خطبني واحد ورفضناه بعدين تزوج وحدة اعرفها وهم مبسوطين

خطبني واحد من منطقة ثانية جاي منطقتنا عشان عمل وهو اكبر مني بخمس سنوات بعدين ابوي قال انه جاي لحاله بدون ام ولا اب ومدري ايش والناس بيتكلمون علينا ومن ذا الكلام وامي قالت صحيح ورفضوا
المشكلة يوم رفضنا راح حق واحدة انا اعرفها وتزوجوا بسرعة والحين هم مبسوطين امها تدعو له بالخير وتقول انه رجال محترم واحسن واحد من ازواج بناتها ما يرفع صوته عليها ولا شي وان نصيبها طلع احسن من نصيب اختها
لو انا كنت محلها ولا رفضنا كان عشت سعيدة الحين معاه
المشكلة ان حياتي فعلا بدت تصير مملة للغاية الحمد لله على النعمة والصحة والامان والرزق بس روتين حياتي مرة ممل خصوصا في الاجازات ملل غير طبيعي
يعني وقت الدوام تغيير جو بس اذا رحت البيت زهق ايش اسوي والله ما في شي ابد يا نقعد سوالف مع امي وخواتي يا خالاتي يجونا يا احنا نروح لهم مرة زهق يعني حتى في العيد الروتين ما يتغير اصلا
احس ما في شي اسويه وعمري ٢٦ والعمر يمشي والروتين واحد
خصوصا في الاجازة نوم اكل شرب سوالف ما تتغير بس
زوجته انا اعرفها واصلا حياتها مثل حياتنا بالضبط بس الحين تغيرت صار لها اهتمام بشركات ديكور وصبغ عشان بيتهم الجديد
وكل اشوي حاطة في انستقرامها صور سرير اطفال عشان هي حامل وقاعدة تكتب اسماء تمارين حق الحامل في الاسبوع الفلاني وووو
واصلا قبل زواجها ما كانت تعرف كل ذي الاشياء بس تغيرت حياتها ايجابيا
انا تقريبا صابني اكتئاب الله يسعدها ما ابي احسدها
بس اتوقع ابوي اصلا ندمان لانه رفض يوم سمع اخبارهم