خطوات تخلي شعر الجسم يخف ويصير ناااعم.

مرحبااا ياصبايا... من الصيف وأنا دايما كنت ادخل على عالم حوا وكاان عندي نيه اني لااازم اخلي شعر جسمي خفييف ونااعم..وطبعا كنت حاطه في بالي الاندونيسيين والمصريين والمغاربه لأن ماشاء الله ماعندهم شعر الا قلييل ونااعم حتى بعضهم مايحتاجون يسون حلاوه..

ومن خلال المواضيع اللي كنت اشوفها..لاحظت ان الاندونيسين كله يسبحون بماي بارد خصوصا فالصيف واكلهم كله خضرواات ونودلز..

المصريين طبعا مشهورين بالحلاوه وبعد اكلهم صحي فول وفلافل وسلطه ..ودايما يشربون الحلبه

اني للمغاربه ماشاء الله طبعا الحمام المغربي المعروف انه ينظف الجسم عدل ويخفف الشعر..واكلهم صحي..

وسويت لي برناامج من الصيف والحمدلله الحين اقدر أقولكم ان شعر جسمي استوى صدق شعر بنات
اما قبل ولأني مشعره بالوراثه كنت ما اطيق اشوف الشعر بايدي لأنه كان اسود وغليظ اما الحين نااعم وفي اماكن اشوفها قرعا هههههه ..المهم اهتميت بنفسي من الداخل والخارج...

- نظامي الغذائي كان كله خضرواات لااازم سلطه وخضار عالغدا والعشا ..وممنوووع لحوم وديااي
أبداااا خصوصا اللي من برع لأنه كله مضروب بأبر الهرمونااات وهي اللي تزيد الشعر ونحن العرب عندنا قابليه لزيادة الشعر.. فالبدايه كنت اخفف من اللحوم اما الحين امتنعت خصوصا من الدياي الا اذا كان من البيت..

- الماي البارد فالصيف ..دايما فالليل كنت اترس الطشت بالماي والصبح أقوم اسبح بمااي باارد..فالبداايه تعب وظيج لكن مع التعود خلاااصوفالشتا اسبح بماي دافي واخر شطفه تكون ماي باارد
لأن الماي البارد يسكر المسااام وبالتالي يخفف الشعر هذا اللي لاحظته غير انه يشد الجسم..

-الريااضه قبل الاستحماام احس احسن عشن تسخنين الجسم فلما اتين تسبحين انتي من نفسج بتحسين انج تبين الماي البارد وبجذه مابتنقهرين من البرووده لول..وطبعا الرياضه لها دور كبير في تنظيم الهرمونات وضبت مستويات السكر فالدم ويخلي النفسيه مرتااحه ..

-الحماام المغربي طبعا معرووف ماعليه كلام..
- الموس انسيه نهاائيا باستثناء المنطقه الحساسه..وخليج عالحلاوه المصريه أو الواكس انا استخدم شرائح فيت أسهل لي أو أسوي واكس فالصالون..

-الحلبه للي تقدر عليها بس تحملو تراها تفتح الشهيه عالاخر غير ريحتها.. بس في بديل وهو الينسون
مفييد وينظف البطن وينظم الهرمونات..

-طريقة الحمام الملكي لأختنا الغاليه توليب..لاحظت انه يجدد البشره ويخفف الشعر ومايخليه يطلع بسرعه...لأن اللليفه ممم مااعرف كيف اشرحها بس انتو جربوها وحتشوفو الفرق لول وارومساج من دوف يخبببل وفيه حبيبات مقشره تقشر الجسم بدون ماتؤذيه..بس تحملو لا تفركون بالقوه عشن ماتظهر النتيجه عكسيه بعدين تدعون علي خليكم ريلاكس وانتو تتليفون..

-وطبعا نقطه مهمه جدا جدا جدا هي الترطيب بالكريم بعد الحمام الملكي نتايجها مذهله جدا ولا بشرة الفلبينيات ماتشوفون دايما الفبينيات على طول الكريم بعد الشور من جذه اجسامهم طريه ومافيها شعر
لأنه يخفف هذا اللي لاحظته..

-والنقطه الاهم من كللل شي لأنها بتفيدج فالدنيا والاخره هي قراءة القران والحفاظ على الصلاه في وقتتتها ..واهم شي الاخلاااق وراقبي نفسج كل يوم قبل النوم شو الاغلاط اللي سويتيها وشو الحسنات اللي سويتيها وتوبي عن الاغلاط وافرحي بالحسنات..وترا الدنيا زاايله وفالقبر كل وحده فينا بتكون بروحها فالظلااااام فجهزي لهذي اللحظه..وادعي الله انه يعينج لأن في هذا الزمن اذا الميت حيا ما بستغرب ..والله

ممم بس هذا اللي اذكره الحين..ومبسووطه جدا عالنتايج..بس بناات تحملو من الامسااك هو اللي يعدم البشره والنفسيه عدم...

وما اقول ان الشعر كله بيرووح لا بس بيخف واايد ..أنا في اماكن قررعت عندي والله قررعت:hahaha: