يبتيها يا بنت البلاد... انتي 100% صح :27:

حبيبتي انا اكبر من زوجي بسنتين وشوي بعد ورفضت اكثر من واحد تقدم لي اكبر مني واصغر مني بس لما تقدم لي زوجي استخرت ربي وتوجهت له بعد ما مدحو لي اخواني اخلاق زوجي وتدينه ورجاحة تفكيره وازيدك من الشعر بيت انا جامعيه وزوجي عنده ثالث اعدادي بسسسسسسسسسسسسسسسسس تخيلي !!!!! ومع ذلك استخرت وما خاب من استخار والحمدلله الله يجمعنا مع بعض دنيا واخره عايشه معاه احلى حياة ويكفي انه يحبني ويموت فيني ويدور رضاي
اختي العبره مب بالسن في رجال فوق الثلاثين وتفكيرهم وكلامهم كلام جاهل توه عمره 14 او 15 سنه وانا اقولك من تجربه
بس انتي اذا بينتي لزوجك من البدايه او خطيبك انك خايفه من هالموضوع صدقيني راح يحطه في راسه بس اذا كنتي واثقه من نفسك وحاسه انه هذا الانسان هو اللي راح يسعدك وان هالفرق ماراح يأثر بحياتك معاه توكلي على الله حسسيه من البدايه انه هو الرجال وخليك ظله وسنده وحسسيه انه هو المسؤول عنك وانك محتاجه لقوته وحنانه وشوفي كيف راح يكبر بتفكيره وتصرفاته عشر اسنين
انا زوجي افهم عني بوايد امور ومثقف جدا ويعرف امور انا ماعرفها في الدين ودايما يعايرني ويعلمني ويقولي شهادتك الجامعيه بليها واشربي مايها لانه بالفعل ماتساوي شي قدام ثقافة وعلمه في الدين احس دايما اني طالبه قدامه ودايما استشيره واطلب رايه واساله وهذا ساعده شكلي الصغير اللي يبين اني اصغر عنه بوايد بس حتى لو كنتي اصغر عن زوجك بعشر سنين ومهمله في نفسك وزوجك راح تبينين اكبر منه
وصح كلام البنات اذا زوجك يبغي يتزوج بيتزوج انشالله لو انتي اصغر عنه 40 سنه
ادري طولت عليك بس حبيت اقولك تجربتي انشالله اكون فدتك

والله مب عارفه شلون أشكركم على نصايحكم وردودكم واهتمامكم


اختي البنوته الاموره
شكرا على مرورك وكلامك وانا بالمثل أتمنا لك كل التوفيق ويكون زوج صالح لك ان شاءالله
___________

أختي عسووولة
كلامك حلو هذا ان دل دل على طيبة قلبك.. تفكيرك حلو .. شكرا لك موفقه ان شاءالله
__________

أختي حوريه بس غير
مشكوره على اهتمامك وخوفك علي .. فعلا اللي يشوف مثل هالنماذج يخاف وما انكر هذا اللي مخوفني .. وتكفيني دعواتكم . جزاك الله خير
_________

أختي بنت الامارات المتحده
ماشاءالله تصدقين حسيت براحه من ردك كلامك أقنعني .. الف الف شكر لك تسلمين وموفقه ان شاءالله
________

أختي الحب الفياض
ماشاءالله على ولد عمي مبين انه عاقل ولكن ماتعرفين الشخص الا بعد العشره وان شاءالله اللي فيه الخير الله يقدمه لي ولكم .. مشكوره
________


أختي سلافة2120
مشكوره ياقلبي على مرورك واهتمامك .. الله يوفقك دنيا وآخره
________

أختي eng.q8
مشكوره حبيبتي وان شاءالله انا مازلت أستخير وبدعواتكم لي ان شاءالله متفائلة خير. موفقه اختي
________

أختي نجمة سهيل
كلامك صحيح وانا مقتنعه به ولكن نبقى احنا دايما نخاف من المجهول ونتمنا ما تصير لنا مثل هالحالات .. بس ربك كريم وماراح اضيع ان شاءالله طول ما انا موكله أمري وطول ماعندي خوات مثلكم فيهم الخير والبركه .. جزاك الله خير
__________

أختي وحيدة_ الامارات

ماقصرتي ماقصرتي ماقصرتي حسستيني انك جد اختي وخايفه علي ولي الشرف .. ومب غريب عليكم بنات دار الزين والكرم .. كل التوفيق لك ان شاءالله
__________

أختي غرشوب رعبوب
اول شي اسمك يهبل بس أقراه ابتسم ... حبيبتي الله يتمم عليكم بالخير ويوفقك مع زوجك ويسعدكم دنيا وآخره ويريح قلبك مثل ما ريحتي قلبي .. كفيتي ووفيتي .. وتجاربكم هي اللي تشجعني ومن قلبي اقولك الله يوفقك


وان شاءالله اخبركم اذا فيه تطورات طبعا لا تحرموني بنصايحكم

إستخيري الله وماخاب من إستخار ولاندم من إستشار

بس الوحدة فينا تخاف بعد الزواج يقلها زوجها انا أصغر منك وإنت كبيرة

لأنه فيه وحدة من الجماعه زوجها دائم يقولها غنت أكبر مني وانا أصغر منك والوحدة فينا

تزعل إذا قالها زوجها مثل هذا الكلام >> جات تكحلها عمتها

بس أوصيك با الاستخارة اولا واخيرا والله يكتب لك الخير

السلام عليكم..... كيف حالكم يا بنات.... والله هالموضوع كل يوم يتكرر و نفس المشكلة... يا بنت الحلال انتي تبين صغير و كبير و الا واحد يسعدك و يحبك و يحب أهلك و يحترمهم... و هم بعد يحبونه و يعزونه... ترا هالأيام الشباب نادرين الزين الا القليل و ولد عمك من هالقليل... صلي استخارة و توكلي على الله.... يمكن يتقدم لك واحد اكبر منك بعشر سنين يغصص عليك... لا تتردين... استخيري واللي فيه الخير يقدمه رب العالمين... الله يسهل لك ويكتب اللي فيه الخير وينولني اللي في بالي و بالتوفيق.
وبعدين والله اعرف وحده اكبرمن زوجها ب6سنوات ويمووت فيها ومبسوطه ولا حاسه بالفرق.