- السلام عليكم...قبل اكتب موضوعي تكفون يامشرفات لاتنقلونه...
كيف حالكم حوائيات ان شاءالله في اتم الصحه ..
في نفسي شي ودي اقوله لاني ماقدر اتكلم قدم احد ولا اقدر افضفض الا هنا ..انتو اخوات لي ..والله اني ما ارتاح لين اشكي لكم..في منكم حكيمات ردودهم تطيب الخاطر وفي منكم الي تجرح بردها ..الله يسامحها....
بقولكم سالفتي انا قبل 8 سنوات تقريبا خطبني شاب صديق اخواني كان هو اخواني 24 ساعه مع بعض كان ياكل ويشرب عندنا من كثر ماهو متعلق باخواني ..واخواني يحبونه ويعتبرونه اخ لهم...
خطبني وماصار نصيب ابوي رفض لاسباب منها انو من برا قبيلتنا ..ومنها انو متوظف بشركه .واحنا عندنا الي بشركه يعني مالو مستقبل ومستحيل يزوجنه...الي صار انو تم رفض من قبل الولد ...وانا طبعا لما رفض ابوي ماحبيت اني اناقش في الموضوع...لاني مستحيل اوقف في وجه ابوي عشان رجال...بس هذا شاب مااقتنع برفض ضل يخطب ويكلم اخواني ..وامه تترجاء امي..لدرجة ان امي وافقت بس ابوي قال لا يعني لا...ورغم كل هذا ضل هذا شاب متمسك فيني ..انا ماكذب عليكم لما شفته متمسك فيني وافقت بس خفت من ابوي وماقلت اني موافقه عليه..ابوي طبعن شخصيه قويه من رجال زمان حتى امي تخاف منه..
الين جاء يوم وخطبني زوجي الحالي ..طبعن ابوي وافق واخذ راي وقلت له اذ انت موافق انا موافقه..طبعن زوجي مايقرب لي بس من نفس القبيله وفيه كل المواصفات الي ابغهى انا ويبغها ابوي ...طبعن لما تمت خطبتي ماخبرنا احد بالخطبه عشان مايوصل خبر لشاب الي خطبني قبل..في فترة الخطبه دقت ام الشاب هذا ع امي..ورجعت تخطبني من جديد قالت لها امي خلاص فلانه جاها نصيب وزواجها في الصيفيه..
امه الشاب قفلت الخط...ورجعت دقت اليوم ثاني قالت خلاص فلانه راحت في نصيبها ..اعطونا اختها الي اصغر منها...ام قالت اخته رافضه ....
المهم خلاص كلنا راح في حال سبيله...
هذا شاب طبعا ضل صديق اخواني..بس ماعد دخل بيتنا من يوم تمت ملكتي..ويوم زواجي حظر هذا شاب وحظرت امه واخته زواج
انا.اول زواجي كنت بمنطقه بعيدها عن اهلي ..بعد سنتين نقلت لمنطقة اهلي ...وتعرف ها شاب ع زواجي عن طريق اخواني...
الي ابغى اقوله من هالقصه طويله العريضه..اني من يوم نقلت لهلي وزوجي تقرب منه ..حياتي مع زوجي مقلوبه فوق تحت...الي اقصده انو احس ان نفس هذا شاب فيني يعني يبغني ..واختي الي خطبها بعدي نفس شي حياتها مع زوجها مقلوبه..
ياناس ماني مرتاحه بحياتي رغم اني احاول دايم اني اكون قريبه من ربي ..دايم استغفر ..واقراء قران ...بس سبحان الله في شي معكر حياتي..
ونسيت اقولكم انو هاشاب للحين ماتزوج رغم انه اكبر اخوانه...كل اخوانه تزوجو الا هو...
امي طبعا قطعت علاقتها مع امه...بس امه بين فتره وفتره تدق ع امي وتسال عني وعن اخباري وتسال عن اختي...
تتوقعون انو للحين نفسه فيني...ادري بتقولون ليش تفكرين فيه...بقولكم والله العظيم اني ماعمري من يوم تزوجت فكرت فيه ...بس بين وفتره وفتره تصير بيني وبين زوجي مشكله ويصادف انو بنفس اليوم يجني خبر عن ها شاب ولا امي ..تقولي ام فلان تسلم عليك... في داخلي احساس يقولي انو حياتي متعكره لانو لدحين له خاطر فيني
تكفون الي بتغلط في ردها.. لاترد ...تريح نفسه لاتكتب ...
والله يسهل امرك يااارب