عادي يابنت الحلال
مدام مافيه عيب غيرها توكلي على الله وخوذيه بعد الاستخارة طبعا
الحين ثلاث ارباع الشباب يشيشون وتراه اشوى من التدخين على الاقل ما يشيشون بالبيت




الله يختار لك الصالح ويوفقك ويسعدك ويرزقك بالذرية الصالحة

ياختي تقولين مارتحت ابد ابد
الزواج راحه من اولها
بس فيه عدم الرضى الواحد يتجنب
الزواج مو فستان يجرب
هذي حياة جديده اما تبنيك او تكسرك
مافيه شي اسمه اجرررررررب
انتي مارتحتي لاتعيشين طول عمرك على اخذه شي عكس ماتبين
عني انا زيك ارفض المدخنين وقالولي خوذيه وكذا
اخذته بس والله اني اكرهه نفسي لاشفت علب الدخان
تعبت من الريحه تعبت من الكتمه
الثياب بيتي الحمام السباره عباتي عيااااااالي
كلللللللهم ريحه لازقه فينا
تعبت من النصح طفشت وتعب صدري والريحه ماتفارقني
عباتي ماتهنى بغسيلها ابد غسلتها وريحتها نظافه البسها واول ماركب السياره الا تشيل كل الريحه
كل من زرته وسلم علي قال حشى مدخنه
المشكله مو يدخن عندي ولا ببيتي ولا عند عيالي مانشوفه يطلع برى للحوش ويدخن
بس يجي ريحته وملابسه تفوووووحك فمه لاتعليق


ابوي كان يدخن شيشه تعب وتعبت عيونه بسببهم ايام طفولتي
شالهم ورماهم كل شي يخص الشيشه
بس بعد ايش
بعد ماطاحت كل اسنانه وسوى عمليه بكل عيونه
وصدره تعبااااان نفسه ضيق
وصار راعي ربو اذا دخلنا بالبرد يتعب حيل ودكاتره وادويه بالحيل


الشيشه والدخان واااااحد مافيهم فرق مايفرقون عن بعض
ريحه ومرض
وخطر اشد على الغير مدخن الي عنده


لذا نصيحه لاتاخذين شي انتي مو مرتاحه فيه الزواج مو تجربه مو شختك بختك
مو لعبة كنا نلعبها بصغرنا يجيبون علبه كرتونيه كلها مربعات جوا كل مربع هديه وعليك (بخق) المربع المغطى عشان تشوفين مصيبك وشو وش نوع هديتك بهاللعبه


خوذي واحد مرتاحه مو تخافين الا الزواج مايجرب فيه


ورددي
اللهم بشرني بما يسرني وكف عني مايضرني

استخيري اذا ما ارتحتي لاتاخذيه الشيشة ماتفرق عن الدخان حتى اقوى منه يجلس الواحد عليها بالساعتين والثلاث وكذا مره باليوم
ودايما تجي ريحته سيئة وفمه مره معدوم . واللي تقول ان الشيشه اهون من الدخان غلطانة لاوالله مو اهون بالعكس اقوى منه بكثير
انتي فكري وشوفي القرار لك انتي اللي بتاخذيه وتعيشي معاه

اذا مو مرتاحه لا توافقي المسألة مو زواج و السلام
زوجي مدخن كان بالاول يراعي و يدخن برى طفش الان و يصر يدخن بالبيت
و انا رافضه و هنا بدت المشاكل الدخان و الشيشه نفس بعض
خياس و ريحة معفنه بكرة يصير عندك اولاد يتعودو على هذي المناظر و بطفولتهم راح يتضررو من دخانها الكثيف
غير كذا راح يدخن بالبيت و يمكن يطلب منك تجهزي له شيشته و تكوني شاركتيه في الاثم
و انبهك لنقطه لو ما كان انسان يهتم بنظافة فمه و اسنانه راح تنفري منه بسبة الروايح
جيرانا كانت توصلنا ريحة شيشتهم نصدع منها و الله ما ابالغ و لك الحرية
فكري الف مرة و اذا مو مقتنعه لا تغامري و الرزق على الله

استخيري حبيبتي انتي تقولي ملتزمة وهو مو ملتزم صعب يكون في توافق بينكم والله يوفقس