نفسي ماارخص قيمتي واسولف مع رجل شنو ماكان
مع اني درست اختلاط وليا زملاؤ ووالله ولا التفت لهم ولله الحمد والمنه
وكان فيه يحاولون يتلصقون كل غالي وحافظ نفسه يحاولون يلفتون نظره
والحمدلله الله ثبتني
وزواجي كان تقليدي بحت
المعدد احيانا يكون كويس بس انا ماعجبني انه يسولف معك يظل رجل غريب
والاداريين بالمستشفيات رواتبهم ضعيفه
وبالنسبه لزوجته اللي جابت طفلتين بحول الله قادرة تجيب اكثر
ولو سبها قدامك تراه مافيه خير ونذل
لكن ممكن ينمق اسلوبه لين علقك فيه
اذا مجتمعك زي مجتمعي انا اشوف ان زواجك منه فاشل
ولايكسرك العمر لان مابني على خطأ فهو خطأ
وولازم تغيري مكانك فالعمل
المصيبة الان انتي طلعتي ع نفسك صورة قدام البقية وممكن بشكل او آخر قللتي فرصك بالارتباط بغيره فقطاع عملك
كان المفروض تحافظي ع هيبتك وصورتك
واولا واخير الرأي رأيك
ولاتتهاوني فالسوالف الرجال يحبوا الثقيلة اللي ماتعطي وجه وقد حالها وتحط خط احمر له ولغيره عشان يستمروا معها
والله يكتب لك الخير يارب


اعتذر لو ردي نوعا ما كان جارح بس والله ابي مصلحتك وانتي حره

الله يهديك ويصلح حالك انصحك تتقين الله وتقطعين علاقتك فيه وتعتذرين منه وتقولين ماكتب الله نصيب وتدعين الله يرزقك الزوج الصالح (الاعزب) اللي يحبك ويخلص لك ولا يمل منك ويسخره لك ويسخرك له عاجلاً غير آجل ويوفقك توك صغيره والفرص انك تتزوجين اعزب مازالت قدامك. اهم شي تخلصي النيه لله.
و(من ترك شيئا لله عوضه الله خيرا منه) بإذن الله يعوضك بزوج صالح مخلص لك يحبك ولا يمل منك ويسخره لك ويسخرك له عاجلاً غير آجل ويوفقك معه