خطبني واحد ((يعيش)) براااا ،، أبي آراء اخواتي المغتربات

بسم الله الرحمن الرحيم ..

أخواتي الكريمات.. راح احكي لكم عن نفسي شوي.. و ماابي احد يلومني اوووكي :06:
انا من يوم ما فتحت عيوني و انا كأأررهه مجتمعي و كآآرهه الكبت الي نعيشه .
و من يووم و انا صغيره و انا اقووول ليييييتيييييني ووولد ...(<<<<<كلام اطفال)
كبرت و زادت فيني هالعقدة.. الحين صرت اقول ليتني بنت بس في مجتمع غير مجتمعي.. مجتمع فيه حرية اكثر..

آآآآه دااايم بحلم اني اطلع من البيت و اقود سيارتي و اقضي مشاويري و اروح للبحر .. لحالي بدون ما اتطلب فلان و لا علان..!!!!!!
نشأة في بيئة محافظة ..يعني مافي طلعة لحالي و لا لبس على كيفي.. مع ان في اشياء و الله مقتنعة انها مو غلط بس ماسويها عشان اهلي...
كبرت وخفت امي عني شوي حست انها مشدده زياده عن اللزوم.. بس ما زالت فيني هالعقدة.. و داااايم كنت اقول لأخواتي و صحباتي ليتني امريكية و اعيش بأمريكا بس مسلمة..ههههههههه

انا انسانة احب الحرية+ الثقة ..
و هالاشياء كنت افتقدها بصراااحــه .. اهلي ما قصروااا معي بصراااحه الله يجزاهم خير.. بس امي مستحيييل تفهمني لأن تفكيرها مختلف عني تماما و ما تتفهم اسباب تمردي مهما حاولت اشرح لكم.. هي راااضية بكل شئ في مجتمعنا مع انها عاشت حياتها بالطووووول و العررررض.
المهم الي قرأ موضوعي السابق و كيف كنت انا راااافضة الزواج.. ما ابي شخص يتحكم فيني و احب اكون مستقلة في حياتي.. مهما كان زوجي يعاملني معاملة طيبة الا اني اكره النوعية الي لازم استئذنها بكل حاجة اسويها ..

بس بنااات بليييز لا تفهموني غلط.. انا مجتهدة في دروسي، و ما عمري سلكت طريق الخطأ.. و عزيمتي و عنادي و اصراري في الحياة استخدمها بشكل ايجابي.. و كل الي يعرفني يتوقع لي مستقبل بااهر .. و لله الحمد..


طيب بقولكم... شو صار معاااي.. خطبني شاب من نفس منطقتنا يعني نفس مجتمعي بس يعيش بأمريكا.. يعني اقل شئ 10 سنين بعديين ممكن يرجع للسعودية
اهلي كانوا متوقعين اني برفض... بس استغربوا لما قلت لهم اسألوا عنه اذا صار كويس انا موافقة..و فعلاً سألوا عنه و عن اخلاقه شاب طموح و اخلاقه كويسة..

(على فكرة اول زواجنا 3 اشهر او اربعه بنكون في السعودية) و انا عاجبني هالشئ عشان اتأقلم معاه قبل ما نتغرب وحدنا...


بس يا بناات ما تتخيلون:06: حالتي الي أمر فيها حاليااا .. كثر ما اني متردده..صحيح جاني الي ابي شاب كويس و يعيش برا و يحترم كوني امرأة يعني مو من النوع الي يفرض رأيه و كذااا .. يعني مثل الي في بالي..




و سبب ترددي...
ما ادري هل راح اتحمل فراااااق اهلي.. و هل راح اتحمل الغربة بدونهم..
مهمااااااا صار الي بيني و بين أهلي الا اني احبههههم و ما ادري كيف بعيش بدونهم خصوصااا امي(والله دمعت عيوني و انا اكتب)
هل تتوقعون المحادثات المرئية زي المسن و هيك ممكن تعوض و لو بشكل جزئي...؟؟ و التلفونااات و غيرها..
على فكرة خطيبي يقول كل اجازة قريبااا بنكون في السعودية ان شاء الله

و فراق اخواتي و بنات عمي و صحباتي...و ارجع اقول هل بيعوض المسن و غيره؟؟

و هل راح اتأقلم مع الوضع هناااااااك..؟؟؟ هل بلقى صاحبات و حبايب...؟؟:06:

و اذا يووم مثلاااا لا قدر الله صار بيني و بين زوجي مشكلة... ووييييييين اروح؟؟ لو هنا بروح لبيت اهلي.. تعرفون الوحده مهما كان مالها الا بيت اهلها..
هنااااك ما راح يكون لي الا زوووووووووجي ...و انا حذررررررررررره من هذه النقطة.. مهما كنت احب زوجي و مهما كان يعاملني كويس.. ماحب اعلق حياتي بشخص واحد..
عشان كذا ناااااااوية انه هناااااك لااااااازم ادرس و اشتغل.. عشان تكون لي حياتي انا بعد.. مو بس مرتبطة بزوجي...
هل ممكن القى هناك نوادي نسائبة، تجمعات نسائية.. ؟؟


الي جربواااااا الوضع شوروا علي الله يجزاكم خير ..
بس بليييز لا تجي وحده و تكتب كلمة و رد غطاها.. يعني اشرحي لي الوضع هناك كييف..

و آسفة اذا كلامي مخربط شوي

تحياتي للجميع