خطب للثانيه من غير اهله

السلام عليكم ورحمه الله حبيباتي




ابي منكم شغله انا داير راسي


باختصار شديد قريبتي كانت متزوجه قريبي وطلع عينها مسكينه كانت تحبه مره بس هو يحب وحده متزوجه وهي ولا معبرته ومبسوطه مع زوجها وفقت له وقفه ووقفته عند حده.


تعب قريبيتي مره وبعد اول بيبي طلبت الطلاق وتطلقت وعمرها 26 بعد ماجاب لها ضغط دم يرتفع كثير


وظلت طول هالسنين تربي بنتها وترفض أي شخص يتقدم لها بس أخيرا اكتشفت انه ابوها مره متعبها يعاملها بجهل وتجريح وهي صابره ومحتسبه والان مرت 11 سنه من الطلاق . خطبها واحد معاها بالعمل بعمرها تقريبا يحبها مره ويخطبها كثير من 7 سنوات وأبو البنت يرفضه والبنت ترفضه علشان تبي تربي بنتها .


وأخيرا قررت توافق لكن اهل الولد ابدا ما دقو على البنت وأهلها ولا زاروهم ولاشي هو واخوه عملو كل الموضوع سألت امي خايفه عليها مره لانها بنت تستاهل كل الخير وعانت كثير مسكينه قالت امي انه هو مو على اتفاق مع زوجته والظاهر اهله ما يبون يغثونها ويزعلونها ساكنه معاهم .وش دعوه ولا حتى اتصال لا بالزياره الأولى ولا الثانيه حتى حقت الاتفاق على المهر ولا الملكة حتى .




وش رايكم تخوف السالفه والا لا ؟؟ انا احبها كثير وخايفه عليها طبعا هي وابوها ابخص بمصلحتها والأكيد ابوها ماراح يرميها أي رميه والرجال سألو عنه كثير كويس بس انا مقلقني موضوع اهله خايفه عليها بكره تنغث او احد يجرحها .