بسم الله الرحمن الرحيم
اللهم صل على محمد وال محمد
"ان الله جميل يحب الجمال "
السلام عليكم ورحمه الله وبركاته
<< حشى صارت مقدمه محاظرة :hahaha:
انا يابنات حواء :smheart:
استفدت من المنتدى كثييير ومثل ماستفدت حبيت افيدكم .
كل يوم اقول بكتب الموضوع وباجهزة ولا كتبته
فقررت اليوم يصير ارتجالي واكتبه بسرعة وان شاء الله يفيدكم حتى لو بـ القليل
هذا جدولي في العنايه ببشرتي وجسمي
طبعاً انا مو دايماً اعتني يعني ايام اطنش وايام ماخلي شي ماسويه
المهم لا اطول عليكم
البشرة : مركبه يعني دهنية وجافة
اولا وجهي كل يوم اغسله بصابون دوف العادي الوردي
واحط عليه كريم نيفيا الابيض الي يجي في علبه بيضاء
ويصير وجهي نااعم
واحيانأ افركه بسكراب اسمه ياسمين اخذته من جيان قبل مايقفل
كان لجسمي بس خفيف مرة فاستخدمته لوجهي وحلو مرررة
اذا شفته قدامي في الحمام وانتوا بكرامه استخدمه
الاقنعه الخاصه بالوجهه :
قناع العسل والطحين
قناع مفيييد مرة وسهل وينور الوجه ويخليه ناعم وصافي ووردي
الطريقه خذي شويه عسل وحطيه بالمعلقه على وجهكـ لو بفرشه عريضه وخليه ليين ماينشف كويس
وبعدين خذي طحين اي نوع وافركي به وجهكـ لين مايطيح الطحين مع العسل ويصير وجهكـ مافيه شي
وبعدين غسلي وجهكـ بمويه بس :hearts:
"طبعاً لا تنسي اذا جيتي تفكري وجهكـ حطي تحتكـ كيس او ورقه علشان اذا طاح الطحين تكبيه في زباله المطبخ مو الحمام علشان نعمه الله واكل حرام يختلط بالنجاسه اكرمكم الله "
القناع الثاني قناع الروب مع العسل
خذي شويه روب او زبادي وحطيه معاهـ عسل شوي واخلطيه وحطيه على وجهكـ لين ماينشف وغسليه عادي
وشوفي وجهكـ كيف يصير صافي وناعم :hearts:
القناع الثالث قناع العسل مع القرفه
خذي عسل شوي مع دراسين او قرفه مطحونه وافركي بها الوجه وشوفي كيف يصير
وبنسبه للنقاط السوداء على الانف
انا استخدمت لصقات من محله اسمه ميشا
بـ 7 ريال
ممتااااااااااازة تشيل كل النقاط وتخلي الانف يللللللمع من النظافة
طيب خلصنا من الوجهه .
الجسم :
اغسل جسمي بصابونه دوف نفس الشي وبعدين لما اقوم احط كريم من نكتار اسمه وايت مسكـ على كل جسمي
تجنننننننننننن ريحته تصير ثيابي كلها ريحتة والله حتى لما ارجع واشمها كلها ريحته .
العنايه الاسبوعية
اولاً اشيل جسمي بعد كل بيريود بسكر وارتاح ولا يطلع لي شعر لحد المرة الثانية
ويصير جسمي نظيف ونااااعم
جربت الموس والبراون بس ماغير عن السكر لان ينظف ومايطلع شعر بسرعة
وبعد ماشيل استخدم زيت زيتون مع سكر
ممتاااااااااااازة
تدروا حتى الشعر يخف بنسبه كبيرة
انا شعر ساقي غليظ شوي
اخر مرة شلت استخدمت زيت زيتون مع السكريومين يعني اول يوم وثاني يوم
خف الشعر كثثثثثير حتى اختي مو مصدقه ان العشر مرررة خفيف
وحتى الجسم نااااااااااعم
لما شلت وسويت هذا السكر جت اختي تمسكني من يدي
انسحرت ايش هذا النعومه ؟؟ يدي تنزلق :pinklove2
وبنسبه للاظافر
من تيجي البيريود على طول مناكير مافوتها مرة فرنسي ومرة الوان
ولما قريب تخلص اشيله وانظف اظافري
ابردهم واقصصهم والمعهم بمبرد بودي شوب وتصير تلق لق
بالنسبه للترطيب ماستخدم شي لان يدي فيها حساسيه من الاشياء المعطرة فماقدر استخدم شي :ohwe:
ونفس الشي قدمي افركها بالحجر او مبرد وبعدين احط عليها فازلين اعشاب وانظف اظافري واقصصها والمعها بالمبرد تصير كاني حاطه مناكير شفاف وتظل فترة طوييييلة تلمع
وطبعاً حتى الفم اغسل يومياً الصباح والمساء بالمعجون وافركـ لثتي بزيت زيتون علشان تمنع الجراثيم وتطيب الفم :wink:
وبس
ولما اروح الجامعة اقطر نعومة وريحه حلوووة وامشي وااااثقه من نفسي :king:
وهذا كل الي عندي من تجاربي الخاصة وان شاء الله راح اكتب مواضيع ثانيه كمان في تنظيم الوقت والارداة و العناية بالشعر والعناية الداخلية
واهم شي لا تصير الدنيا والجمال اهم شي عندكم
اهتموا بالجمال لكن لازم الواحد يقتنع بالي عندهـ والحمدالله على كل حال
الله خلقنا في اجمل صورة وفضلنا على الحيوانات وعلى كثير من البشر بنعمة الاسلام
اتمنى افدتكم ولو بشي بسيط :26:
مِسكـ @msk_65
عضوة جديدة
يلزم عليك تسجيل الدخول أولًا لكتابة تعليق.
كساندرا لامارا
•
مشكوووووووووووره ياعيوني
ماشالله تبارك الرحمن
الله يستر عليك ويحميك من كل شر ’’
تعجبني البنوته اللي تهتم بنفسها ’’
ننتظر جديدك ياقلبي وماقصرتي يالغاليه ’’
الله يستر عليك ويحميك من كل شر ’’
تعجبني البنوته اللي تهتم بنفسها ’’
ننتظر جديدك ياقلبي وماقصرتي يالغاليه ’’
ماشالله تبارك الرحمن الله يستر عليك ويحميك من كل شر ’’ تعجبني البنوته اللي تهتم بنفسها ’’ ننتظر جديدك ياقلبي وماقصرتي يالغاليه ’’ماشالله تبارك الرحمن الله يستر عليك ويحميك من كل شر ’’ تعجبني البنوته اللي تهتم بنفسها...
الصفحة الأخيرة