خطوات التعامل مع المبتز (من تجربتي)!!!

مرحبا😔

انا تعرضت لإبتزاز واخذ سنه ونصف ومازلت اعاني لكن تخلصت من كثير اشياء ولله💜 الحمد من قبل ومن بعد وحبيت افيدكم وماابغى منكم الا الدعاء بإن الله يتمم علي ويخلصني نهائيا
اولا الإبتزاز مايكون من الرجل فقط احياناً امرأه تستفزك لحد مايتحول الموضوع لإبتزاز بالوقت اللي تصبح فيه تتحكم بانفعالاتك وردود فعل الناس اللي حولك المهم
انا وبما ان الإبتزاز كان من رجل 
اول واهم خطوه عدم المواجهه مهما كنتي على حق وهو على باطل صدقيني انتي كذا تحطين نفسك بمواقف ممكن يتحول فيها الإبتزاز لفضيحه وهذا اللي حصل معي لأن المبتز يدري انه على خطأ فمايحتاج تحاولين تبررين او تعلمينه انه غلطان
ثانيا لاتحاولين تأثيرين عليه بالدعاء والتخويف لأنه لو عنده ايمان قوي ماابتز من الأساس
ثالثا وهذي النقطه لاتقل اهميه عن الأولى التجاااااااااااااهل يعني اذا كان الإبتزاز مثلا بالواتس والا انستقرام او اي مواقع  تواصل لابد تسكرين حسابك بس قبل ماتسكرررررينه لاااااابد تنزلين صور او كتابات تدل انك ماتدرين عن المبتز شي ولا تتابعينه ولا شي مثلا اذا نزل شي يستفزك بعد بفتره بسيطه نزلي صوره عن الدوام والا السفر والاالصلاه>> ولا كأنه موجود ولأكأنك دريتي وش سوى 
واذا كان بالواتس نفس الشي انتبهي لكتاباتك لاتجارين المبتزين خلي كتاباتك بعيده عن العتب والمشاعر والفهم وحتى بعيده عن التحدي وكأنك نسيتي انهم بالوجود اكتبي دعاء والا اذكار والا اي شي وبعد فتره اذا حس المبتز انك ماااتدرين عنه انسحبي بهدوء واحذفي البرنامج نهائي وابتعدي عن عبارات التلميح مثلا بسكر حسابي والا انتهينا للااا ولا كأنك عارفه شي قفلي بهدوء وبيوم عادي وبصمت وحاولي قد ماتقدرين ماتتابعينهم جد عشان ماتتهورين وطبعا اكثري من الإستغفار وتوكلي  على الله وخير الحافظين الله💜ونعم الملجأ ونعم المصير