خطه رمضانيه تختصر الوقت مو معقول وقتنا كله كرف وشغل تعالو بس

كل عام وانتو بخير مقدما
والله يبلغنا رمضان لافاقدين ولامفقودين قولو امين
السالفه ومافيها انتي ام وزوجه ليش تقعدين تكرفين مهب معقوله يروح عمرك بين المواعينوالطبيخ لازم نتعبد بعد
الطبيخ فرزني اشياء تتفرزن انا ماحب افرزن بس فيه اشياء الكل يفرزنها حتى المطاعم حتى احنا يوم نشتريها من الهايبر نشتريها مفرزنه ومجمده
زي السمبوسه وورق العنب ووالخ بكملكم الباقي بعد شوي
الزبده جيبي دفتر واكتبي فيه 30 سفره انا اول مره اسوي هالفكره قلت اشارككم فيها
في كل صفحه اكتبي كل الاصناف اللي بتسوين في هاليوم ان شاءالله من اكلات ومشروبات وعصيرات وسحور
خلص كتبتيها يله ابدي افرزي شوفي الاشياء اللي في سفرك ال30 اش منها يتفرزن اش منها يتجهز تجهيز مسبق مثل الشيره والصلصات اش منها ناقص من السوق
اكيد كلنا نعرف اش نبي ناكل في كل سفره مو شي جديد رمضان كل سنه يجي ونعرف ان هالاشياء هي فطورنا يعني الفكره ميه ميه
خلصتي جيبي الاشياء اللي بتفرزنيها وابدي اشتري الاغراض وفرزني ولاتنسين بالعدد
يعني احنا عددنا 5 اشخاص مثلا وكل يوم نحتاج على السفره حوالي 20 حبة سمبوسه مثال هذا مو حقيقه بس قيسو عليه كل الاكلات
وبعد ماتخلصين فرزنه وتجهيزات وكل شي يخص السفره روحي للمطبخ جهزي طقم السفره قريب منك بكامل ملحقاته في درج لحالهم سواء فطور او سحور
وجهزي درج عدة الطبخ بهارات وغيره بمكان معين قريبين منك
المهم جهزي المطبخ بشكل يساعدك على الانجاز والسرعه
اليوم مثلا اول يوم رمضان بتسوين فطور بتلقين نص الطبيخ مفرزن سمبوسه حلا ورق عنب موالح معجنات اللي هي
ماناقصك الا الطبق الرئيسي والشوربه وكلهم ماياخذون وقت اللي يسرق الوقت المقبلات والحلا هالطبقين ماياخذون ولانص ساعه وياسلام لو جهزتيلهم من الليل
وفوق هذا مايحتاج تفكرين اش بتطبخين لانهم مكتوبين في الورقه
واللي ماعندها مكيف تجيب متحرك رخيص تحطه وتبرد ترى محد نافعك يوم تهلكين نفسك حبي نفسك واهتمي فيها قومي بواجبك كامل لعايلتك وبنفس الوقت لنفسك
حطي كل وسائل الراحه عشان تبقين بخير لهم ولكم ولعبادتك
تطلعين مرتاحه لك نفس ومهيئه للعباده مو مهلوكه وحرانه وهابط ضغطك ماتقدرين تتحركين ولا لك خلق شي
من الاشياء اللي تتفرزن السمبوسه بكل انواعها ممكن تفرزنين حق 6 شهور بس احنا نبي لرمضان بس وورق العنب والمعجنات بكل انواعها مالحه فطاير كروسون الخ وحلوه زي السنبون والخليه وغيرهم الخ
البقوليات نقعيهم واطبخيهم وبرديهم ووزعيهم في الفريزر للمقبلات وغيره
الفواكه للعصيرات منقا موز فراوله توت افوكادو عنب كلهم يتفرزنون او ممكن تعصرين برتقال طازج يوميا سهل مايتعب
الحلويات زي الكيك والبسبوسه وغيرهم جهزيهم ناشفين في كيس وبس حطي السوايل واخلطي
اللحم المفروم
البقدونس الكزبره البصل الاخضر افرميهم مع بعض ووزعيهم في مكعبات السلكون ليله وطلعيهم في كيس تكفيك الشهر كامل
الصلصات بكل انواعها
الكشنه كشني وفرزني والطماطم افرمي وفرزني
كل شي كل شي تقدرين تفرزنينه ماعدا اشياء بسيطه زي الشوربات الصواني وبعض الاطباق الرئيسيه خليهم طازجين ومابتتعبين اصلا لانك مفرزنه مقاديرهم :p
:icon35: