اول شي عشان نتعلم انجليزي لازم نتعلم جميع المهارات
وهي استماع +تحدث +قراءة +كتابة
واهم شي التركيز على الاستماع والمشاهده
انا راح اعطيكم خطة تمشو عليها وان شاءالله بتتطور لغتكم
رح اعطيكم
استماع
محادثات
قرمر
فديوهات
كلمات وجمل
اختاري من كل قسم موقع واحد واستمري في التعلم منه
-----------------------------------------------------------------------------------------------------------------------
الاستماع
مثل ماقلتلكم التركيز اكثر شي لازم يكون ع الاستماع وخصوصا المحادثات بالنسبة لي جربت اتعلم بطرق كثير لكن لاحظت الاشياء الجديده اللي تعلمتها عن طريق الاستماع ماانساها وتثبت بذهني
اقرئي المحادثة واسمعيها وكرري سماعها واي كلمات جديده عليكي مو قادرة تفهميها ترجميها اهم شئ انك تكرري الاستماع لان لما تكرري الاستماع راح تلاحظي بعد فتره طويله انه تقدري تتكلمي تلقائيا
هذا موقع ممتاز فيه مئة محادثة مترجمة
http://www.englishspeak.com/ar/english-lessons.cfm
وهذا موقع للاستماع طريقتة انه يعطيكي المحادثة بشكل بطئ وبعدين يبدأ يشرح المحادثة ويشرح معاني الكلمات فيها وبعدها يعطيكي المحادثة بشكل سريع والموقع مايناسب المبتدئين يناسب المتوسطين
http://www.eslpod.com/website/index_new.html
يوتيوب محادثات مكتوبة رائعة للمستوى المتوسط
http://www.learn-english-conversation.net/
هذا محادثات مع قرمر الدروس قديمة لكن ممتازة جدا الدروس مرقمة من 1 الى 50 على اليمين
http://1-learn-english.blogspot.com/
وهنا كمان
http://www.englishforarabs.com/Dialoguesmenu.html
----------------------------------------------------------------------------------------------------------------------
مشاهده فديوهات يوتيوب
بالنسبة للمبتدئين اللي لسا ماتعلمو حتى الحروف انصحهم بهاذي الدورة
http://www.englishforarabs.com/english/index.php
وهاذي الفديوهات كمان تنفع للمبتدئين واللي عندهم خلفية بسيطة
http://www.hugosite.com/
للمستوى المتوسط وممكن المبتدئ
http://www.agendaweb.org/videos/english-video-lessons.html
للمستوى المتوسط
http://www.engvid.com/english-lessons/
بالنسبة للفديوهات اختارو منها اللي يناسبكم وخصصو لها دفتر تكتبو فيه تلخيصكم للدرس
----------------------------------------------------------------------------------------------------------------
كلمات وجمل
الافضل انه شبه يوميا تحفظو كلمات وجمل نطق وكتابة وضروري يكون عندكم دفتر خاص والافضل يكون حجمة مائل للصغر حتى تقدري تاخذية في شنطتك لما تخرجي و تكتبي تحت كل كلمة جملة ولو عندك وقت كمان حطي جمل اكثر لو استمريتو بأذن الله راح تلاحظو تحسن بوقت قصير
رح اعطيكم بعض المواقع تتعلمو منها كلمات وجمل
بالنسبة للناس المبتدئة مهم تبداي تحفظي ال500 كلمة شائعة ترجموها واحفظوها نطق وكتابة
http://www.anglik.net/english500.htm
وهاذي تناسب المستوى المتوسط والمبتدئ الكمات مترجمة ومعاها النطق
http://www.english4-arab.com/List.html
وهذا ممتاز
http://www.speakenglish.co.uk/vocab/?lang=ar
هاذي اهم 3000 كلمة من اكسفورد تناسب المستوى المتوسط وطالبات تخصص اللغة الانجليزية
http://oald8.oxfordlearnersdictionaries.com/oxford3000/
وهنا كلمات بالصور والنطق
http://www.languageguide.org/%D8%A7%D9%86%D8%AC%D9%84%D9%8A%D8%B2%D9%8A/
هذا بالنسبة للكلمات اما بالنسبة للجمل ممكن تتعلموها من هنا
هنا مترجمة مع النطق
http://www.speakenglish.co.uk/phrases/?lang=ar
وهنا كمان
http://www.englishspeak.com/ar/english-phrases.cfm
وفي كتاب عند العبيكان مره مفيد سعرة 10 ريالات
هاذي صورتة
الكتاب فيه عبارات مع كيفية نطقها بالكتابة وترجمتها وحجمة صغير ينفع للشنطة تستفيدي من وقتك خارج البيت
--------------------------------------------------------------------------------------------------------------------
القرمر
اتوقع لو مره بالاسبوع تدرسي قرمر كافي عشان لاتضغطو على نفسكم
هنا برنامج قرمر مشروح بالعربي
http://www.ziddu.com/download/12903690/learn_english_in_1_week.rar.html
وفي كتب ممتازة شرحها بالانجليزي ونظام الكتاب كل درس يتكون من صفحتين صفحة فيها شرح الدرس والصفحة المقابلة فيها تمارين وحلول التمارين موجودة في اخر الكتاب تساعدك تتاكدي من اجاباتك
الكتاب اسمه English Grammar in Use
اللي مستواها مبتدئ تاخذ اللي لونه احمر ومكتوب عليه على يمين elementary
واللي مستواها متوسط تاخذ اللي لونه ازرق ومكتوب عليه intermediate
وهذا كمان موقع فيه 3 مستويات قرمر والشرح بالانجليزية
المستوى الاول
http://englishzone.mx/Level01/levelone.htm
المستوى الثاني
http://englishzone.mx/Level02/leveltwo.htm
المستوى الثالث
http://englishzone.mx/Level03/levelthree.htm
----------------------------------------------------------------------------------------------------------------------
القراءة والكتابة
القراءة لازم تقراي شي انتي تحبيه وتستمتعي فيه مثلا لو كنتي تحبي تتعلمي طبخات اقرايها بالانجلش ولو تحبي القصص اقراي قصص لو انتي متابعة للاخبار اقرأي جرايد بالانجليزية على فكرة تلاقي في جرير قصص مقسمة لمستويات من المبتدئ للمتقدم وبعضها يجي معاها سي دي عشان تسمعي القصة
وهذا موقع ممتاز فيه قصص قصيرة نزلته الاخت سيوف هنا جزاها الله خير
هنا قصص سهله جدا
http://www.eslfast.com/supereasy/index.htm
هنا سهله
http://www.eslfast.com/easyread/index.html
وهنا متوسط
http://www.eslfast.com/index.htm
والكتابة اكتبي اي شي حتى لو تكتبي يومياتك وايش حصل او سويتي في يومك لو سطرين راح تتطوري بسرعة واذا عندك شخص ممتاز في اللغة وريه كتابتك وخليه يقولك على اخطائك
-------------------------------------------------------------------------------------------------------------
اختاري من كل مهارة الموقع اللي يعجبك ويناسبك وابدئي سوي لنفسك جدول ولا تاخذي مواقع كثير عشان ماتتشتتي مثلا حطيت مواقع محادثات اختاري واحد واتعلمي منه
آخر شي بقولكم انه المراجعة مهمة جدا جدا جدا اهم شي انك تراجعي اللي اتعلمتية اعملي مراجعة اسبوعيه وشهريه يعني يوم خصصية للمراجعة ولاتتعلمي فيه شي جديد لانك لو مارجعتي كل شي اتعلمتيه رح تنسية وتعبك راح يروح ع الفاضي
وثاني شي لاتتعلمو كمية كبيرة لان الضغط في التعليم بالعكس يقلل الاستعياب ويخليكي تنسي سريع
وحطو المقاطع الصوتية والفديوهات في جوالاتكم واسمعوها دايما استغلو وقت الانتظار او الوقت اللي جالسة فيه بالسيارة واسمعي
وافضل طريقة تخليكي ماتنسي اللي اتعلمتية هي الممارسة والتطبيق طبعا كيف بقولكم اي شي اتعلمتية جديد تدخليه في محادثتك وفي كتاباتك
بالنسبة للبنات المبتدئين ممكن تأجلون الكتابة لحد ما يكون عندهم خلفيه بسيطة
وسامحوني الموضوع مو مرتب مااعرف انسق واتمنى اللي تستفيد تدعيلي ربي يشفيني ويرزقني زوج صالح يسعدني واهم شي دعواتكم لاهلي