خطبني واحد و تعلقت فيه... تعالوا حلّلوا الوضع!

السلام عليكم و رحمة الله و بركاته
( لست صاحبة المعرف فقط استعرته منها )


حابه اقولكم قصتي و انتو حلّلوا الموقف او الوضع .... قبل فترة طويلة تقريبا ثلاث سنين و شوي خطبني واحد يعني جو امه و خواته يشوفوني لكن ردوا قالوا اني صغيرة عليه لما عرفوا اني لسى بالكلية وهو طالب مبتعث و قبل فترة قصيرة يعني شهرين و شوي رجعوا يخطبوني مرة ثانية (و هو تزوج وحدة قبل سنتين يعني بعد ما خطبني لكن انفصلوا بعد اقل من شهر وعذرهم انهم ما توافقوا مع بعض ) و بعدها جو خطبوني مرة ثانية وقالوا اني عاجبتهم من زمان لكن لاني كنت صغيرة وقتها والحين متخرجة و وقت مناسب بس رجعوا خطبوني بالتلفون و قالوا انه بيجي يشوفها و فعلا جا و شافني و سبحان من حط الراحة بقلبي ارتحت له بشكل مو طبيعي رغم اني بينت له العكس كنت متوترة جدا و مرتبكة و ما عطيته وجه و سألني عن دراستي و عن نيتي للشغل و الوظيفة و الخ و رديت عليه وبعدها جلسوا يومين ما ردوا وبعدها دقت أمه و قالت ان الولد قالها انه ارتاح لكني كنت مستحية و ما سألته شيء عشان كذا بتجي هي و بناتها جلسة عائلية وافقت امي و جو هي وبناتها وكانت سوالفهم عادية جدا اللهم حسّيت بناتها يحاولون يكتشفون شخصيتي عن طريق السوالف و كذا و الأم سألتني عن الشغل كذا مرة وبس و طلعوا ما جابو سيرة اي شيء ثاني وبعد ثلاث ايام دقت امه و قالت لامي عطيني رقم أبوكم عشان نبدأ بالإجراءات الرسمية و فعلا من بكرا جا هو و ابوه و قال ابوه حنا شارينكم و الخ من هالكلام لكن أفضّل ان الولد يتواصل مع البنت قبل الملكة عشان اذا ما توافقوا مع بعض ينفصلون بكل سرية قبل عقد القران قال أبوي انا ضد مكالمات قبل الزواج لكن عموما الحريم يردون لكم خبر و خلاص كانت امي ناوية تدق على امه و تقولها بنتي ما عندها مانع تتواصل معه قبل الملكة لكن بعد يومين دق ابوه على أبوي و قال اني جلست مع الولد قبل يسافر (عشان يكمل دراسات عليا ) و حسيته متردد جدا و ماله نية زواج و يكفي اننا عرفناكم و الخ من هالكلام ....... هالسالفة تقريبا قبل ثلاث شهور و للحين الولد ببالي ما نسيته نظراته و أسلوبه بالكلام و ارتباكه و ودي اعرف وش سبب تغييره لرأيه او بالأساس كان متردد لكن مستحي او من اهله او او او الخ شاركوني بتحليلاتكم .....