خطوات أقبلنا عليها تحققت فيها أمانيننا >> فيدوا واستفيدوا

السلام عليكم ورحمة الله وبركاته :
اول شي صلوا على النبي صلى الله عليه وسلم
بدخل في الموضوع على طول وماأبغى أطولها وهي قصيره بنات انا بقولكم على كل خطوه اخطيتها
وبفضل من الله ومنته تحقق لي بعض الشي الا ان ابن ادم طماع وماله غنى عن رب العالمين ومهما استعان
بالناس مايفيدونه بشي الا باللي ربه كاتبه له لانهم لايملكون لانفسهم حول ولاقوه مو عاد لغيرهم و يشهد علي ربي
اني نزلت هالموضوع عشان افيدكم بكم تجربه مريت فيها وعدت الحمدلله بخير وسلامه
شهر8 اللي فات مريت بحالة لايعلمها الارب العالمين اول شي سويته يابنات اني اخذت قرار على نفسي وبيني وبين
نفسي اني اترك المعاصي والآثام وألجأ الى الله مع حسن الظن به سبحانه والفرح في قلبي على قرب الفرج لاني احسنت
الظن بالله وحطيت عندي صندوق واحط فيه كل يوم ريال لازم كل يوم ريال مر شهر رمضان والحال نفسه والصندوق ماأمتلا الى الان وجاء العيد وحلمت بعد العيد حلم ولما فسرته انه متعلق بالموضوع اللي في شهر 8 المهم لما أمتلا الصندوق مالقيت احد يوصل الفلوس للمحتاجين المهم خليتها عندي وانا والله يابنات ان الفرح في قلبي مثل ماقلت لكم الا احيانا تجيني افكار تقلقني احاول اتغلب عليها واستغفر الله لحد مااحس بالراحه واذا حسيت بكسل في العباده احاسب نفسي اكيد انا مسويه ذنب عشان كذا اتكاسلت واستغفر ربي طول الوقت وانا اسمع كلام عن الشي اللي مقلقني بس والله ماهمني الا ان ربي يستجيب دعائي واصلي صلاة الليل المهم لما جاء شهر 1 الحمدلله ارسلت الفلوس على ناس الله وحده هو العالم بحالهم والله يابنات في نفس الشهر الحمدلله انحلت ومن بعد ماضاقت ربي فرجها كوني مع الله ولاتبالي واعطي الله مايريد يعطيك فوق ماتريدين والله يابنات اذا دعينا وربي مااستجاب لنا احنا السبب ربي خلقنا في هذي الدنيا وماتركنا سدى ولما تواجهنا مشاكل ومصاعب ماخلانا اعطانا اشياء واشياء من خلالها نتوصل للشي اللي احنا نبغاه
والحين في اشياء اتمنى من الله انه حققها لي بس باذنه عزوجل راح تتحقق لي ولا تنسوني من دعواتكم وربي اني محتاجه الدعاء الله يوفقكم وييسر اموركم ويسعد قلوبكم ويفرج همومكم ويحقق امانيكم واي وحده عندها نقطه تضيفها لموضوعي عشان الكل يستفيد
ومن الادعيه اللي كنت ادعيها
*ربي إني لماأنزلت الي من خير فقير*
*حسبي الله سيؤتينا الله من فضله انا الى الله راغبون*
*اللهم اجمع شتات قلبي حين وقوفي بين يديك*
*أستغفر الله لااله الا هو الحي القيوم واتوب اليه من كل ذنب*

مــلاحـظــه:
أي وحده تدعي لنفسها بتحقيق امنياتها لاتنسى ان تدعي ان ربي يعطيها الرضا والقناعه والشكر بعد تحقيق امنياتها


وأخيرا
أستغفر الله العظيم لي وللمؤمنين والمؤمنات الاحياء منهم والاموات
لااله الا الله وحده لاشريك له له الملك وله الحمد هو على كل شي قدير