خطوات السفر بالطيارة

السياحة والسفر

السلام عليكم ورحمة الله وبركاته
بليز انا راح اسافر بالطيارة واول مرة راح اسافر خصووووصا لوحدي
فابغى اعرف بالتفصيل الممل خطوات السفر من المطار الين ماادخل الطيارة واول ماوصل للمطار الثاني ... لاني متوترة وابغى اسافر وانا مستمتعة وهادية وعارفة كل شي ...
6
7K

يلزم عليك تسجيل الدخول أولًا لكتابة تعليق.

تسجيل دخول

أميرال
أميرال
أول خطوة
تقطعي البورديق ( التذكرة)
سواء من المطار او من النت

ثاني خطوة
تدخلي عفشك وشناطك

ثالث خطوة
تروحي عند البوابة تنتظريها تفتح
وتدخلي بسلامتك

شيلي معاكي هويتك او كرت العائلة
ومافي ولا شي يربك ابدا ابدا صدقيني
وتعالي قبل الرحلة بوقت عشان لا يقفل استقبال العفش
واي شي تجهلي مكانه أسألي في المطار

رحلة سعيدة
أميرال
أميرال
عند الوصول

امشي مع المسافرين اللين مكان العفش

خذي شناطك واغراضك

وتأكدي منها من الرقم اللي عندك ( اعطوك اياه في المطار الاول لما سلمتي العفش)
لانه تحصل لخبطة احيانا اذا الشنط تتشابه

واطلعي من المطار واركبي سيارتك
ملاك الفردوس
ملاك الفردوس
مشكورة اميرال يعطيك العافية
Katie
Katie
شوي واعطيك التفاصيل
Katie
Katie
اول شي شنطتك اللي بتشحنينها لازم عليها قفل والشنطه اللي بتسحبينها معك الطياره لازم ماتتجاوز 7 كيلو قيسي وزنها قبل ماتروحين
الحين انتي وصلتي المطار اول ماتوقف السياره أشري لواحد من العمال بيجي ويشيل شناطك ويمشي بك الين كاونتر الخطوط اللي انتي حاجزه عليها طبعا بيكون فيه طابور
لما يجي دورك العامل بيركب الشنط اللي بتشحنينها على السير عشان يوزنونها وعطي الموظف جوازك والتذكره
هو طبعا بيعطيك البوردنق اللي هو بطاقة صعود الطائرة وبعدين بيجيب استكيرات بيحطها على شنطتك فيها رقم الرحله واسمك ورقم شنطتك وبيعطيك ستيكر ثاني فيه نفس المعلومات لزقيها على التذكره عشان ماتضيع وخلاص الحين انتهيتي من الشنطه والبوردنق عطي العامل 10 ريال لان هذي اجرته ولو بتعطينه اكثر بكيفك الله يجزاك خير
الحين روحي للجوازات بتلاقين ضباط مري من عنده وعطيه جوازك بس طبعا بيختمه لك اللي هو ختم الخروج ويمكن يخليك تبصمين على جهاز قدامه
الحين عديتي بتلاقين على يمينك لوحه مكتوب مطابقة النساء
ادخلي عندهم بس قبل ماتدخلين بيكون فيه جهاز تفتيش حطي شنطتك في الجهاز وادخلي للمطابقه وخلي جوازك معك بيفتحون الجواز وبيشوفون الصوره وبتفتشك بهذاك الجهاز اللي مثل العصا طبعا ماراح ياخذ ثواني
اطلعي من عندهم بتلاقين شنطتك طلعت من الجهاز خذيها وروحي للشاشه اللي عليها ارقام البوابات
دوري بالشاشه رقم رحلتك وشوفي وش بوابتك لنفترض انها 34 خلاص روحي للبوابه واجلسي راح ينادون على الرحله قبل وقت الاقلاع بثلث ساعه تقريبا
اذا اعلنوا روحي للبوابه ومدي لهم البوردنق راح يقطعه ويخلي معاك جزء منه وفيه راح تلاقين رقم المقعد حقك واذا ماعرفتي اسالي المضيفه هي بتعلمك وين مكانك خلاص روحي واذا وصلتي بالسلامه سوي نفس الاجراءات بس بالعكس
يعني اول شي الجوازات بيختمون جوازك بعدين بتستلمين شنطتك من السير وتوكلي على الله وهذا هو سهل مره بس دايما التجربه الاولى تكون صعبه شوي لكن لاتشيلين هم