خطـيبي تعبت منه🥹

انا مخطوبه من سنه ونص زواجي بعيد الاضحى
مشكلتي كشفت خطيبي له سوابق وبلاوي واشياء يشيب لها الراس وحاولت اغيره هو تغير عن اول بس مازلت ماعندي ثقه فيه خصوصا كشفته يخونني + مره رفضت اعطيه حسابي الشخصي وجلس يحاول ٣ ايام قلت له خصوصيات! وقام يهاوش ووصلت فيه سب امي سب وسخ حظرته وكلمت اهلي اني ماعاد ابيه جاب هدايا وحاول يراضيني وجلست ٤ شهور رافضه اني ارجع له لكن لما شفته نادم ويحلف انها لحظة غضب ومدري وش للاسف سامحته وهذي هي مشكلتي عودته ع التسامح هو متمسك فيني ويحبني لكن ما احسه فاهمني ابد! تفكيره رجعي وقديييم. وحتى سواقه يقولي انسي انك تسوقين عندي ووش تبين بالسواقه + لسانه فالت مره اخر موقف صار تهاوشت انا وياه عشان رحت مطعم مع صديقاتي وقلت له واحد مب صاحي يغازل قام يغلط ويقول انتي السبب وليه تروحين مع صديقاتك قلت له اختي كان تحاول تهديني قال تاكل تبن هذي يبي لها تصفيق قلت له احترم اهلي وش هالكلام قال حتى لو اختي بقول نفس الكلام قلت له اختك حر فيها بس اهلي خط احمر مره قالي تعبان من الشغل قلت له والله حزنت عليك اليوم كله تشتغل خلاص روح ناك سوا فيها سالفه ليه تحسسيني اني مثير للشقفه ماحب احد يشفق علي فششلني مع اني احن عليه بس هو لا يقول لاتشفقين ولا شيء تبين اكون مثلك اليوم كله اشتكي ؟؟ وانا والله ماشكيت عليه بشيء! المهم طول اليوم منكد علي عيشتي ع مواضيع سخيفه يكبرها ويقولي انتي ماتتقبلي شيء مني وانتي وانتي صرت اتهرب منه وماتحمل النقاش معه ابد حتى مثل نوبات الهلع قامت تجيني ماتحمل شيء وهالحاله ماجتني الا معه. انا صرت متخوووفه بنات انصحوني. هو بصراحه يحبني ويحاول يسوي كل شيء عشاني بس ماني قادره اتقبل الي سواه فيني وماني متقبله انه اي موضوع يكبره ويطين عيشتي عليه كرهت حتى اني اكلمه بنات اعطيه فرصه ولالا تحسون تصرفاته امشيها صرت ماعاد ارد علييه تعبت نفسياً وجهوني.