هل تعلمون اخواتي العزيزات ان الاطفال يلعبون بهذه الكروت القمار كما كانوايلعبون بكروت البكيمون بل يشترونها من بعض باغلى الاثمان وخصوصا الكروت ذات القوة الاكبر ففي بعض المدارس منع التلاميذ من جلب هذه الكروت معهم لان المدرسات لا حظن ان الاطفال في الساحة يتجمعون بشكل مجموعات ويبدا اللاعبون بوضع نقود بحيث ان اللعب الذي يفوز يأخذ نقود الآخر
ما هو الحل ؟ ان نبين للاطفال ان هذا قمار لا يرضاه اسلامنا وان الان الشيطان يلعب معكم وانه يضحك عليكم واذا ادرتم ان تبكوا الشيطان وتجعلوه زعلان ارموا الكروت في القمامة ونقول لهم اذا انتم فعلتم ذلك فسوف اعوضكم باي لعبة تختارونها ( لان الرسول عليه السلام يقول من ترك شيئا لله عوضه الله خيرا منه)

قلب حائـــر
وعليكم السلام ورحمة الله وبركاته ....

ياهلاابك اختي الفاضله ....
الله يعينك على هالبنوته والله شكلها مره متعلقه بالتلفزيون مره ..
وانا حاسه انها ماتعلقت بالتلفزيون والكرتون خاصه إلا انها ما معاها اطفال تلعب معاهم عند أهلك او اهل زوجك ،، على شان كذا الحلوه تستمتع بمشاهدة التلفزيون وخل نقول ادمنته بسبب الفراغ واللي زاد الطين بله الغربه ،، الله يعينك عليها ..

أسؤا قناة من قنوات الأطفال هي آرتينز بصراحه قناة غير هادفه وكل برامجها ماسخه
حتى عيالي كرهوها وقليل مايشوفون برامجها ... انا معجبتني قناوات المجد بصراحه روعه بس للأسف مايشتغل عندنا غير العامه والباقيه لازم اشتراك ...
المهم ياغاليه والله مشكلة الأطفال مع المدبلجات مشكله كبيره وصعب الحل ..
بس حاولي دام بنوتتك ماعندها شيء معين تحبه انك تجيبي قناة المجد إذا شغاله في البلد اللي انتوا ساكنينه وبكذا اكيد بتكسبي صفات حسنه في تربيت ابنت لأنه الحين وللأسف اللي يربي الأطفال هـــي القنوات التلفزيونيه ....
صدقيني ياأختى انا ما ارتاح من هم المدبلجات إلا بالصيفيه لأنهم ينشغلون عن التلفزيون بس من تنتهي يرجعون لها وبقوه ... الله يعين ويهديهم ...
يسلموووووووووو اختي الغاليه قلب حائـــر وان شاء الله تلقين حل مفيد يغنيكم عن التلفزوين و مضاره ....

كفـــــته هلااااافيك أختي العزيزه ..

بالفعل سمعت ان الشباب يلعبون بها في المدارس كاللعب بالقمار ،، بس اسعارها عندنا بالسعوديه ما تتعدى الـ 10 ريال إلا إذا كان بين الشباب انفسهم يبيعون الكروت
فهذا الشيء محتمل ...



أحسنتِ بارك الله فيك حل أكيد بيجيب نتيجه ... وابشركم بدأت اقنع عيالي بعدم اللعب بهذه الكروت والحمد لله بدأت عليهم الأستجابه .... وان شاء الله ربي يكرههم في مثل هالألعاب ....

أشكرك أختي الكريمه كفتـــه ،،، وجزاك الله خيراً ....

يعني اكيد سمعت عنها بس انا اخواني مو اولادي
واخواني يترجموها
والمقبرة مو القبر المقبرة عالم غريب الوحوش مليانة ينتقل اليه الوحش الخاسر بعد ذلكعندما تنتهي العبة كل الوحوش تخرج من المقبرة والكرت الي يخرجها قبل لا تنتهي العببة
والصور الخليعة فيها مليانة
يا رب يشيلوها من الأسواق